رواية جحيم الغيرة الفصل الرابع 4 كامل بقلم اماني السيد
بتطبطب عليكى لا احلل نقلها او مشاهدتها فى أى مكان تانى غير صفحتى قصص وروايات أمانى سيد
كانت ابتهال بتبصلهم ومن جواها مش عارفه تفرح لانها السبب فى ده ولا تزعل على حالها إن محدش حس بيها انها مجربتش حضن الأهل ولا الاحتواء ده
سابتهم ابتهال وقامت عشان محدش يشوف فى عينيها نظره الضعف او الحنين ولا الدمعه اللى خانتها وظهرت فى جفنها
اثناء مرورها من قدامهم تمتمت والدتها بصوت مسموع
هديتى كده منك لله
تجاهلتها ابتهال ومردتش عليها أهم حاجة دلوقتي انها متظهرش ضعفها ولا تشمتهم فيها
مرت الايام واتصالات ابتهال قلت بياسين وبدأ ياسين يبعت رسايل لابتهال يسهالها عن بعدها عنه
وكان جوابها دايما انها انشغلت فى شغل جديد
بالإضافة انها على وشك الترقيه فى شغلها وهى من ساعه مانقلت
مرت الايام وعدى شهر كانت بتتفادى ابتهال أنها تقعد مع اختها او أمها بتضيع وقتها فى الشغل والخروج مع اصدقائها
وبعد مرور شهرين وبعد إلحاح كبير من ياسين قررت تقابله
هى بدأت تحس انها ورطت نفسها معاه لانها مابتحبوش بس ده الشئ الوحيد اللى هيوجعهم عشان كده مستحملاه
فى احد الكافتريات قابلت ابتهال ياسين بابستامه مزيفه
ازيك يا ياسين عامل ايه
انا كويس الحمد لله بس حاسس انك بتهربى منى
مش بهرب منك ولا حاجه بس انا دلوقتي مركزه فى شغلى والجيم عشان كده بعدت شويه وبعدين هانت خلاص
طيب انا عايز أتأكد انك لسه عند وعدك
حاضر بكره هكلم عمى واخليك تقابله
متأكدة
متاكده انى هكلمه واظبط معاه الموضوع مش سهل
ماشى
فاكره ماتقلقش
انتهت ابتهال من مقابلتها معاه وروحت البيت لقت مامتها وفردوس بيضحكوا وبيهزروا على غير العادة
السلام عليكم
وعليكم السلام كويس انك جيتى بدرى
خير
عمك عازمنا كلنا بكره ومأكد انك لازم تيجى معانا
طيب انا كده كده كنت هروحله بكره كنت عايزاه فى موضوع مهم
موضوع ايه
بكره لما نروح هتعرفى
ايه يا بايره جايلك عريس ولا ايه وخايفه تقولى لنحسدك
بايره هه انا بايره طيب مش احسن لما اجيلك وانا جاره خبتى معايا
انتى ايه ماتعرفيش تسمعى من غير ماتردى الغيره دايما وكلاكى كده من اختك
وياترى بقى هغير منها ليه وعلى ايه
ها تقدرى تقوليلى ايه بنتك متفوقه عليا فيه او احسن
انا بشتغل بدل الشغل اتنين عندى شقه وعربيه ورصيد فى البنك ليه صحاب عندى كل حاجه هغير منها ليه
عشان عندك عقده نقص لاننا بنحبها أكتر منك وانتى مش قادره تنسى ده اننا بنفضلها عليكى
غصب عنها الدموع كانت هتخرج
تصنعت ابتهال الضحك الشديد عشان امها واختها يفتكروا دى دموع من كتر الضحك
طيب قولى حاجه عدله اغير منها
اغير من حبكم ده لو كان نفعها انما اغير من فاشله ليه وسبتها ودخلت الحمام وقفلت على نفسها وفضلت تعيط
مهما كانت فاكره انها تخطت الماضى إلا انها كل مره بتتاكد انها لسه مخرجتش منه مع اول مواجهه بيبان الضعف
ياترى رد فعلهم ايه لما يعرفوا بكره
ياترى عمها عايزهم ليه ضرورى
البارت الخامس من هنا
https://pub153.lamha.news/24228
رواية جحيم الغيرة
