رواية صعيدي خطف قلبي كاملة جميع فصول الرواية بقلم حنين عبدالرحيم
الفصل الاول بعد اذنك يا مستر احمد عايز اخد اجازة..
ليه يا ميرا.. قولتلك مليون مرة الشغل مينفعش من غيرك..
بس يا مستر احمد... انا محتاجة اجازة شهر واحد بس اسافر اغير جو.. اروح بقي الغردقة او مطروح او حتي اتفسح هنا بس في اسكندرية.. عايزة ارتاح..
مينفعش يا ميرا.. قولت مينفعش ويلا بقي اتفضلي على شغلك..
ميرا في سرها.. والله العظيم رذل يا اخي تبا لك... انت وشغلك.. يا بارد..
بتقولي حاجة..
-بقول عن اذنك يا افندم..
صح نسيت اعرفكم انا ميرا بشتغل صحفية وكمان مصورة لان التصوير هوايتي وواخدة فيه كورسات كتير اوي..
وده بقي المدير بتاعي نفسي بقي اخد اجازة... بس مش راضي..
قال ايه.. اني اكفء موظفة هنا والشغل مينفعش من غيري..
وانا عارفة اصلا اني جامدة والشغل ماينفعش من غيري..
سواء بقي في اللقاءات او المقالات او الصور.. الحمد لله اللهم زدني تواضع مبتكلمش عن نفسي كتير .. عايشة مع بابا وماما ومعنديش اخوات
المهم يوم الشغل خلص وروحت..
ماما.. حمد لله على السلامة يا ميرو..
ميرا.. الله يسلمك يا مامي.. امال فين حسام القمر بتاعي..
ماما.. يا بت احترمي نفسك ده أبوكي..
ميرا.. يا ستي بت وبتعاكس والدها انتي مالك
حسام.. صح وانتي مالك
ميرا طلعت تجري عليه وته.. عامل ايه يا بابي..
حسام.. كويس يا قلب بابي من جوة.. انتي عاملة إيه.. واخبار شغلك ايه
ميرا.. الحمد لله ماشي الحال.. امال ايه ده يا حسام. .. انت بتصغر كل يوم عن الي قبله كدة ليه
حسام ضحك.. شوف البت البكاشة..
ماما.. لمي نفسك يا بت.. احترمي وجودي..
ميرا.. اوباااا.. شكلها بتغير عليك يا حسام..
وهمست وقالت.. شكلها بتحبك يا بوب.. بس يعني من بين كل الستات ملقتش غيرها يا بوب..
ماما.. بتقولي ايه يا بت..
ميرا.. احم... بقول يا زين ما اخترت يا بابا ست البنات..
ماما.. طب يلا بطلي لماضة ويلا علشان نأكل..
ميرا.. يلا هغير هدومي وهاجي فورا...
على الغداء..
حسام.. صح .. نسيت اقولك يا ميرا.. احنا نسافر الصعيد..
ميرا.. يا ربي.. Are you kidding me.. لا يا بابي يعني انا لسه كنت بقول النهاردة نفسي اروح الغردقة... شرم.. نفسي اروح شاليه هنا في اسكندرية.. وحضرتك تقولي نروح الصعيد يا بابي..
حسام.. وماله الصعيد يا ميرو.. احنا منه... وهناك اهلنا اهلي واهل مامتك. .. وحشونا اوي بقالي كتير مشوفتهمش معلش يا ميرو.. لازم نسافر..
ميرا.. مش هينفع اساسا لاني النهاردة لسه مفاتحة مستر احمد في الموضوع ده بتاع الاجازةوهو رافض أساسا..
حسام.. خلي بالك مش حجة مقنعة وعلي احمد انا هبقي اكلمه.. (احمد ده يبقي صديق حسام اللي هو والد ميرا.. قولي مش عايزة تروحي ليه
ميرا.. اصل بصراحة يا بابا..
ومن غير ضحك..
انا بقرا روايات كتير..
وفي كل رواية كل بنت بتبقي من اسكندرية كدة او من القاهرة مثلا..
تروح لابن عمها في الصعيد اللي مش هيعجبه طبعها وطريقتها وهيبقي بيكرهها وبعدين يحبها..
وهي تحبه ويتجوزا وهكذا..
وانا نو واي اتجوز من الصعيد وانا مش حمل مرمطة الروايات دي
حسام.. ايه ايه.. حيلك.. حيلك.. مش كل حاجة في الروايات حقيقة.. وكمان هو انا قولتلك هنقعد سنة ده هو شهر ولا شهرين بالكتير..
ميرا في نفسها.. ما هي الحكاية في الروايات بتبدأ بشهر او شهرين.. .وبعدين البطل يتعلق بالبطلة...
وهوبا هي كمان تتعلق بيه.. ويعيشوا في تبات ونبات.. ويخلفوا عيال متشردة ..
وبعد كدة ردت.. ظب هشوف كدة يا بابا مستر احمد..
المهم دخلت قعدت شوية وبعدين نمت وصحيت..
اخدت شاور ولبست جينز اسود.. وبلوز ابيض.. وعملت شعري ديل حصان.. وراحت الشغل..
-ميرا روحي بسرعة علشان مستر احمد عايزك..
خير يا رب.. الراجل ده مبيحيش من ورا خير.. كلس ما يناديلي لازم يبقي فيه مصيبة..
وراحت لمستر احمد..
مستر احمد.. ابشر يا تيمور..
ميرا.. مادام قولت ابشر يبقي شكلها هتبجي وجعة مربربة.. صح لو حضرتك هتتكلم عن الحادثة فانا روحت للموقع بنفسي وصورت وكتبت اللقاءات والمقال جاهز هبعته لحضرتك
مستر احمد.. برافو.. بس كنت عايزك في حاجة تانية..
مش انتي كنتي عايزة تاخدي اجازة.. هديكي اجازة شهر..
ميرا.. بتهزر يا فوزي .. احم.. قصدي ايه سبب التغيير المفاجئ ده يا افندم..
مستر احمد.. هتسافري الصعيد
ميرا.. نعم الصعيد .. اشمعني اكيد بابا كلم حضرتك...
مستر احمد.. ايوة ومش علشان كدة بس.. كمان الدولة فتحت مشروع جديد في الصعيد.. فعايزك تروحي بقي تصوري وكدة ولقاءات..
بقي ومقالات وتبعتيها على النت وقضي اجازتك بقي شهر انتي وعايلتك في الصعيد..
وصوري بقي حياة الارياف ولما تيجي لو عايزة تكتبي مقال عن حياتهم تمام.. كدة بقي عداني العيب
ميرا في نفسها.. شكلي فعلا مكتبولي اروح الصعيد..
وردت.. تمام يا افندم شكرا..
وخرجت..
خلصت الشغل وروحت البيت سلمت على والدها والدتها وهما بيتعشوا حكت ليهم اللي حصل في الشغل..
حسام.. شوفتي خلاص انتي مكتوبلك تسافري وبالمرة تشوفي شغلك.. ها قولتي ايه
ميرا.. خلاص بقي امري لله..
حسام.. تمام جهزوا الشنط هنسافر بكرة بإذن الله. ..
جهزت شنطتي ونمت صحيت.. لبست ونزلت ركبنا العربية. .. وانا نمت وصحيت... ونمت كمان وصحيت.. شكل الطريق مطول.. ونمت تاني وصحيت.. لقيت حولين العربية زرع اخضر كتير وحيوانات. ..
وصوت بابا بيقول.. يلا يا ميرا وصلنا..
ميرا.. يلا..
ودخلنا بيت كدة كبير اوي وعلي الباب.. كان واقف راجل كبير في السن.. باين علي ملامحه الطيبة والحنية..
سلم على بابا وماما..
(ملحوظة بس انا معرفش اوي في لغة حبايب قلبي واهلنا الصعايدة فأعذروني بقي في اي كلمة
وبعدين قال هي دي بت والدي.. كيف الجمر.. ربنا يحميهالك يت ولدي.. اتفضلوا..
اول ما دخلنا لقيت ناس كتير كدة واقفين.. بدأ جدو يعرفنا عليهم
قال.. ده عمك حامد.. ودي مرته.. وده عمك محمد.. ودي مرته.. وده محمود ابن عمك محمد.. ودي سارة بت عمك حامد..
المهم سلمنا عليهم وقعدنا شوية..
محمود.. امال انتي في سنة كام يا بت عمي
ميرا: انا بشتغل صحفية ومصورة واساسا عندي شغل هنا في الصعيد.علشان المشروع الجديد ..
محمود.. ايوة اللي الدولة عملاه.. .انا في تانية كلية زراعة وبتدرب هناك..
ميرا.. طب اشطا.. لو مش هتعبك بقي.. هبقي اروح معاك هناك اصور واعمل لقاءات وكدة.. .
محمود.. تؤمري يا بت عمي..
ميرا.. شكرا..
الجد.. اكيد تعبانة يا بنيتي.. اطلعي ارتاحي.. وبعدين نكمل حديتنا..
ميرا.. حاضر يا جدو...
الجد.. ام فوزي.. تعالي خدي ست ميرا لاوضتها..
ام فوزي.. حاضر يا جدي.. اتفضلي معايا يا ست مينا ..
ميرا: لا اسمي ميرا..
ام فوزي.. ميرا...
ام فوزي.. دي اوضتك يا ست هانم.. لو احتاجتي اي حاحك انا هنا يا ست ميرا..
ميرا.. ممكن بليز تقولي ميرا بس انتي في مقام ماما..
ام فوزي: يوووه.. ميصحش يا ست هانم.. جطع لساني..
ميرا.. لأ لأ انا بقولك..
ام فوزي.. اللي تؤمري بيه يا ست ميرا..
ميرا.. قولنا ايه
ام فوزي: جصدي يا ميرا.. ربنا يحفظك يا بنيتي..
ميرا.. شكرا لذوقك..
دخلت خدت دوس..
ولبست بيجامة ووقفت كدة في الشباك شوية اتفرج على الزرع و حياة الريف الجميلة..
الزوجة اللي بتساعد زوجها وهو راجع من الشغل.. الحيوانات الكتيرة جدا..
الاطفال وهي بتلعب ببراءة..
ياااااا..
الحياة هنا بسيطة اوي كدة..
المهم وانا بتفرج لمحت شاب كدة راكب حصان وشكله كان متعصب الله واعلم من ايه..
كان لابس لبس صعيدي بس كان حلو جدي .. وبصراحة مكنتش اعرف ان الصعيد فيها قمامير كدة.. راكب على الحصان جنتل مان وجسم رياضي وبصراحة اتراكتف اوي ..
عامل زي الممثلين التركين كدة..
المهم كنت تعبانة ..
فيدوبك حطيت راسي على المخدة وعومت في بحر النوم...
وصحيت على...
يتبع
لو لقيت التفاعل كويس هنزل 2 النهاردهصحيت على صوت ام فوزي وهي بتقول:
جومي يا بنيتي الوكل جاهز..
ميرا.. هي الساعة كام دلوقتي
الساعة بجت 6 ..
-يااااا... انا نمت كل ده..
تلاجيكي يا حبة عيني من التعب.. جومي يلا يا بنيتي علشان تاكلي..
-ماشي يا ام فوزي.. روحي انتي وانا هأخد شاور كدة وجاية..
الا مين شاور ده يا ست ميرا
ميرا بضحكة.. قصدي يعني دش يا ام فوزي..
ماشي اللي تؤمري بيه
المهم ميرا اخدت شاور كدة ولبست جينز وتيشرت ونزلت
وهي نازلة كان الكل قاعد على السفرة وفجأة كل النظرات اتوجهت ليها..
ميرا.. مساء الخير يا جماعة..
محمود.. مساء العسل والجمال...
ميرا بصت لمحمود وابتسمت
وقعدت على السفرة وبدأت تاكل..
وبعد ما خلصوا وأكلوا..
ميرا.. محمود ..
محمود.. نعم يا بت عمي..
ميرا.. ممكن بس تقولي انت رايح امتي المشروع الجديد ده علشان اروح معاك يعني..
بقلم.. حنين عبدالرحيم
محمود.. رايح بكرة يا بت عمي.. اصحي بكرة ونروحوا مع بعض..
ميرا.. تمام OK.. شكرا
محمود: لأ مفيش شكر بين الصحاب ولا ايه..
ميرا بإبتسامة.. أيوة اكيد.. ما انت بتتكلم زيي اهو اومال فيه ايه..
محمود.. اه عادي بس كل مكان لازم ليه كلامه..
ميرا.. OK.. نتقابل بكرة يا صاحبي..
محمود.. ماشي يا زميلي..
ميرا ضحكت.. كمان يا زميلي ... لأ انت جامد اوي بقي..
بقلم.. حنين عبدالرحيم (حنون
محمود بغرور مصطنع.. عادي بس مبحبش التكبر.. ممكن اقولك يا اسطا كمان بس انتي اكبر مني برضه ولازم الاحترام..
ميرا.. كبيرة ايه يا عم عادي.. عموما ماشي يا عم التواضع.. تصبح على خير..
محمود.. وانتي من أهله..
الجد.. والله اتوحشتك جوي يا ولدي..
حسام.. وانا والله يا بوي..
حامد.. امال فينك يا خوي كل دي كانت غيبة..
حسام.. انت عارف مشاغل بقي يا خوي..
حامد.. ربنا يجويك..
حسام.. صح انا شوفت سارة.. امال فين ابنك مهران مشفتهوش من وهو عيل صغير..
حامد.. هو كمان مشغول بالمشروع الجديد.. وشغله وكدة وبيبات هناك بقاله اسبوع..
حسام.. ربنا يوفقه يا رب..
*
المهم طلع يوم جديد
وجاء الصباح
محمود بيخبط على ميرا.. ميرااا.. ميرااااااا.. ميرا.. هي في غيبوبة دي ولا ايه.. ميراااااا
واخيرا بعد محاولات ميرا فتحت الباب
ميرا: ايوة يا محمود حرام عليك في حد يصحي دلوقتي..
ميرا طبعا كانت لابسة بيجامة .. بس كانت عادية بنطلون وتيشرت..
محمود اول ما شافها فضل ساعة يضحك
ميرا.. في ايه انا عارفة شكلي وانا صاحية من النوم يخوف صح
محمود وهو مش قادر يمسك نفسه من الضحك :
ايه بيجامة الاطفال اللي انتي لابساها دي..
وايه شعرك الي عملاه كعكتين ده..
لا مش جادر .. بجد..
ميرا نغزته في كتفه.. اسكت بقي يا بارد بقي انا شكلي وحش.. ماشي يا محمود..
محمود: لا والله ماجصدتش يا بت عمي.. المهم البسي يلا علشان كدة هنتأخر.. يلا انا همشي
وبضحكة مكتومة بيقول.. يا جطة..
ميرا.. امشي من هنا يا ولا.. امشي..
ميرا اخدت شاور
ولبست دريس ابيض كات وعليه جاكيت جينز كات.. وكوتشي ابيض.. ورفعت شعرها كعكة مع بعض الخصل اللي نازلة من شعرها.. و اخدت شنطة باك..
ونزلت وكانت جميلة بما تعنيه الكلمة..
ميرا نزلت لقت الكل قاعد على السفرة..
ميرا.. صباح الخير والفل والياسمين علي اجمل عايلة في المجرة..
الجد.. صباح النور يا حبيبتي..
حسام.. ها رايحة النهاردة يا حبيبتي
ميرا.. اه يا بابي.. رايحة مع محمود..
حسام.. ماشي يا بنتي ربنا يوفقك..
ميرا.. اهو يا أستاذ محمود جهزت بسرعة.. علشان متقولش انا اللي هأخرك..
محمود.. خلاص يا بت عمي.. كدة معتتأخريش امال لو رايحة فرح كنتي اخدتي قد ايه..
ميرا.. ماشي يا حودة هنشوف الموضوع ده بعدين.. حسابك معايا عصير.. شايف يا جدي..
الجد.. مالك ببت عمك يا محمود.. تتأخر كيف ما هي عايزة
ميرا.. ربنا يخليك ليا يا جدي.. وطلعت لسانها لمحمود
محمود.. بجي كدة يا جدي... تيجي معاها..
والكل ضحك..
المهم خلصوا فطار ومحمود اخد ميرا ومشيوا وهما ماشيين
ميرا.. بقي انا يا برو.. تقول عليا بتأخر وكمان تتريق عليا..
محمود.. انتي مش شايفة نفسك جعدتي اد ايه..
ميرا.. ايوة ما انا متأخرتش.
محمود.. خلاص خلاص اهدي يا زميلي..
ميرا.. خلاص خلاص انا هادي يا صاحبي..
محمود بضحك.. ماشي يا بت عمي..
وبعدين محمود سرح..
ميرا.. الحلو سرحان في ايه..
محمود.. ها.. واكمل بحزن.. تعرفي يا ميرا انا معنديش اخوات بنات طول عمري كان نفسي يبجي عندي اخت زيك اكدة نتخانج انا وهي و تبجي اكبر مني وتذاكرلي ونبجي زي الجط والفار كدة
بقلم حنين عبدالرحيم
ميرا.. تعرف يا ولا يا حودة..
وانا كمان وحيدة معنديش اخوات خالص...
بس ادينا فيها من النهاردة انت اخويا وانا اختك مهما حصل.. Ok
محمود.. OK.. يا بت عمي.. من النهاردة انتي اختي وانا اخوكي مهما حصل..
ميرا.. مادام انت اخويا بقي يبقي بلاش بت عمي دي وقولي ميرو تمام..
محمود.. تمام يا ميرو..
ميرا بضحكة.. ما أنت عسل اهو..
محمود بكسوف شوية.. احم.. شكرا..
ميرا.. ايه ده.. ايه ده.. مالك اتكسفت كدة ليه
محمود.. المهم ادينا وصلنا يا ميرو..
ميرا.. يااااا حلو اوي..
وميرا استأذنت من المسؤلين وبدأت تصور.. ومحمود راح تدريبه.. بدأت تاخد صور وتعمل لقاءات صحفية.. وهكذا
لحد ما وهي بتصور الزرع والمشروع وكدة ومندمجة اوي في الصورة اللي بتاخدها (لان زي ما انتوا عارفين التصوير ده هوايتها فاكتر وقت بتحبه وهي بتصور ..
حد جاه من وراها وقال.. ايه اللي عم تعمليه ده..
ميرا مندمجة وبتاخد الصورة وماخدتش بالها..
اللي بيتكلم على صوته وقال.. ايه الل عم تعمليه ده
ميرا اتفزعت والكاميرا كانت هتقع منها..
وبعدين قالت وهي لسه مدياله ضهرها :.
بصور..
قال.. بوصيلي هنا وانا بكلمك..
المهم ميرا لفت لقت الشاب الجميل اللي كان راكب على الحصان (جسم رياضي وعيون خضرا وحاجة كدة اتراكتف اوي بس مكنش لابس لبس صعيدي كام لابس عادي تيشرت و بنطلون ..
وعيونهم التقت ببعض..
وبعدين ميرا قالت.. نعم يا استاذ.. انا صحفية وبصور المشروع الجديد..
ايوة اخدتي اذن من مين..
انتي يا حضرة الصحفية...
علشان تصوري وانتي ايه ده أساسا..
ايه الخلجات اللي لابساها ديه..
وايه ده..
انتي منين يا حضرة الصحفية انتي..
- اولا انا اسمي ميرا ثانيا انا من إسكندرية.. ثالثا ملكش دخل البس ايه او مالبسش ايه.. رابعا بقي والاهم ده الكارنيه بتاعي وواخدة اذن من اللي قاعدين في المكتب اللي هناك ده.. وبعدين انت مالك يا عم الجنتل انت
اتحدتتي معايا بأسلوب احسن من كدة.. ومتعمليش نفسك علينا حاجة لاني اعرف اتكلم مصرواي زيك عادي وانا بجي ابجي مهران صاحب فكرة المشروع اللي حضرتك شايفاه ده..
-بجد انت مهران اللي بيقولوا عنه صاحب الفكرة.. بس هو انتي يعني handsome.. الصراحة... بس اسلوبك مش حلو خالص..
بقلم حنين عبدالرحيم (حنون
مين ده اللي اسلوبه وحش يا بت انتي.. بس ثانية انتي قولتي عني وسيم مش كدة..
وقرب منها وهي بتبعد
ميرا بلجلجة في كلامها.. يعني مش قصدي.. ابعد بس..
وبيقرب منها وهي بتبعد..
ميرا.. مكنش قصدي.. ابعد لو سمحت..
مهران.. ايوة يعني ولو مبعدتش..
يتبعمهران.. ولو مبعدتش..
ميرا.. يعني بليس امشي من هنا ..
وفضل يقرب اكتر..
وبعد كدة بعد عنها وقال.. خلاص انتي خوفتي مني.. جرا ايه عاد.. ما كنتي عاملة فيها سبع رچالة في بعض... يااااا اسمك ايه جولتيلي يا حرمة انتي..
ميرا.. اسمي ميرا يا عم الحج ..
مهران.. ماشي يا ميرا.. بس متجربيش بعد كدة تلعبي معايا واصل.. لانك مش خابرة انا ممكن اعمل ايه
بقلم حنين عبدالرحيم (حنون
ميرا.. لا مش عارفة هتعمل ايه يعني
مهران.. جولتلك بلاش..
ميرا خافت سيكا وقالت.. خلاص بقا يا استاذ مهران .. سيبني اخلص تصوير..
مهران.. طب هو انا ماسكك يا حرمة انتي.. امشي كه...
مهران مشي وهو جواه شعور غريب
وقال.. فيه ايه يا مهران..
مش حتة حرمة اسكندرانية.. هتحرك شعور جواك.. بس ايه اللي انا حاسه ده..
مش خابر.. لا يا مهران ..
انت جفلت جلبك من زمان.. واوعي تفتحه والبت دي تتعامل معاها بجمود من هنا ورايح..
ميرا بتصور وبتعمل لقاءات وهو قاعد من بعيد وبيتفرج عليها..
ويقول.. انا بس عراجبها علشان هبجي اعلمها الادب.. من ميتا وحرمة تتحدت معايا كدة..
المهم ميرا كانت عايزة تعمل حوار معاه لان هو أساسا صاحب فكرة المشروع ولازم
المهم راحت عنده وهي متوترة وقالت..
بعد اذنك يا استاذ مهران..
بقلم.. حنين عبدالرحيم (حنون
نعم يا.. ميرا..
ميرا اول ما سمعته بيقول اسمها دقات قلبها عليت جدا مش عارفة ليه وردت وقالت..
انا يعني.. انا بس كنت...
مهران.. من ميتا التوتر ده.. هو انا للدرجة دي جمر و بخوف كمان..
علشان كدة مش جادرة تتحدتي معاي..
ميرا.. قمر ايه وبتاع ايه .. المهم كنت جاية وعايزة اعمل لقاء معاك كدة وأسألك كام سؤال بس وخلاص...
مهران ببرود.. لع.. انا مش فاضي للحديت الماسخ ده..
ميرا.. يا عم الناس قولتلك هما 5 دقائق بس..
مهران ببرود اكتر.. اولا مسميش عم الناس اسمي مهران.. ثانيا بجي جولتلك يا حرمة انتي مش فاضي..
ميرا فكرت تجيبه من حتة العاطفة جايز يبقي عنده دم..
ميرا بعياط ودموع مصطنعة.. معلش اصل بصراحة.. انا كدة ممكن اترفض من شغلي هو لقاء بس ومش هطول على حضرتك...
مهران مش عارف ليه اول ما شاف دموعها قلبه وجعه مع انه المفروض قفل قلبه من زمان
بس قال.. بس هما كام سؤال علشان مشغول ..
اجلسي هنا يا ميرا..
ميرا بخبث.. حاضر يا .. استاذ مهران..
والمهم عملت لقاء وخلصته
وهي خارجة قالت..
علشان تبقي عارف بس يا استاذ مهران.. انا عمري ما بعيط والدموع اللي شوفتها دي كانت شوية تمثيل.. كنت بستفز مشاعرك علشان اعمل اللقاء ونجحت..
طب والله انا ممثلة شاطرة...
شوفت بقي...
مهران.. انتي كنتي بتلعبي عليا يا حرمة انتي..
طب والله راح أودرك واجيب خبرك...
ميرا طبعا مش فاهمة
مهران قرب منها وقال.. باللغة بتاعتك يعني هقتلك..
ميرا سابته وطلعت تجري..
مهران.. اجري ضلوك.. بس عتشوفي مهران هيعمل ايه يا ست ميرا... هعلمك الادب...
بقلم.. حنين عبدالرحيم (حنون
ميرا جرت وبعدين رنت على محمود
ميرا.. حودة فينك
محمود.. انا طلعت اهو ومستنيكي برة..
ميرا.. طب انا جاية...
وراحت لمحمود
.محمود: جرالك ايه يا ميرو .. شكلك مخنوقة جوي..
ايه اللي حوصل..
ميرا.. في واحد كدة.. غبي بعيد عنك.. نرفزني وبوص حاجة كدة بارد ورخم..
محمود.. اهدي بس مين ده
ميرا.. المسؤل عن المشروع
محمود.. اباي عليكي.. ايوة انهي واحد فيهم..
ميرا.. اللي اسمه مهران ده..
محمود.. بتهزري مهران.. ده حبيبي واخوي.. ده جريبنا خلي بالك..
ميرا: قريبنا .. نو واي.. يبقي واحد بالرخامة دي قريبنا..
محمود.. لع.. يا ميرو ..
جرا ايه عاد.. بعد اذنك اتحدتتي عنو بطريقة احسن من كدة.. لانه اعز صاحب عندي واخوي وجريبنا انا وانتي..
ميرا.. خلاص انا اسفة يا محمود لو ضايقتك معلش..
محمود.. لع ولا يهمك مش عايزة تعرفي بجي هو يجربلك ايه..
ميرا.. قول ومن غير صدمات ..
محمود.. هو يكون ابن عمك حامد...
ميرا.. ثانية ثانية... بس عم حامد معندهوش غير سارة بس..
محمود.. واه.. لا وعنديه مهران كمان يبجي اخونا الكبير...
ميرا.. بس انا مشفتهوش في البيت خالص.. هو متجوز يعني وعايش بعيد..
محمود.. متجوز ايه لع طبعا... بس علشان زي ما انتي شايفة عندو شغل في المشروع الجديد ربنا يوفقه.. هو صاحب الفكرة.. .فهو بيبات هناك أساسا بجاله اسبوع..
ميرا.. اه.. فهمت.. بوص مش هتكلم عليه علشان انت بتزعل..
محمود بضحك.. لع.. والله يا ميرو هو جلبه طيب وحنين جوي بس.. من يوم اللي حوصل بجي..
ميرا.. ايه اللي حصل
محمود.. سيبك.. جوليلي عملتي ايه...
ميرا فهمت انه مش عايز يقولها :
الحمد لله.. صورت وكتبت مقالات وهروح تاني بكرة علشان فاضل شوية حاجات بس استني... بوص الصور دي اهي.. حلوة صح
بقلم.. حنين عبدالرحيم (حنون
محمود.. اه حلوة جوي..
ميرا.. والله يا ابني انت اللي رافع من معنوياتي..
محمود.. لأ.. لأ.. والله كيف الجمر..
ميرا.. عارفة عارفة.. بس مبحبش التكبر.. انا قمر في نفسي...
محمود بضحك.. مش جصدي عليكي يا مجنونة.. جصدي على الصور..
ميرا: يا عم اضحك عليا حتي..
محمود.. واه.. انتي كمان كيف الجمر يا بت عمي..
ميرا.. والله مش عارفة اودي جمايلك فين يا زميلي..
محمود.. متقوليش يا زميلي علشان الحالة بتجيلي..
ميرا.. انت بتعرف تقلش كمان..
محمود.. ايوة يا ميرو.. احنا مش قوليلين في البلد..
ميرا.. يلا ادينا وصلنا... مش قادرة.. عايزة ارتاح..
محمود.. ارتاحي ضلوك.. وانا كمان مش جادر واصل..
ميرا.. ولا انا والله يا ابني..
المهم دخلوا البيت
ميرا.. هالو يا جدو..
الجد.. بتجولي ايه يا بنيتي..
محمود.. يعني بتجولك اهلا يا جدي..
ميرا.. عامل ايه يا جدو...
الجد.. انا زين يا بنيتي طالما شوفتك
محمود راح باس ايد الجد و ميرا كمان
وميرا طلعت ترتاح لانها مش قادرة أساسا..
الجد اترسمت على وشه ابتسامة...
محمود.. مالك يا جدي..
الجد.. جعمز يا ولدي.. (جعمز يعني قعد علشان تعرفوا ان انا بتعلم اهو
الجد.. تعرف يا محمود.. انا اكتر وجت ببجي فرحان فيه لما اشوفكم كلكم حواليا ومتجمعين هنا.. بحب اشوف ولادي و احفادي حواليا..
محمود.. ربنا يخليك لينا يا جدي.. ويديك طولة العمر..
الجد.. ربنا يديني طولة العمر واشوفكم احسن الناس. ربنا يحميك يا ولدي.. انت و ميرا و سارة و..
فجأة حد دخل وقاطعهم وقال: اباي.. وانا يا جدي.. نسيتني اياك.. لع كدة انا زمقان (زعلان ...
يتبعالجد بابتسامة.. انت جلبي.. انت.. حبيبي يا مهران يا ولدي..
مهران راح يبوس ايد جده وسلم على محمود
مهران.. معلش يا جدي هروح اتسبح وارتاح شوية وهقضي بقيت اليوم معاكوا...
الجد.. ماشي يا ولدي
مهران طلع اخد شاور كدة ولبس لبس صعيدي كدة وارتاح شوية وبعد كدة نزل على الغدا..
سلم على حسام ومراته..
مهران.. اتوحشتك يا عمي...
حسام.. وانا والله يا ولدي.. ياااا.. يا مهران بقالي كتير اوي مشوفتكش كبرت يا ولدي..
للكاتبة حنين محمد عبدالرحيم(حنون
مهران.. ربنا يخليك يا عمي ويباركلنا في عمرك..
وفجأة وهما بيتكلموا ميرا كانت نازلة على السلم لابسة بيجامة بيتي بنص كم ورافعة شعرها ديل حصان
نزلت وقالت.. مساء الخير يا جماعة...
مهران.. هو انتي.. انتي ايه اللي جابك هنا يا استاذة صحفية..
ميرا ببرود.. انا قاعدة في بيتي زي ما هو بيتك يا استاذ عصبي..
مهران بعصبية.. بيتك كيف يعني ده بيتي يا استاذة انتي وكمان اسمي مهران.. انتي فاهمة
حسام.. اهدوا يا ولاد.. انتوا تعرفوا بعض..
ميرا.. ايوة يا بابا.. ده الانسان المغرور والمتكبر والعصبي..
للكاتبة حنين محمد عبدالرحيم (حنون
مهران بعصبية.. مين ده اللي مغرور يا بت انتي.. انتي اللي جليلة الرباية...
حسام.. لا يا مهران متغلطش يا ولدي.. دي تبقي بنتي ميرا.. صحفية..
مهران.. دي بتك يا عمي.. والله ما مصدق.. يعني دي تبقي بت عمي..
ميرا ببرود: للاسف..
وراحت قعدت وبدأت تأكل..
مهران قاعد علي الأكل مش طايق نفسه ومتعصب اوي منها وعمال يبصلها اللي هو بنظرة تفسيرها يعني كدة
(ورحمة خالي حسن لأوريكي أيام سودة.. ايام ايه...
سووودة
وبعد كدة قام من علي الاكل..
بعد ما خلص اكل والكل خلص..
شد ميرا من ايديها وقالها.. تعالي معايا..
حسام.. واخدها علي فين يا مهران.. .
محمود.. واخد ميرو فين يا اخوى..
مهران.. متخافش يا اخوي انت وعمي هوريها حاجة بس..
ومستناش حد يرد
وشدها من ايديه وهي عمالة
تقوله.. انت بتعمل ايه يا مجنون.. سيبني..
سيب ايدي كدة..
انا مش عايزة اجي معاك لحد ما وصل قدام باب اوضة كبير كدة وفتحه واخدها ودخل (كانت اوضة كلها رسومات جميلة اوي
ميرا.. انت جايبني هنا ليه.. يا متخلف..
وبعدين قالت في سرها.. يعني المفروض في الروايات بيعذبوا البطلة في اوضة ضلمة او عازلة للصوت بقي وكلام كبير كدة..
مهران بعصبية.. بوصي يا بت عمي انا جاي اتكلم معاكي .. بكل هدوء وبعدين قال بصراخ في وجهها..
علشان كدة اتكلمي زين.. يا اما هوريكي الوش التاني يا بت عمي..
ميرا خافت بس حاولت متبينش.. يعني ايه الوش التاني لأ
يا كبير احنا منخفش من حد يا بيه..
انت فاهم يا برو.. .
مهران وشه احمر جامد واللي هو فاضل شويه ويطلع نار من بوقه: انا مش هتعصب عليكي ضلوك يا بت عمي
تعالي اقعدي احسنلك بهدوء كده .. اقعدي..
ميرا اتفزعت وراحت قعدت علي الكرسي وهو قعد علي الكرسي الي قدامها
وقال بهدوء ميرا مستغرباه جدا :
بوصي يا بت عمي .. اللبس اللي انتي لابساه ده مينفعش معانا هنا.. افهمي احنا هنا في الصعيد...
للكاتبة.. حنين محمد عبدالرحيم (حنون
ميرا ببرود: ايوة وايه تاني بقي..
مهران وهو بيتكلم اسكندراني عادي..
انتي ايه البرود اللي فيكي ده.. والله انا لو مش عامل حساب لعمي كنت علمتك دلوقتي الادب صح ..
ميرا بضحك.. يسلام على القمر وهو بيتكلم اسكندراني
مهران سرح شوية في ضحكتها وبعدين رجع اتكلم صعيدي وقال :يا بت عمي..
صبري بلاش تختبري صبري ..
ميرا.. لأ انا بحب اختبره.. . .
مهران اتعصب وطلع مسدس من جيبه .. طب يا بت عمي..
انا هوريكي ضلوك ازاي تختبري صبري.
ميرا بخوف.. انت هتعمل ايه يا مجنون..
هتقتلني وتخش السجن..
طب عيب عليك..
والله عيب عليك تخش السجن في واحدة زيي..
للكاتبة حنين محمد عبدالرحيم (حنون
مهران بيقرب من ميرا والمسدس في ايديه
وهي بتكمل كلامها وتقول..
يا ربي..
هموت على ايد واحد اسمه مهران.. لا والنبي يا ربي متعملش فيا كدة..
بس اتصدق يا مهران هيبقي خبر حلو.. شاهد قبل الحذف..
صحفية تقتل على يد ابن عمها في الصعيد.. ومش بس كدة لأ...ده العرض عرضين.. والخصم خصمين.. ده كمان اسمه مهران يا جدعان..
مهران عمال يقرب منها :
انتي ايه راديو... اتفتح.. اسكتي بقي..
ميرا بخوف..
طب والنبي ابعد.. ربنا يكرمك.. ويباركلك في عضلاتك يا شيخ روح..
مهران اطلق طلقة من مسدسه في الهوا..
وقال :قولت بس اسكتي خلاص يا ميرا اسكتي خالص..
للكاتبة حنين محمد عبدالرحيم (حنون
مهران شدها من ايديها وقربها منه وقال :
انا مبحبش اعيد كلامي مرتين.. واللي جولتلك عليه يتنفذ يا بت عمي..
ميرا: ايوة يعني ولو منفذتش..
مهران مثقف وبيقرأ كتب علم نفس كتير ويعني بدأ يفهم شخصيتها فحاول ان هو يكون هادي معاها..
وبعدين هدأ جدا وقال :
ميرا..
ميرا سرحت في جمال اسمها وهو بيقوله وبعدين ردت..
نعم..
مهران بهدوء..
اقعدي هنا.. ونتكلم شوية..
ميرا استغربت للمرة التانية من هدوءه هي مش فاهمة شخصيته خالص..
مهران.. بوصي يا بت عمي انا اكيد مش هقولك حاجة تضرك..
علشان كدة بقولك بلاش اللبس ده هنا..
انا بخاف علي اهل بيتي وطول ما انتي هنا
فأنتي واحدة منهم ومينفعش طريقتك دي...
ميرا بهدوء.. انا مقدرة كل كلامك بس صدقني دي طريقتي وانا مش هقدر أغيرها.. بس علي الاقل ممكن احاول شوية البس حاجات بكوم بس انتوا هنا اساسا الحو حر جدا..
مهران فقد اعصابه خلاص وقال..
نعم يا اختي.. حر ايه وبتاع ايه.. انتي هتلبسي اللي انا قولتلك عليه وبس..
انتي هتلبسي لبس صعيدي..
انتي فاهمة..
ميرا: لا مش فاهمة...
وانا سمعت دلوقتي رسالتك ونصيحتك ليا واقبل بقي النصيحة دي او ارفضها دي حاجة ترجعلي..
وانت ملكش دعوة أساسا..
انت مين انت علشان تدخل ياااا.. مهران
وميرا قامت ماشية
مهران مسكها من ايديها
وقال بعصبية.. مش مهران اللي لما يكون بيكلم حرمة..
تمشي وتسيبه
وبعد كدة قال :
كلامي لو متسمعش هتشوفي مهران ممكن يرذل عليكي ازاي يا قطة..
ميرا وبنفس الصوت اللي بيتكلم بيه مهران :
وانا عايزة اشوف يا مهران...
وطلعت تجري فتحت الباب وخرجت..
ماشي يا بت عمي.. انا هوريكي..
المهم ميرا مشيت..
و حست انها فعلا لازم تحترم شوية عادات البلد دي طلعت وغيرت هدومها
ولبست بجامه بكوم اوفر سايز بس كانت عسولة ونزلت
ومهران بصالها وقال في نفسه..
هي مسمعتش كلامي اوي.. بس غيرت لبسها للبس محتشم شوية.. الناس اللي شخصياتهم زي شخصية ميرا كدة يبقي صعب جوي التعامل معاهم..
بس مش جوي يعني باين انها طيبة بس كلام على الفاضي...
بس عموما انا بفكر فيها ليه عاد.. هي كدة كدة فترة وراجعة تاني لبلدها..
ميرا بصلته وقالت في نفسها..
انا معملتش كدة علشان خايفة منه بس حسيت ان ده الصح.. حبيت اوي شهامته دي مع اننا اول مرك نتقابل..
ميرا في ايه يا ميرا... بطلي شغل الهبل
والروايات ده مش ناقصين احنا...
المهم ميرا طلعت اوضتها واخدت كوباية عصير وطلعت شرفة غرفتها وبدات تقرا رواية انت لي..
وغرقت في الرواية.. وعاشت مع الاحداث
وهي بتقرا لفت انتباها جملة وليد البطل بيقولها
(إنّ شمساً تشرق وتغرب دون أن تُريني إيّاها، هي ليست شمساً.. وإنّ قمراً يسهر في كبد السماء دون أن يعكس صورتها.. هو ليس قمراً وإنّ يوماً يمرُّ.. دون أن أطمئن عليها.. هو ليس محسوباً من أيام حياتي..
ميرا.. يا اخي تبا للرومانسيكية
يلا اقوم بقي انام
بس لسه داخلة تنام اتفاجاءت باللي شافته وهي واقفة في البلكونة..
ميرا.. ايه ده بجد مش مصدقة..
يتبعميرا: ايه ده مش مصدقة مهران..
(ميرا كانت مفكرة ان خلاص الكل نايم.. بس شافت مهران وهو بيرسم ومندمج مع الالوان والرسمة
ميرا.. مش مصدقة.. يعني معقول الاوضة اللي احنا كنا فيها وكلها رسومات دي معقول..
يكون هو اللي راسمها..
معقول الإنسان العصبي القوي ده اللي عمري ما شفته بيضحك..
يكون فنان وبيرسم ومرهف الحس كدة..
يا ميرا وانتي مالك اصلا.. ادخلي نامي...
بقلم حنين محمد عبدالرحيم (حنون
ميرا حطت دماغها على المخدة ولسه برضه بتفكر في مهران واللي هي مش فاهمة شخصيته ولا فاهمة تفكيره ازاي.. ده انسان غامض جدا.. وفضلت تفكر لحد ما نامت...
علي الجانب الأخر..
مهران قاعد بيرسم كعادته ومندمج جدا
( مندمج اوي في الالوان والتفاصيل الصغيرة.. وفي الاخر جاي يشوف الرسمة لقي نفسه رسم منظر طبيعي...
رسمة بسيطة بس باين فيها الابداع الشديد... وكالعادة خد اللوحة ودخلها اوضته المفضلة الاوضة اللي لما يبقي زعلان او مضايق او فرحان..
بيروح عليها بيحس بالراحة النفسية وسط رسوماته..
المهم خرج وقفل الاوضة وراح يبات في سكن في المشروع..
المهم كل ابطالنا الحلوين خلاص ناموا
وجاء الصباح بقي
صحيت ميرا علشان كانت ظابطة المنبه وكالعادة بتبدا يومها بضحكتها.. اللي بتاخد العقل..
وقامت واخدت شاور
وكانت هتلبس جينز وتيشرت كات بس افتكرت انها لازم تلبس محتشم سيكا
قررت انها تلبس بدلة فورمال
(بنطلون اسود مش ضيق اوي
وشميز ابيض
و بليزر اسود
ورفعت شعرها ديل حصان واخدت ادواتها والشنطة بتاعتها ونزلت..
بقلم حنين محمد عبدالرحيم (حنون
وهي نازلة كان محمود كمان نازل..
محمود.. اوباااا.. .ايه الجمدان ده يا ميرو..
سيدة اعمال في نفسك كدة..
ميرا: عارفة بس مبحبش التكبر يا برو.. بس ايه رأيك يا حودة هاخد رايك طبعا بما انك اخويا
محتشم شوية صح
محمود.. ايوة انا من رأيي الخلجات دي احسن من المفتوحة... معتيش تلبسيه عاد..
كدة شكلك احلي يا ميرو.. .
ميرا: ميرسي.. ميرسي.. يا حودة.. يلا بقي نفطر علشان نمشي يا برو...
محمود.. يلا يا زميلي..
نزلوا لقوا الكل قاعد على السفرة..
ميرا.. صباح الفل على اجمل عايلة في مجرة درب التبانة..
جدو.. صباح النور يا بنيتي..
حسام.. وسعت منك اوي حكاية درب التبانة دي..
ميرا.. علشان تعرف بس يا حسام اني مثقفة..
احم.. احم.. ولا ايه يا محمود..
محمود.. احم.. احم.. اكيد طبعا هو انا اجدر اتكلم ممكن اتضرب..
الكل ضحك
الجد.. والله يا بنيتي.. من يوم ما جيتي هنا والضحكة ماعتفرجناش (مفرقتناش واصل...
ميرا بابتسامة.. أساسا البيت منور وفيه البركة بوجودك يا جدي... يلا انا خلصت..
محمود.. يلا وانا كمان خلصت..
المهم مشيوا ووصلوا الموقع
وميرا بدأت شغلها علشان تخلص اللي عليها وكدة واخدت الصور وعملت اخر اللقاءات وكدة..
ميرا.. oh my God .. اخيراااااا.. كدة خلصت شغلي..
اتصلت بمحمود.. حودة.. انا خلصت.. ها انت خلصت ولا...
محمود.. والله يا ميرو مش خابر.. هخلص ميتا.. لان لسه احتمال اتأخر..
ميرا.. طب خلاص انا هحاول اروح لوحدي..
محمود.. اباي.. انتي كيف هتعاودي لوحدك يا ميرو.. اخاف عليكي يا بت عمي...
ميرا.. متخافش يا محمود.. انا حفظت الطريق وعادي اقدر ارجع لوحدي متخافش..
جاء من وراها صوت وقال..
انا هعاود معاكي عشان مينفعش تعاودي لوحدك يا بت عمي..
ميرا.. مهران..
مهران شد الموبايل من ايد ميرا.. وكلم محمود
مهران.. متخافش يا ابن عمي.. انا هعاود معاها وأنت كمل تدريبك..
محمود.. ماشي يا اخوي.. سلام
مهران.. سلام..
مهران.. يلا يا ميرا..
ميرا.. لأ شكرا.. انا اعرف ارجع لوحدي يا استاذ مهران..
مهران.. جري ايه عاد.. شكلك مش هتجيبيها لبر يا بت عمي.. يلا اركبي علشان اوصلك عاد..
ميرا.. ولومركبتش..
بقلم.. حنين محمد عبدالرحيم
(حنون
مهران.. شكلي هضطر استعمل اسلوبي يا بت عمي..
ميرا ببرود.. استعمله يا برو.. احنا مبنخافش..
مهران: انتي حرمة انتي.. اللي اعرفه ان البنت بتكون رقيقة وبتتكسف يعني.. المفروض البنات بطبعهم رقاق..
ميرا.. لا يا برو.. الرقاق ده اللي بتاكله وانت جعان..
اسكت مش دلوقتي الزمن اتغير..
مهران.. طب يلا اركبي يا بت عمي..
ميرا: قولت لأ..
مهران.. انتي عاد اللي جبتيه لنفسك..
مهران شال ميرا وركبها العربية وركب هو كمان.. .
ميرا: انت مجنون.. ازاي تعمل كدة..
مهران.. جولتلك من الاول اركبي يا اما هستخدم طريقتي..
ميرا بعصبية.. انسان مستفز..
مهران لما شافها متعصبة ضحك..
بقلم.. حنين محمد عبدالرحيم
(حنون
ميرا ولاول مرة تشوف مهران بيضحك..
سرحت في ضحكته
ميرا في نفسها..
ما انت ضحكتك حلوة اهو اما مكشر ليه من ساعة ما شوفتك يا ساتر يا رب...
ما الصعيد فيها ناس حلوة واجانب اهي.. امال في ايه بقي..
مهران.. هو انا ضحكتي حلوة وجمر لدرجة انك مش عارفة تشيلي عينك من عليا..
ميرا وبدات تفكر بصوت عالي..
يخربيت عيونك الخضرة يا شيخ.. امال انا معنديش
العيون الخضرا دي ليه.. مع اني من العيلة.. ولا انت طلعت حاجة مختلفة كدة.. اشمعني يعني..
مهران.. ما انا العيون الخضرا مش واخدها منيكم..
ميرا.. احم.. احم.. معلش فكرت بصوت عالي شوية... امال واخدها منين يا استاذ عصبي..
مهران.. جولتلتك مليون مرة اسمي مهران.. معدتيش تجولي استاذ عصبي دي عاد..
ميرا.. متأسفة.. مقولتليش جايب العيون دي من مين
مهران: مش مهم تعرفي يا بت عمي..
وفجأة موبايل ميرا رن
طلع مستر احمد
ميرا.. هالو مستر احمد
للكاتبة.. حنين محمد عبدالرحيم (حنون
احمد.. هالو يا ميرا ايه الاخبار
ميرا :الحمد لله تمام.. حضرتك عامل ايه
احمد.. الحمد لله.. ها خلصتي الشغل..
ميرا.. ايوة يا افندم خلصت كل حاجة..
وساعة بالظبط وهبعت لحضرتك كل حاجة يا افندم..
احمد.. ماشي يا ميرو.. ها عجبتك الصعيد
ميرا.. يعني حلوة.. والمشروع الجديد تحفة يا افندم..
احمد.. ماشي هستني تبعتيلي المقالات والصور
وسلميلي على والدك..
ميرا: حاضر يا مستر احمد يوصل.. سلام
احمد.. سلام..
مهران.. يلا يا بت عمي ادينا وصلنا.. انزلي بجي.. لاني ورايا شغل...
ميرا.. بس مقولتليش انت..
مهران: يلا من فضلك..
ميرا.
مهران.. بالعفو يا بت عمي... ده واجبي أساسا...
ميرا نزلت من العربية وفي دماغها اسئلة كثير عن الانسان اللي شخصيته غامضة ده..
وهي ماشية
مهران ناده عليها
مهران.. ميرا..
ميرا.. نعم يا مهران..
مهران :...
يتبع
لو لقيت التفاعل حلو هنزل بارت تاني اللي جااي ضمااااار ️مهران.. ميرا..
ميرا.. نعم..
مهران.. انا بس كنت عايز اقولك انك في اللبس الفورمال المحتشم شوية ده بتبقي حلوة اوي..
وبعد كدة مهران مشي بالعربية
وساب ميرا اللي واقفة مصدومة
حاسة بسعادة وكسوف وفرحة واستغراب من السعادة دي..
حاسة بمشاعر كتير كدة متلغبطة من جواها..
حاسة انها فرحانة لما سمعت الكلام ده منه هو بالذات..
مش عارفة ايه السبب ..
المهم فضلت واقفة مكانها كتير بتفكر
وقالت في نفسها..
والله يا ابني..
تبا لحلاوتك يا شيخ وانت بتتكلم اسكندراني وعسل كدة..
جاتك القرف في عيونك القمر دي ..
المهم اخيرا فاقت ودخلت البيت
ميرا.. هالو يا جماعة..
جدي.. اهلا يا بنيتي.. انا خلاص حفظتها الكلمة اللي انتي عتجوليها دي بمعني اهلا..
ميرا.. لا انا كدة جدو بقي مثقف بقي..
جدي.. طول عمري يا بنيتي..
الكل ضحك
حسام.. ها يا حبيبتي عملتي ايه خلصتي
ميرا.. اه يا بابي خلصت.وصح مستر احمد اتصل بيا وبيسلم على حضرتك.. فهروح بقي ابعتله الحاجات دي.. OK..
حسام.. OK يا روحي
بقلم حنين محمد عبدالرحيم
ميرا طلعت اخذت شاور
ولبست بيجامه كات وبرمودا
ورفعت شعرها كعكه
وقعدت على اللاب بتاعها تكمل اللي بتعمله وتبعث المقالات والصور
المهم خلصت وبعتت وكدة..
ميرا.. اخيرا وليس اخرا خلصت
وخلاص بقى هاخذ اجازه من الشغل
بس يا ربي يوم ما مستر احمد يحن عليا ويديلي اجازه اقضيها في الصعيد..
انا ليه حظي كدة بس..
كان نفسي اروح شرم.. العين السخنة مثلا..
او حتي كنت اتفسح في اسكندرية...
بس لأ.. جيت هنا.. يلا بقي قدري.. ونصيبي..
نعمل ايه بقي دلوقتي.. فين ايام الاندومي الجميل..
بس مش عارفه هلاقيه هنا ولا لا ..
لما محمود يجي كده هساله..
واجيب واحد في الاستخبس كده ..
والله وحشتني اوي ايام الجامعه
كنت بعمل مصايب ..
بس للاسف بقى شغلي كنت مشغوله به فبقيت اعملها كل فين وفين..
ابتسمت ميرا بخبث وقالت:
تعالي نجرب نعمل مصيبة منها.. انا بحب اعمل افكار مجنونة.. هروح اجرب اي ارقام على الموبايل.. واعاكس الناس واتشتم عادي..
ميرا.. يلا بينا ونجرب الرقم الاول ونقول الو..
الو السلام عليكم مين معايا
ميرا.. مديحة شواية..
شكلك بتستزرفي بقي يا بت انتي..
ميرا.. بصراحة اه بستزرف.. اصلي مش لايقة حد يا وحش الكون..
وهوبا التليفون اتقفل في وش ميرا ...
بقلم حنين محمد
ميرا.. اخاف.. لأ.. استسلم. .. لا برضه.. اكش.. لا طبعا.. انا ميرا..
ونجرب الرقم التاني ونقول الو.. الو.. الو
ايه ده محدش بيرد شكلهم نايمين..
ميرا.. خلاص يلا نجرب الرقم التالت ونقول الو
الو.. كح... كح.. الو..
ميرا.. ايه يا حج شكلك بتودع ولا ايه..
اه والله يا بنتي تعبان ومش قادر
ميرا.. الله يقويك يا حج.. والله يا حج كلنا تعبانين .. مش عارفة الاقيها من ايه ولا من ايه..
معانا ربنا بقي يا بنتي.. متخافيش.. والله انا مش قادر حتي اقوم اقف على رجلي .. وعيالي سايبني مرمي.. ولا كاني ربتهم
ميرا: معلش يا حج هي الدنيا كدة..
صح امال انتي مين
ميرا.. يعني بعد ما حكتلي قصة حياتك يا حج.. تسألني انتي مين... انا مراتك يا حج..
مراتي ماتت من 7 سنين
ميرا.. ما انا روحها يا حج وجاية اعذبك..
يخربيتك هو انا مش مرتاح منك وانتي عايشة ولا
ولا حتي وانتي ميتة..
ميرا.. اه يا اختي.. شوفي الراجل.. كلكم كدة...
وقفلت ميرا
ميرا.. بقي شوفي الرجل قليل الاصل.. يعني كانت بتعملوا ايه يعني وهي عايشة.. يلا ربنا يرحمها..
ميرا.. المهم يلا بقي نجرب الرقم الرابع ونقول الو
الو.. كح.. كح.. كح.. الو..
ميرا.. خلاص يا عم انت بتكح.. شكلك عندك كورونا وهتعدينا.. احنا مش ناقصين.. س.. سلام انت بقي...
ميرا.. ونجرب الرقم الخامس ونقول الو..
الو
ميرا وهي بتقلد صوت راجل..
مين القمر اللي بيتكلم ده.. انا بصراحة قلبي دق 3 دقات لما سمعت صوتك..
ايوة يعني مين..
ميرا.. غباء البنات ده انا عارفاه.. بقولك قمر في الاخر تقولي مين.. هكون اخوكي مثلا.. اكيد واحد يعاكس...
ايوة يعني عايز ايه..
ميرا.. شيبسي وكارتيه.. في محرم بيه.. ويندوز بجنيه.. القمر يحب يشرب قهوة ولا نسكافيه..
وهوبا السكة اتقفلت في وش ميرا
ميرا: طب والله العظيم.. بعرف اعاكس.. يلا بقي نجرب اخر رقم ونقول الو
الو ليه سبتيني يا حبيبتي ليه
ميرا.. حبيبة مين انت هتلبسلي مصيبة..
ايوة ليه .. ها.. علشان بتحبي مازن صح ..
علشان شعره ناعم وانا شعري كيرلي..
ميرا: ايه حب الثانوي ده يا ربي..
قوليلي ليه يا لولي.. ليه.. قولي يا اما صدقيني هقتلك.. قولي يلا..
ميرا.. الاه.. وانا مالي يا لمبي..
المهم ميرا قفلت السكة
ميرا.. هو انا ناقصة مصايب..
خلاص بقي يا ميرا .. كفاية تضايقي الناس بقي.. عيب كدة..
ميرا.. يلا بقي.. نقعد كدة علي الفيس شوية
وهوبا لسه هتفتح الفيس لقت صوت حد بيصوت تحت..
ميرا اتخضت و طلعت تجري لتحت..
وقالت بخضة: في ايه جماعة.. ايه اللي حصل..
محمد (عم ميرا بيقول بخضة.. اصل يا بنيتي..
يتبع
محمد.. ابوي يا بنيتي.. مش خابر ماله.. كنا بنتحدت معاه عادي ضلوك لقانه مرة واحدة داخ جامد يا بنيتي ولما جام كان هيجع..
حسام.. براحة يا بوي.. على مهلك..
وحسام ومحمد وحامد سندوا الجد لحد ما وصل لغرفته واتصلوا بالدكتور وكمان قالوا لمهران ومحمود
اللي جم جرى اول ما سامعوا الخبر..
اول ما دخلوا طلعوا يجروا على جدهم
لقوا ميرا قاعدة جنبه وماسكه ايده..
مهران.. انت زين يا جدي
محمود.. جولنا يا جدي حاسس بايه
الجد.. ما تخافوش يا اولادي..
انا كيف الحصان..
اوعوا تفكروني عجزت اياك..
انا شباب..
مهران ومحمود ضحكوا بس قلقانين برضه من جواهم..
وبعد كده الجد وجه نظره لميرا اللي لقى الدموع ماليه عينيها وحبساهم بالعافيه..
الجد مسك ايدها اكتر.. واه.. ايه الدموع دي يا بنيتي..
انا من ساعه ما شفتك وانتي بتضحكي..
مش عايزه اشوف الدموع دي واصل..
انا بقيت زين دلوجتي..
بقلم حنين محمد عبدالرحيم (حنون
ميرا بابتسامة..
متاكد يا جدو صح ما فيش حاجه وجعاك..
انا صحيح مش من كثير مقابله حضرتك بس انا بالنسبه لي اهم حاجه في حياتي عائلتي..
وحضرتك كبيرها..
ومقدرش اشوفك فيك حاجة..
الجد.. انا زين يا بنيتي.. ما تخرعيش عاد..
حسام.. الدكتور وصل يا بوي.. يلا يا اولاد علشان الدكتور يكشف عن جدكم..
الدكتور بدا يكشف علي الجد ونظره كله لميرا بس..
طبعا مهران لاحظ ومقدرش يستحمل..
راح اخد ميرا وشدها من ايديها وطلع بيها اوضتها..
ميرا بدموع..
انت ايه اللي انت بتعمله يا مجنون ده..
بوص بقي انا مش فايقة لجنانك ده..
جده تعبان دلوقتي وانا حقيقي قلقانة على صحته..
بقلم حنين محمد عبدالرحيم (حنون
مهران كان هايج زي التور.. كان فاضل يطلع من بوقه دخان.. ومسكها من ايديها جامد وقال..
هو انا مش قولت اللبس ده ميتلبسش صح ولا ايه..
وطول ما هو بيقول كلامه بيشد علي ايدها ودراعها اكتر
لحد ما فعلا بقت تعيط بدموع مش بس علشان خوفها علي جدها.. لا وكمان علشان اتوجعت اوي منه...
(ميرا عمرها ما بتعيط بسهولة دايما شخصيتها قوية كدة ومرحة في نفس الوقت
مهران كان تور هايح وبركان من العصبية بس لما شاف شلالات دموعها اللي نزلت حس بضعف جواه مش عارف ليه ومحسش بنفسه الا وهو
بيمسحلها دموعها وقال..
اهدي انا كمان خايف على جدي ..
بس جولتلك متلبسيش اللبس ده واصل.. .
صوح.. وادي الدكتور اللي برة كان عمال يبصلك بنظرات مش كويسة..
بقلم حنين محمد عبدالرحيم حنون
ميرا حست علي نفسها و بدات تهدي لانها مبتحبش توري ضعفها ودموعها لحد واتكلمت عادي بقوة وبصدق
: بجد.. والله ما اخدت بالي ..
انا ازاي.. ازاي نزلت كدة..
انا كنت قاعدة في اوضتي و فجأة سمعت صويت.. فما اخدتش بالي انا نازلة بايه.. بجد صدقني..
مهران بجدية..
انتي مش محتاجة تبرري يا بت عمي..
انا خابر انك عمرك ما تسمعي كلامي..
انتم البندر حياتكم كدة..
بس هجولك كلمه واحده لو عامله مجام لجدك..
البسي خلجات محتشمة يا بت عمي..
ميرا.. بقولك مخدتش بالي.. بجد والله.. بس بقي انت مصدقني او مش مصدقني دي حاجة ترجعلك..
مهران مشي وسابها
ميرا.. هو ليه مش مصدقني ..
انا بجد ما اخدتش بالي ..
بس هو انا ليه متضايقه كده
ما يصدقني ولا ما يصدقنيش..
انا زعلانه ليه
المهم ميرا قامت ولبست ترنج بيتي محتشم اوفر سايز تيشرت بكوم وبنطلون ونزلت..
لقيت الدكتور مشي..
بعد كده لقيت والدها لسه ما دخلش عند جدها.
ميرا.. بابي ها.. جدو عامل ايه
حسام.. ما تخافيش يا بنتي هو قال ان ضغطه وطي شويه بس مش اكثر علشان نسي ياخذ علاج الضغط..
بقلم حنين محمد عبدالرحيم (حنون
ميرا.. طب الحمد لله
وبعدين دخلوا..
ميرا.. هاعامل ايه دلوقت يا جدو
الجد.. زين يا بنيتي.. الحمد لله..
ميرا .. بقى كده يا جدو تقلقني عليك ارجوك بعد اذنك خذ بعد كده علاجك كله..
الجد.. اباي.. عليكي يا ميرا.. جولت لك زين و يا بنيتي انا ببجي زين.. طول ما انتوا حواليا كدة..
مش هتعب واصل ..
ميرا.. ربنا يديك الصحه وطوله العمر يا جدي ويخليك لنا..
الجد.. ويخليكي يا بنيتي..
محمود.. وه.. بجي الست ميرو ضلوك بجت ست الناس لا بجي يا جدي لنا كدة زمقان..
الجد.. لا يا محمود كلكم عندي ولادي مجامكم واحد.. انتم الخير والبركة.. سواء انت اوميرا او مهران اوسارة الصغيرة..
سارة.. يا جدو مبقتش صغيرة بجيت في 2 اعدادي..
الجد.. ربنا يوفجك وتكبري يا بنيتي.. وتبجي اجمل دكتورة..
الكل في صوت واحد.. ربنا يخليك لنا يا جدي..
الجد.. ويخليكم ليا..
ميرا كل ما تبص لمهران تلاقيه بيبص الناحية التانية.. او اللي هو بينظر لها نظرة عتاب..
ميرا حاسة من جواها انها مضايقة علشان هو مضايق منها.. بس ليه مش عارفة..
المهم خرجوا كلهم من الاوضه..
ميرا.. حودة.. تعال معلش عايزة اتكلم معك..
محمود.. خير يا ميرو..
ميرا.. يا عم تعالى هو انا هخطفك..
المهم ميرا شدت محمود من ايديه كل ده كان تحت نظر مهران اللي متابع وكان هينفجر من العصبية وقال..
انا ماشي يا بوي.. عايزين حاجة يا جماعة..
حامد.. سلامتك يا ولدي..
مهران مشي وفي نار كدة جواه..
المهم نرجع بقي لميرا ومحمود..
بقلم حنين محمد عبدالرحيم (حنون
ميرا.. بص بقى يا برو.. وكلمني بقي دلوقتي اسكندراني.. علشان عايزاك في مهمة خطيرة..
محمود.. مهمه خطيره ازاي
هنقتل يا ميرو .. لا لا.. كله الا القتل..
ميرا.. يا عم اتنيل نقتل ايه بس انا بخاف من الصرصار..
محمود.. يبقي هنخطف..
ميرا.. نخطف ايه يا حودة.. وهنخطف مين اصلا.. لا
.. لا.. مهمة اخطر..
محمود.. ولا نقتل.. ولا نخطف.. يبقي ممنوعات بقي وكدة.. لا... لا.. السكة دي مش سكتي..
..بعدين مهران ممكن يقطع خبري لو عرف..
ميرا: مخدارت ايه انت كمان.. اذا كان انا صحفية.. وبدعو الشباب للالتزام وانت اقوي من كده. والكلام بتاع محمد صلاح ده..
لا اتقل بكتير من دي...
محمود.. اقوي من الممنوعات.. لا معرفش عاد يا ميرو... مش فاهم منك حاجة يا زميلي.. واومال ايه يعني..
ميرا بهمس.. اندومي..
محمود.. ميرا ممكن اقول لك على حاجه..
ميرا: اتفضل..
محمود.. مش عايز اعرفك تاني.. ومحمود جاي ماشي
ميرل مسكت ايده.. استني بس يا برو.. في ايه..
محمود.. ايه التفاهة دي .. ما تقولي من الاول عاد انك عايزه اندومي..
ميرا.. طب اهدي بس.. هو في هنا اندومي
محمود.. بصراحة انا عمري ما جربته.. بس اه فيه هنا.. لو عايزة اجبلك..
ميرا.. اه عايزة بس هاته في الاستخبس علشان ماما مش بتحبه.. هات 2 ونعملوه انا وانت وتدوقه بقي..
محمود.. تمام يا اسطا.. هروح انا بقي.. وهعاود بسرعة..
ميرا.. ماشي يا زميلي.. سلام
محمود.. سلام..
على الجانب الآخر
حامد والد مهران حاطط صورة ست قدامه
وبيقرأ الفاتحة عليها
وبيدعيلها والدموع مالية عيناه...
جاه صوت من وراه وقال..
يااا يا خوي.. لسه منستهاش..
يتبع
حامد حط صورة ست قدامه وبيدعيلها والدموع مالية عيناه...
جاه صوت من وراه وقال..
يااا يا خوي.. لسه منستهاش...
حامد بيبص لمصدر الصوت بيلقيه اخوه حسام..
حامد.. وكيف انساها يا خوي.. انت خابر هي كانت ايه.. النهاردة سنويتها..
حسام طبطب على كتفه وقال..
خابر يا خوي.. ربنا يرحمها ويسكنها فسيح جناته..
حامد.. يا رب.. يا رب
على الجانب الآخر
مهران قاعد في السكن وبيصلي وبيدعي بكل حرقة ودموع.. ربنا يرحمك يا غالية.. ربنا يرحمك ..
وفضل يدعي..
(ايه بقي حكاية الست دي هنعرفها بعدين
محمود راح لميرا..
ها يا ميرا جبتهم اهو يلا بجي..
ميرا.. يلا يا زميلي.. تسلملي يا رب..
محمود.. ربنا يكرمك يا اسطا..
ميرا اخدت الاندومي وعملته وبدأت تاكل هي ومحمود...
ميرا.. ها ايه رايك يا زميكس..
بقلم.. حنين محمد عبدالرحيم (حنون
محمود.. عفارم عليكي يا ميرو.. طعمه حلو جوي..
ميرا بغرور مصطنع.. عارفة يا برو.. انا اصلا اسمي الحقيقي.. الشيف ميرا.. بس مبحبش الغرور...
طب تعرف حاجة..
محمود.. لا معرفش..
ميرا.. ما انت لازم ما تكونش عارف علشان انا لسه هقولك دلوقتي .. تعرف الشيف بوراك ذات نفسه بيتعلم مني.. والشيف الشربيني كمان..
محمود بسخرية.. اه ما انا عارف يا زميلي انتي هتجوليلي..
ميرا.. مش عارفة ليه حاسة انك بتستهين بقدراتي..
محمود: لا يا ميرو.. عيب عليكي برضه.. انا استهين بيكي...
ميرا.. اه يا اسطا ما انا عارفة.. يلا كل بقي يا اما هاخده منك.. انا مفجوعة خلي بالك..
محمود.. لا علي ايه.. مش هتحدت واصل..
المهم خلصوا اكل وكدة..
محمود.. شكرا يا ميرو..
ميرا.. العفو يا حودة.. صح بقولك يا ابني.. الاكونت بتاعك على الفيس بوك ايه
محمود.. الاكونت بتاعي هو ***********وهتلاقيني حاطط صورتي..
ميرا: تمام يا برو هبقي افتح وابعتلك ادد.. Ok
محمود.. تمام يا ميرو.. تصبحي على خير...
ميرا.. وانت من اهله..
بقلم.. حنين محمد عبدالرحيم (حنون
ودخلت ميرا فتحت موبايلها وقعدت تقلب في الفيس وكدة.. وبعدين بحثت عن اكونت محمود..
وبعتتله ادد.. وهو قبله.. دخلت علي البروفايل بتاعه
فضلت تتفحصه وكدة ولقت صور ليه..
ميرا.. طب والله يا لا يا حودة.. انت طلعت جامد اوي. ...انا اخويا جامد بقي..
المهم دخلت تقرا الكومنتس و كدة لقت مهران كاتبله كومنت (منور يا حودة ..
المهم دخلت على اكونت مهران وشافت صورة بروفايله وكدة.. اللي باين فيها اد ايه هو حلو وقمر بجد..
دخلت شافت بقية صوره
و فضلت اللي هي مبحلقة كدة :
ايه ده بقي.. ده بقي.. ده بقي.. ده..
هو فيه كدة يا جودعان..
يعني مش عارفة اقول عليه ايه من جمدانه ده..
طب اروح اعاكسه طب.. ولا اعمل ايه..
ده غلب القمر في جماله..
يا اخي جاتك القرف في حلاوتك دي..
انت عصبي اه وزعلان ومضايق مني مع اني مكنتش اقصد... بس ضحكتك قمر يا لا يا مهران...
(كل ده وهي بتكلم الصورة
.. ايه يا ميرا في ايه.. اجمد كدة.. في ايه.. شكله عادي يعني ولا قمر ولا حاجة.. وكمان انا داخلة على بروفايله ليه.. انا هطلع منه..
بقلم.. حنين محمد عبدالرحيم (حنون
وطلعت منه وقفلت الموبايل ومسكت رواية انت لي.. تكملها وكدة وشافت بقي حب وليد لرغد اللي منذ الصغر اساسا .. وبعد كدة رجعت تاني.. مسكت الموبايل
وطرحت سؤال على الفيسبوك..
(ايه هو معني الحب من غير بقي كلام الروايات والافلام بقي يعني في الواقع
(ده السؤال اللي انا طرحتوا عليكم امبارح
وبعد فترة دخلت شافت الكومنتس وكدة..
ناس جاوبت وقالت الاهتمام.. وناس قالت الثقة اهم حاجة الثقة لو في شك بين الطرفين كل حاجة هتبوظ حتي لو فيه اهتمام .. وناس تالتة جاوبت.. الامان الحب هو الامان احس اني وقت ما اضعف ومش قادرة هو اول واحد اجري عليه.. احس اني مدام هو معايا خلاص مش عايزة حاجة غيره..
وناس تانية قالت الحب بالافعال يعني وقت المواقف الصعبة ألاقيه جنبي وفي ضهري ومعايا.. مش وقت الفرح الاقيه جايبلي ورد وكلام وبس لا وقت الحزن هو اللي بيبين..
وناس قالت الحب هو احترام وتقدير وتحمل الطرف الاخر بكل عيوبه ومشاركته في ابسط هواياته..
وناس قالت الحب احتواء ومودة ورحمة ومشاركة..
ميرا بعد ما قرأت كل الكومنتس عدلت البوست وقالت
(كلنا بتختلف نظرتنا للحب.. ومفهومه بيختلف من شخص لأخر.. من وجهة نظري صعب تلاقي الحب ده دلوقتي في الزمن ده عمرك ما هتلاقي حد يحب روحك قبل ما يحب شكلك.. بالمناسبة حب الارواح قبل الاجساد هو ده الحب اللي بيدوم.. لانك حتي مهما كبرت اللي بيحبك بيحب روحك قبل شكلك.. بس صعب تلاقي ده دلوقتي..
وقفلت الموبايل ونامت..
جاء الصباح
بطلتنا الحلوة فاقت اخدت شاور ولبست بيجامة اوفر سايز كالعادة ونزلت.. صباح الخير..
كل اللي قاعدين.. صباح النور..
قعدت بدأت تتناول فطورها .. المهم الكل خلص
ومحمود راح شغله .. وهي قاعدة مش عارفة تعمل ايه.. زهقت من الفيس وكدة..
ميرا.. يا ربي على الزهق ده.. انا مش عارفة اعمل ايه.. تعالي يا بت يا ميرا نامي شوية.. انا لسه صاحية وعايزة انام عادي..
مهران قاعد بيشتغل وفي دماغه صورة ميرا
مهران.. اباي.. يا ربي بقي.. انا ورايا شغل عاد.. كيف بفكر في ميرا دي.. انا مش هفكر فيها واصل.. هي ولا تهمني أساسا.. انا مليش دخل بيها واصل.. ولا هكلمها.. بس لو لجيت خلجاتها مش ولا بد ممكن افقد اعصابي.. ربنا
وسط تفكيره دخل محمود..
محمود.. ايه يا خوي عامل ايه
مهران.. زين الحمد لله يا خوي.. انت عامل ايه
محمود.. زين الحمد لله.. ايه رايك يا خوي.. نتحمع الليلة ونجعد مع بعض العيلة كلها.. نتحدت ونضحك سوا..
مهران.. فكرة زينة.. خلاص انا هاجي.. انا متوحش اقعد معاكم اساسا.. انت جولتلهم في الدار..
محمود.. لا لسه هروح اجولهم بس انا متاكد ان جدي مش هيمانع
مهران.. تمام يا خوي.. هاجي الليلة..
محمود.. تمام.. سلام بجي وانت كمل شغلك..
بقلم.. حنين محمد عبدالرحيم (حنون
مهران.. سلام..
المهم محمود رجع من شغله والكل قاعد على السفرة علشان الغدا وكدة..
محمود.. بجولك يا جدي.. تمانع لو كلنا نتحمع الليلة بجالنا كتير متجمعناش زي ما كنا..
الجد.. لا يا ولدي معنديش مانع واصل... انا بحب اجمعكم..
محمود.. تمام يا جدي.. مهران هيجي..
الجد.. زبن يا ولدي..
وميرا نزلت قعدت علي السفرة جنب محمود..
الجد.. يا بنيتي هنتحمع الليلة باذن الله كلنا..
ميرا.. وماله يا جدو هيبقي حلو اوي..
محمود قال لميرا.. دي فكرتي يا ميرو.. عشان تعرفي اني مش قليل في البلد دي..
ميرا بضحكة.. ما انا عارفة يا برو.. بس انت مبتحبش التكبر..
بقلم.. حنين محمد عبدالرحيم (حنون
محمود.. امال ايه.. التواضع في الحياة دايما مبدأنا...
ميرا بضحك.. انت فصلان..
المهم خلصوا وميرا طلعت اوضتها وجاية ماسكة
الموبايل لقت رسالة جاتلها
( مش هترجعي بقي لقلبي يا أميرة قلبي وحشتيني
ميرا اول ما شافت الرسالة...
يتبعميرا أول ما شافت الرساله اتعصبت جامد وعملت بلوك للرقم وفاضل ترمي كل حاجه حواليها..
للكاتبة حنين محمد عبدالرحيم (حنون
ميرا بتعصب.. حيوان..
بقرف وبكره نفسي لما بفتكرك..
بكره انا قد ايه كنت غبية و مش فاهمة حاجة.. بكرهك.. بكرهك.. .
ايه اللي فكرك بيا دلوقتي..
ما صدقت بقي.. يا ربي.. ماام صدقت خلصت..
وفجأة لقت الباب بيخبط
ميرا وهي تحاول الهدوء:
مين
محمود .. انا محمود يا ميرو ... يلا متتاخريش ضلوك... كليتنا متجمعين..
ميرا.. ماشي يا حوده روح وانا جاية..
محمود.. ميرو انتي زينة .. حاسس من صوتك انك مش زينة..
ميرا وفتحت الباب بابتسامة مصطنعة.. لا انا كويسه يلا بينا..
محمود.. ميرو انا في الكام يوم دول عرفتك زين.. انتي حوصل معاكي حاجة او في حد ضايقك... او تعبانة.. اصل الضحكة دي مش من جلبك..
ميرا.. انا مالي اهو انا زي الفل يلا بينا.. يا زميلي..
محمود بعدم تصديق.. يلا.. .
المهم نزلوا ومهران جاه وقعدوا
وطول القعدة عمالين يضحكوا ويهزروا وميرا سرحانة او بتضحك ضحكة مصطنعة
مهران لاحظ ده مع انه زعلان ومضايق منها.. بس حاسس انها على غير عادتها المرحة والعفوية اللي دايما بتتخانق.. وبتضحك..
محمود.. جولنا بجي يا جدي.. انت كنت بتحب جدتنا الله يرحمها..
الجد بابتسامة ممزوجة بحزن :
الله يرحمها اقعد ساكت يا واه.. وبطل بجي..
سارة.. لا والنبي يا جدي جولنا..
محمود.. ايوة يا جدي كنت بتحبها ولا عادي..
الجد بابتسامة.. بحبها..
الحب كلمه جليله عليها..
انا عمري ما حبيت احد قدها واصل..
ميرا.. طب ما تقول يا جدي حبيتها ازاي وفين.. .
الجد.. هي كانت طيبه جدا... كانت تحب البساطه والزرع..
كانت كيف الجمر..
وانا بيني وبينكم يا اولادي..
كان خلجي ضيق..
وبتعصب بسرعة..
ابوي كان رايد انه يجوزني..
وانا ما كنت رايد..
بس ابوي غضب عليا وإلا يجوزني يا إما ولا انا أبنه ولا يعرفني..
(كان عايز يشوف احفاده وانا كنت طبعا الكبير خصوصا ان احنا من اكبر العائلات هنا..
وقتها اتجوزتها..
وعرفتها من يوم جوازنا اني مكنتش رايد الجوازة دي واصل..
بس اتجوزتها بسبب ابوي..
كنت طول الوجت بتعصب عليها وبكلمها من غير نفس..
بس عمري ما مديت يدي عليها لاني خابر زين انها ملهاش ذنب..
ومع ده كلاته كانت دايما طيبة معايا وحنينة..
ووقت ما تعبت لجاتها اول حد جنبي..
لحد مع الوقت حبيتها بدلت حالي وشجلبته..
للكاتبة حنين محمد عبدالرحيم (حنون
بجيت من العصبي للطيب..
مبجتش اقدر ازعلها واصل..
ولو زعلتها ابجي كيف الطفل اللي بيفضل ورا والدته لحد ما ترضي عنه..
وبعد كدة ربنا رزقنا باول نعمة من عنده حامد..
وبعديه حسام ومحمد..
كنت بشكر ربنا دايما ان هي في حياتي..
وانها جابتلي اطفال دايما تفكرني بيها...
بحبها ولو أن الحب كلمة جليلة..
ياااا يا ولاد اللي يلاجي الحب الحقيقي يبجي كسب جوهرة ولا عمرها هتفارقه..
ولحد ضلوك بحبها لانها ساكنة هنا..
في جلبي.. وهفضل احبها لحد ما ربكم يفتكرني و اروحلها..
كلهم قالوا.. بعد الشر يا جدي..
ميرا.. بس ايه الرومانسية دي يا جدو.. انت طلعت رومانسي بقي وبتحب..
الجد :اومال ايه يا بنيتي.. انتي مفكراني جاهل وجلبي حجر اياك..
ميرا بابتسامة: لا يا جدو.. انت طلعت رومانسي..
امال كنت مخبيها فين الرومانسية والحب ده كله. بس..
الكل ضحك..
مهران.. ما تحكيلنا يا جدي... قصة من قصصك.. اللي كنت بتحكيها..
الجد.. تعالوا يا اولادي..
هحكيلكم ضلوك.. حكاية فلاح..
الفلاح ده كان كان عنده كام فدان كده
وكان بيزرعهم كل سنه وكان بيأكل عياله ومرته..
واهو عايش على جد حاله..
في يوم الفلاح ده جاه حد خبط على باب داره
المهم فتح لجي جدامه حد لابس خلجات شبه البندر كده..
مش من هنا
الفلاح جال..
ايوة.. اجدر اساعدك في شئ يا بيه
لا انا بس كنت عايز ماية لو مفيش مانع.. بس لاني جيت هنا بدور على بيت وشكلي توهت ولا ايه..
ومعرفتش مكانه ..
الفلاح.. اتفضل تشرفنا يا بيه..
اجلس هنا وانا هجيب الوكل والماية علشانك يا بيه.. وانا هبجي اجي معاك واوصلك للدوار اللي انت رايده..
لا شكرا انا بس عايز شوية ماية..
الفلاح.. والله ما ينفع يا بيه مادام دخلت بتنا لازم تاكل
وفعلا اصر عليه انه يقعد
للكاتبة حنين محمد عبدالرحيم (حنون
وبعدين الفلاح دخل لمرته وقال..
جهزي الوكل.. في ضيف عندينا برة..
-مين ده
*واحد جاي ضل الطريق.. يلا جهزي الوكل..
-بس انت خابر زين.. ان احنا نهاية الشهر ومفيش غير الوكل ده اللي المفروض يكفينا انا وانت والولاد الاسبوع اللي جاي كلاته.. كدة مش هيبجي عندنا وكل واصل..
*جهزي بس وملكيش صالح.. ربك كريم..
المهم يا ولادي مرته جهزت الوكل اللي عنديهم وحطته للراجل والراجل اكل وشرب بعد إلحاح من الفلاح.. وبعدين خرج الفلاح معاه... علشان يشوف هو منين وعايز انهي دار..
الفلاح عرف منه انه عايز واحد اسمه احمد عبيد وده بجي
يا ولاد كان اغني واحد في البلد بعد العمدة واحنا كنا بعده..
المهم الفلاح وصل اللي من البندر ده.. للدار..
واول ما احمد عبيد شافه جري عليه بال وشكر الفلاح بعد ما ابنه حكاله.. ايوة عرف ان ده يبجي ابن احمد عبيد اللي بجاله كتير جوي في البندر وولسه معاود..
من فرحة احمد عبيد عطا للفلاح.. .
فلوس كتيرة جوي..
مع ان الفلاح رفض بس هو اصر..
الفلاح رجع البيت مبسوط جوي
وقال لمرته..
يلا مش جولتلك ربك كريم..
ادينا معانا ضلوك..
فلوس تكفينا 8 شهور جدام..
وقص عليها ما حدث معه..
اللي عايز اوصلهولكوا يا اولادي انكم تبجوا عارفين ان اي حاجه بتعملها لوجه الله
ربنا عمره ما ينساها..
ربك بيردها لك
ويفتح لك ابواب انت عمرك ما تتخيلها..
ما فيش اجمل من انك تدي لوجه الله هتبقى سعيد من جواك حتى لو متردلكش في الدنيا هتتردلك في الاخره..
مهران.. كلام زين قوي يا جدي..
ميرا.. فعلا يا جدو كلمك حلوه اوي تسلم.. .
محمود.. كلامك حكم يا جدي..
الجد.. تسلموا يا ولاد يلا بجي علشان تناموا الوقت اتاخر ولا ايه.. يتبع
ايه حكاية ميرا مع الرسالة دي بقي
يتبعكلوا طلع علشان ينام..
ميرا دخلت اوضتها وسندت دماغها على المخدة..
وملامح الحزن على وشها
وبدأت دموعها تنزل بغزراة..
ميرا.. ليه.. ليه.. كل ما انسي ارجع تاني افتكر.. ليه.. بكرهك.. يا حيوان.. انت..
للكاتبة حنين محمد عبدالرحيم (حنون
وفضلت تعيط برضه
(تعالوا نعرف القصة كاملة
Flash back
ميرا كانت في الجامعه بنت مرحه و بطبعها الهزار بس .. ومقتنعة انها عمرها ما هتحب مع انها بتحب الروايات الرومانسية بس مقتنعة ان الحب ده مكانه في الروايات (وحتي لحد دلوقتي ميرا برضه مقتنعة انك عمرك ما هتلاقي حد يحب روحك قبل شكلك ..
علي الجانب الأخر..
شلة شباب في الجامعة..
شاب 1: بقولك يا اسطا.. انا رايح اسهر النهاردة تيجي معايا..
شاب 2: لا يا عم انا عندي خروجه مع دنيا النهارده
ما ينفعش ..
شاب 1: يا ابن الايه وقعتها..
شاب 2: امال ايه وقعتها طبعا..
شاب 3: يا ابني حرام عليك كده شكلها حبيتك بجد.. .
شاب 1.. يا عم اسكت بقى سيبنا نتسلي شويه.. عايزين نشوف ميزو كدة اصل في بنت في الجامعة جامدة الصراحة بس رافعة مناخيرها اوي يا برو وقال مش هحب اي ولد.. مفكرة نفسها شاكيرا.. في المواقف دي ميزو هو الحل..
جاء صوت من خلفهم.. مين اللي حاب سيرة ميزو دلوقتي..
الشاب2.. حبيبي يا ميزو..
ايه الاخبار
مازن.. بخير يا شباب..
قولي لي بقى عايزين ميزو في ايه
شاب 1: يا عم في بنت اسمها ميرا.. عاملة فيها شاكيرا ومحدش يوقعها في حبه مستنية مايكل جاكسون.. ما نيجي نلعب بمشاعرها شوية.. و توعقها في حبك وتغدر بيها واهو ادينا بنتسلي وانت كدة كدة كل يوم مع بنت شكل ..
مازن.. بس كدة.. عيوني ليكم..
فين الست ميرا دي..
الشباب شاور له عليها
مازن شافها وبعدين قال..
اوباااا.. لا لا دي طلعت حلوة فعلا.. لا دي شاكيرا فعلا..
بس على مين
مازن راح لميرا..
مازن.. هاي انا مازن.. بس يعني بيقولولي ميزو..
ميرا.. هالو انا ميرا..
مازن.. هاي يا ميرا.. انا هنا مش من كتير اوي ومعنديش صحاب كتير فممكن نبقي صحاب..
ميرا.. معلش انا اسفه مش هينفع..
وميرا سابته ومشيت..
المهم اليوم الجامعي خلص..
وميرا طالعة شوية شباب حاولوا يضايقوها..
-الحلو رايح على فين
*طب تعالي اوصلك طب..
-تعالي بس العربية اهي..
وميرا لسه هترد عليهم وتعلمهم درس..
مازن جاه وضربهم كلهم وشد ميرا من ايديها.. تعالي معايا..
ميرا.. سيب ايدي علي فين.. انت مجنون
مازن بعصبية..
هوصلك او حتى بس هعديكي من الحتة اللي فيها شباب دي..
ولا انتي عاجبك كدة..
المهم عداها وكدة..
ميرا.. شكرا ليك.. . .
للكاتبة حنين محمد عبدالرحيم (حنون
مازن.. لا ده واجبي عادي..
ممكن بقي نبقي صحاب وانا عارف انك مبتحبيش شاب يتعامل معاكي الا بحدود وانا مش هتخطي الحدود دي صدقيني..
ميرا.. OK.. تمام..
مازن.. OK.. يلا باي..
ميرا: باي..
المهم مازن وميرا بدأت صداقتهم تقوي وعلاقتهم كل مدي اقوي..
لدرجة خلاص ميرا اتعلقت بيه جامد..
ومكنتش تعرف ان هو بيلعب عليها..
وحتي مازن بدأ ينسي انها لعبة واتعود عليها و بدأ يحبها بطفولتها وجنونها
بقي بيعشق ضحكتها..
المهم في يوم من الايام
في الكافيه
(ميرا عارفة ايه هو الكافيه المفضل لمازن جهزت نفسها ورايحة خلاص هتعترفله بمشاعرها لان هو اعترفلها وهي قالتله ممكن تسيبني شوية بس افكر
مازن قاعد هو واصاحبه
جات عليهم واحدة من اللي مازن كان يعرفهم وسلمت عليهم
واتكلمت بسهوكة.. ايه يا ميزو.. عامل ايه يا بيبي
مازن بجدية.. الحمد لله انا كويس..
لسه هتقرب منه وتقوله.. انت متغير كدة ليه..
مازن بعدها عنه وقال :من فضلك ابعدي..
في ايه يا ميزو.. انت متغير أوي..
شاب 1.. ها يا ميزو خلاص وقعت ميرا شكلها وقعت المجنونة وخلاص حبيتك.. يلا بقي نكمل الخطة..
شاب 2.. عاملة نفسها مبتحبش والكلام ده.. اهي حبيت ومتعرفش انها لعبة اساسا..
والشابين قعدوا يضحكوا..
مازن.. خلاص يا جماعه
ما تتكلموش عليها كده ايوه هي كانت لعبه فعلا...بس..
مازن سمع صوت من وراه بيقول.. ايوة هي لعبة فعلا..
مازن بيبص لقاها ميرا..
مازن.. ميرا استني...
ميرا طلعت تجري وهو طلع يجري وراها...
مسكها من ايديها
مازن.. ميرا اسمعيني...
ميرا ضربته بالقلم.. اسمع ايه يا حيوان.. انا كنت لعبة...
مش عايزة اشوف وشك.. تاني خالص.. انت فاهم.. مش عايزة...
للكاتبة حنين محمد عبدالرحيم (حنون
مازن بدموع وندم..
ميرا صدقيني الموضوع في الاول كان كده..
بس انا حبيتك.. صدقيني يا ميرا.. كل حاجة حسيت بيها وانا معاكي مكنتش لعبة كانت حقيقة.. كل كلمة قولتهالك كانت حقيقة ومن قلبي..
والله العظيم...
ميرا بعصبية..
بطل كدب بقي.. بطل كدب...
ميرا مشيت وهي منهاره وعدت الايام..
ومازن بيحاول يعتذر لها علشان تسامحه وهي رافضة ..
حاول كتير وجرب طرق كتير.. بس كل ده كان دون جدوي..
المهم فترة الجامعة خلصت بس ميرا في الأول مكنتش قادرة تنسي حبها
(ايوة يا جماعة مع ان هو خانها بس كل واحد بيفضل سايب جوانا علامة حتي لو بعد سنين علامة جرح.. علامة حزن.. او حتي علامة حب..
في حالة ميرا كان سايب علامة جرح..
ميرا مش قادرة تنسي ضعفها قدام الحب..
وانها وثقت فيه وهو غدر بيها..
وجاه عليها الشغل وفعلا نسيته..
وساعتها عرفت انه كان مجرد تعود مكنش حب..
والدليل عادي انها قادرة تمارس حياتها
(انا قريت قبل كدة مقولة علي بيدج اسمها "الرواي"
كان بيقول فيها (اعتدت على حياتي بدونك كما اعتدت عليها بجانبك لم يكن حبا بل كان تعودا
باك..
ميرا اول ما جاتلها الرسالة فتحت الجرح القديم تاني بس مسحت دموعها سريعا و كانت زعلانة مش علشان لسه بتحبه لأ.. .
علشان افتكرت اد ايه كانت غبية وضعيفة انها تدي قلبها لواحد خاين ..
بتعيط وزعلانة على الايام اللي كانت بتقعدها مكتئبة علشان خاطر حبها ليه..
بس هي دلوقتي بتكرهه..
بكل ذرة حب حبتهاله دلوقتي بتكرهه..
ميرا.. بكرهك.. يا مازن.. بكرهك..
المهم قامت مسكت الموبايل وكتبت على الفيسبوك
للكاتبة حنين محمد عبدالرحيم (حنون
(في الحقيقة بعد ما بعدت عني فهمت كويس اني مبحبش ولا عمري حبيت كنت بوهم نفسي و جايز كان مجرد احتياج لشخص جنبي فهمته حب اتعودت علي وجودك بس اللي اتأكدت منه بعد بعدك ان قلبي مدقش علشانك واني عايشة عادية في غيابك وانك زي الباقي وان عمري ما حبيتك وانك بمعني اصح ولا حاجة
وقفلت و قامت اتوضيت وصلت ركعتين و قرأت شوية قرأن لقت نفسها هدات شوية والnegative energy
راحت خلاص..
وبعدين راحت تشرب مياه ملقتش فاضطرت انها تنزل علشان تجيب ماية وكدة من المطبخ سمعت صوت من وراها بيقول..
انتي عنيكي منفخة كدة ليه..
انتي كنتي بتعيطي..
ميرا لفت وشها ولقت..
يتبعميرا لسه بتبص وراها لقت والدها حسام (طبعا كلكم توقعتوا مهران
ميرا.. هعيط ليه يا بابي.. انا كويسة اهو الحمد لله..
حسام.. على حسام برضه يا ميرو.. احنا صحاب صح وانتي عمرك ما خبيتي عني حاجة في حياتك..
ميرا اللي هي ما صدقت عيطت وقالت..
رجع تاني يا بابي وبيقولي ارجعيلي..
حسام اخدها في ه..
اهدي بس يا حبيبتي.. ازاي قوليلي..
ميرا.. بعتلي رسالة.. بيقولي فيها ارجعيلي وحشتيني.. ازاي ممكن انسان يبقي كدة بعد ما يكسر قلبك ويدوس عليه بالشوز ..
حسام.. خلاص يا بنتي.. اهدي انتي لسه بتحبيه يا ميرا.. قوليلي يا حبيبتي الحقيقة..
للكاتبة حنين محمد عبدالرحيم (حنون
ميرا بدموع.. يا بابا الحكاية مش حكاية حب..
انا حقيقي عرفت اني مكنتش بحبه ..
بس الحكاية حكاية اني كل ما بفتكره بفتكر ضعفي وافتكر انا اد ايه كنت غبية..
لاني وثقت في الشخص ده وسمحت لنفسي اني اكون لعبة..
حسام.. اهدي يا روحي.. اهدي.. انتي مكنتيش ضعيفة ولا عمرك كنتي ضعيفة.. سيبك منه خلاص..
انا بنتي قوية.. وكان لازم تقابلي شخص زي مازن..
علشان تتعلمي وهي الدنيا كدة.. لازم نتعلم دروس..
والدروس دي مبتتعلماش بالسهل يا روحي..
مبتتعلمهاش بالسهل..
ميرا.. ايوة يا بابي.. خلاص مفيش حاجة.. انا كدة ارتحت..
حسام.. ايوة كدة هي دي ميرو بنتي القمر العسولة..
ميرا بابتسامة:
ايه يا حسام انت بتعاكسني ولا ايه
حسام..
لو مش هعاكس بنتي القمر دي هعاكس مين يعني.. امك مثلا..
ميرا.. لا لا انت كدة يا حسام بتخبط في الحلل..
والله اروح اقولها وهي هتعملك كفتة..
حسام.. لأ والنبي يا ميرا لسه عايز اعيش..
وبعدين ضحكوا هما الاتنين واخدها
في ه..
حسام.. ربنا يديم الضحكة على وشك يا روحي انتي..
ميرا.. يا حسام طول ما انت معايا خلاص..
حسام.. ربنا يخليكي ليا يا بنتي وميحرمنيش منك أبدا..
ميرا.. ويخليك ليا يا حبيبي..
حسام.. يلا يا روحي نامي يلا..
ميرا.. يلا تصبح على خير..
حسام.. وانتي من اهله يا حياتي..
وكل واحد راح لاوضته..
مين بقي اللي كان واقف وسمع كل الكلام ده يا حلوين...
بطلنا الحلو مهران..
مهران رجع البيت اخد حاجة وهو ماشي سمع صوت جاي من المطبخ لقاها ميرا وبعدين سمع حديثها مع حسام..
مهران رجع السكن وقعد..
مهران.. ياااا.. معقول بجد تبقى هي كمان مجروحه كده..
يا ربي هو ليه كل اللي بيحب بيتجرح..
ليه
وحط دماغه على المخده و افتكر الحكاية...
للكاتبة حنين محمد عبدالرحيم (حنون
———————————————
Flash back
مهران .. اميره انا بحبك يا اميره بحبك..
اميرة.. انا مش بحبك يا مهران..
مهران.. ما بتحبنيش ازاي
طب كل مقابلتنا... وكلامنا .. ورسايلك ...
وكل حاجه كانت بيننا..
اميرة.. ايه اللي كان بيننا ولا حاجه...
انا بعتبرك مجرد صديق ..
مش ذنبي انك فهمتيني غلط..
مهران.. نعم .. فهمتك غلط
أميرة.. اه فهمتيني غلط..
وكمان صح انا خطوبتى هتبقى الخميس الجاي على احمد الشامي..
مهران.. علشان كده بتسبيني علشان الفلوس...
سبتيني علشان تتجوزي واحد غني يا اميره..
بس انا حبيتك..
اميرة.. مهران حبيبي انت فاهم غلط مش كل حاجه في الحياه حب لازم فلوس علشان تعرف تعيش.. .
مهران.. ايوه بس انا قلت لك هنبتدي مع بعض وانا عندي فكره مشروع كبير قوي وان شاء الله هحققها...
أميرة.. هتحققها ايه مثلا هتوصل الجمهوريه مثلا.. احلم على قدك عموما سلام و صح ما تنساش تيجي خطوبتي..
مهران.. انتي ازاي كدة.. انتي ايه..
أميرة.. مش انا لوحدي يا حبيبي
كله كده.. اهم حاجه دلوقتي الفلوس امال بقى
تقول لي حبه ومشاعر و كلام فارغ ده في الافلام الكلام ده يلا سلام يا مشمهندس مهران..
مهران.. دي غلطتي .. غلطتي علشان حبيت ايوه..
غلطتي انا بس هعرفك يا أميرة.. هوصل للي عايزه واعرفك...
Back..
للكاتبة حنين محمد عبدالرحيم (حنون
———————————————————
مهران.. وصلت اهو اللي عايزه ايوه وصلت..
ودلوقتي مش بحبك يا أميرة لأ بالعكس بكرهك
و شكرا لانك كنت في حياتي.. لاني لولاكي مكنش هيبقي عندي ارادة اكبر اني اكمل واوصل لهدفي..
شكرا لانك سبتيني
وبعد كدة كمل بصراخ.. انتي إنسانة مادية وقذرة..
ليه.. كل اللي بيحب كدة يا ربي..
حتي ميرا اللي يبان عليها قوية ومرحة هي كمان مجروحة بس انا شاغل نفسي بيها ليه..
انا مالي اصلا..
للكاتبة حنين محمد عبدالرحيم (حنون
