رواية زواج تاني كاملة (جميع فصول الرواية) بقلم ايمان احمد
انها مش بتخلف..... اجوزتها عليا ليه يامراد
قال بحزن دفين عشان انتقم كان ده الحل الوحيد انى ارجع حقى وحق ابويا..... انا خسرت عيلتى بسببهم كمل بحقد......... وزى ماعمى كان السبب فى كل الل حصلى انا كمان هندمه وهاخد منه اعز مايملك
تجاهلت رضوى كلامه وقالت الل صدمه طلقنى يامراد وكمل انتقامك من عمك براحتك انت مبقتش تفرق معايا بعد كل الل عملته فيا
قال باصرار وانا عمرى ماهطلقك يارضوى
ردت بهدوء تمام يبقى انت الل اخترت
كانت لسة هتمشى بس مسك ايدها
تقصدى ايه
بعدت ايده عنها وقالت بنفس هدوءها لو مطلقتنيش قدامى حل من الاتنين اما ارفع عليك قضية خلع او اقول لعمك على كل خططك دى ووقتها شوف هيعمل فيك ايه
بصلها بغضب وقال وهو بيجز على اسنانه اقسم بالله لو فكرتى تعمليها لكون قتلك يارضوى بطلى تهور احسلك
قالت باستفزاز اعمل الل انت عايزه
بعدها مشيت وسابته
فى بيت والد رضوى
صفاء الوقت اتأخر ورضوى لسة مجاتش وابوكو زمانه جاى حد يقولى راحت فين
ردت لارين والله ياماما ماعرف مى الل تعرف
مى بنرفزة هو مفيش غير مى الل فى البيت ده ولا ايه انا هعرف راحت فين ازاى
صفاء بنت بطلى كذب وقولى
مى بانفعال قوووولت معرفش..... ثانية كدا
شافت الرسالة الل وصلت تليفونها وقالت......... رضوى بعتتلى رسالة بتقول انها مش راجعه البيت ومحدش يضور عليها
فى الوقت ده كان شاكر والد رضوى جه
اول ماشافوه كلهم اتوتروا
قال باستغراب مالكم فى ايه
محدش رد فبص حواليه ملقاش رضوى
هيا فين رضوى
ردت مى بدون تفكير مشيت
شاكر راحت بيت جوزها يعنى
مى بتلقائية لا طفشت
شاكر بعصبية نعم ياختى انتى بتقولى ايه يابت
مى هيا بعتتلى رسالة تقول كدا
وطلعت تليفونها توريه الرسالة
شاكر اه يابت ده انا لو لمحتها هولع فيها......
عند رضوى
كانت استلمت شقتها الجديدة وبتتفرج عليها وهيا مبسوطة
ميار صديقتها ايه رأيك فى الشقة يارضوى
رضوى بفرحه جميلة جدا بجد تسلمى...... طب الايجار هدفعه تانى امتى
ميار لا انتى تنسى الايجار دلوقتي خالص ده انتى يابنتى دافعه اول 6 شهور مقدم
رضوى بتذكر ايوا صح
بعدها سكتت وهيا بتفكر
ميار ايه يابنتى مالك ايه شاغل تفكيرك
رضوى عايزة ابدأ مشروع بالفلوس الل معايا
ميار
رضوى لسة معرفش بس انا محتاجة شريك معايا لان مظنش ان فلوسى هتكفى
ميار طب فكرى وقوليلى ناوية على ايه وانا ياستى هدخل معاكى شريك
رضوى لسة هفكر واقولك
كملت بامتنان...... بجد شكرا ليكى على كل حاجه
عند مراد كان عرف ان رضوى مرجعتش بيت باباها وده كان هيجننه ضور عليها فى كل مكان بس مكنش ليها اثر ووالد رضوى ايضا بحث عنها فى كل مكان بس ملقهاش فهم مراد ان رضوى اكيد بتخطط لحاجة وقرر انه لازم يلقيها بأى طريقه قبل ماتعمل تصرف بتهور ممكن يخسرها بسببه
جاله مكالمة تليفون فرد....... ايه انت بتقول ايه متأكد...... ماشى ماشى انا هروح على العنوان
اما عند رضوى فكانت نزلت تجيب شوية طلبات من السوبر ماركت وبعدها طلعت شقتها اول مادخلت شافت الل صدمها
ايه اتفاجأتى كنتى فاكرة مش هعرف مكانك!.......
زواج_ثانى
باسمى_ايمان_احمدايه اتفاجأتى كنتى فاكرة مش هعرف مكانك!.......
قام من مكانه ووقف قصادها وهو مبتسم بنصر وقال..... مبترديش ليه!
قالت بارتباك وهيا بتحاول تستوعب انها فعلا شايفاه قدامها
ان.. انت عر... عرفت مكانى منين! وازى دخلت بيتى
مراد عادى ياحبيبتي مش صعبة عليا شكلك نسيتى ان جوزك لو عايز يوصل لاى حاجة بيقدر يعملها وانتى اكبر دليل على كدا
بصلته بنظرات غاضبة وبعدها غمضت عينها وخدت نفس عميق وهيا بتهدى نفسها وقالت
عايز ايه
رد بسخرية وحشتينى قولت آجى اطمن عليكى واشوفك بالمرة لو محتاجة حاجة
تجاهلت سخريته وكررت سؤالها عايز ايه يامراد
مراد بجدية عايزك
ردت بحدة مستحيل... مسحيل ارجع معاك انا خلاص بدأت حياتى من جديد ومش عايزة تحكمات من بابا ولا منك
مراد بسخرية بدأتى حياة جديدة من فلوسى
رضوى ببرود والله انا مأجبرتكش تدينى حاجة انت بنفسك الل ادتنى الفلوس دى
مراد ده بعد ماضحكتى عليا
رضوى وانت صغير عشان اضحك عليك!
مراد لا مغفل انى صدقتك
رضوى بضيق ماشى يامغفل ياريت تتفضل من هنا لان وقتك خلص
كلامها استفزه جدا خصوصا انه حس انه ملهوش اهمية بالنسبالها ولا مدياله اى اهتمام
قعد مراد على الكرسي ببرود وحط رجل على رجل مش هتحرك من هنا غير وانتى معايا فيلا على بيتنا
رضوى يلا انت من هنا بدل ماطلبك البوليس
ابتسم مراد وقام
بقول تلمى هدومك ونمشى ولا اقولك مش ضرورى
قال بهمس فى ودنها انا جبتلك شوية لبس هيعجبك اوى
فهمت المغزى من كلامه فزقته بعيد عنها احترم نفسك وبررررة
فتحت الباب وانتظرته يمشى وبالفعل مشى مراد ناحية الباب
رضوى قبل ماتمشى طلقنى
مراد موافق اطلقك بس بشرط
رضوى باستغراب شرط ايه ده
مراد وهو بيطلع ورق تمضيلى هنا
رضوى باستغراب ايه ده
مراد ده تنازل عن كل حقوقك فى مقابل الطلاق ياحبى
رضوى بصدمة انت اتجننت
مراد والله ده الحل الوحيد عشان تاخدى حريتك او بقى تيجى معايا فى ببتنا وننسى الماضى
رضوى وهيا هتنفجر من الغيظ وفى خيار تالت......... اخلعك
مراد ببرود هتبهدلى نفسك فى المحاكم على الفاضى وتضيعى وقتك ووقتى وفى الاخر هتتنازلى عن حقوقك المالية برضه ده فى حالة موافقة المحكمة على الطلاق فانا جبتلك من الاخر فكرى كويس وردى عليا مضطر امشى عشان مراتى التانية مستنيانى
وقبل مايمشى قالها....... صحيح متفكريش تهربى لانى مراقب كل تحركاتك باى باى يابيبى
هبدت الباب وراه بغضب
مى ممكن تيجى تشرحيلى مسألة فى الكيمياء
لا
لارين بتذمر ليه كدا حرام عليكى المس هتزعقلى
مى بانفعال بت متوجعيش دماغى اما انتى حمارة بتدخلى علمى ليه وتصدعينا!
لارين وهيا على وشك البكاء قولى بقى انك مش هتعرفى تحلى المسألة داخله كلية علوم على الفاضى
بصتلها مى ببرود ورجعت مسكت تليفونها
لارين بغيظ بكرا ابقى احسن منك وأجيب الطب ووقتها هتتمنى بس اكلمك
مى بسخرية شوفوا مين بتتكلم ام ملحقين فى الترم الاول
لارين بعياط احترمى نفسك انتى بتزلينى
دخلت والدتهم على صوتهم
صفاء فى ايه يابت انتى وهيا...... لارين انتى بتعيطى!
لارين بعياط بقول لمى تذاكرلى مسألة فى الكيمياء قالتلى لا وقالتلى ياساقطة
صفاء مفيش غيرها الل ساقط الل مش بتحضر الكلية خالص
مى ببرود ماشة انا الل فاشلة ومش بحضر الكلية خالص حاجة تانية
صفاء ده انتى عيلة قلة الادب صحيح
خرج مازن توأم لارين وقال بضيق فى ايه ياجماعه صوتكم عالى ليه مش عارف اذاكر
صفاء بحنية معلش ياحبيبى حقك عليا انا ادخل كمل مذاكرتك وهعملك كوباية الشاى
باس ايدها بحب وقال
صفاء وهيا بترفع ايدها فى السما ربنا يوفقك ياحبيبي ويفرح قلبى بيك وتبقى دكتور قد الدنيا
لارين بتذمر وانا ياماما
صفاء وانتى كمان ياحبيبتي
جه شاكر وكان باين عليه مبسوط نادى لمى فعرفت هيتكلم فى ايه
شاكر اسمعينى يابت انا اديت للجماعه ميعاد يعنى دلعك ده مش عايزه
مى بهدوء جايين امتى يعنى
استغربت شاكر من هدوءها وقال بكرا
مى تمام هات مبلغ محترم كدا انزل اجيب طقم استقبل عريس الغفلة
بصلها بشك وبعدها طلع فلوس من محفظته واداها
اى حركة من حركاتك الل حافظها هتزعلى انتى وامك
وقفت لارين قدام شاكر وقالت وانا يابابا عايزة فلوس انا كمان اجيب طقم زيها
ماشى ياستى
على الرغم ان شاكر بخيل جدا الا انه بيحب لارين حب خاص غير باقى اخواتها عشان كدا نادرا لما بيرفضلها طلب
نزلت مى تجيب الفستان هيا ولارين
وهما بيختاروا اللبس بصت لارين ملقتش مى وفضلت تدور عليها بس مكنش ليها اثر
فى بيت رضوى كانت قاعدة بتفكر هتعمل ايه قاطعها صوت تخبيط الباب
فتحت استغربت اما شافت مى قدامها
رضوى باستغراب مى! اد... ادخلى
دخلت وقعدت على اقرب كرسي
رضوى مالك فى ايه
مى مفيش كنت زهقانة شوية وقولت آجى اقعد معاكى يضايقك
بصتلها رضوى بشك وقالت هو انتى الل عرفتى مراد مكانى يامى
بقلمى ايمان احمد
مى هو مراد عرف مكانك
رضوى اه تخيلى وكمان لقيته فى نص شقتى ومحدش غيرك انتى وميار يعرف مكانى....
كملت بتفكير بس ميار مستحيل تكون عرفته
مى بسخرية يعنى واثقة فى صاحبتك ومش واثقة فى اختك!طب هيا الل جابتلك الشقة ويمكن يكون معاها نسخ تانية من المفتاح
رضوى ميار مش مستفادة حاجة انها تعمل كدا وكمان انتى عارفه يامى الخلافات الل بينا
مى والل عمرى ماهسامحك عليها
رضوى بضيق قولتلك ميت مرة مكنش قصدى غير كل خير ليكى
مى بانفعال وانا وقتها حذرتك وقولتلك الموضوع يفضل سر بينا
ازاحت شعرها للخلف وقالت فكك.... المهم فين الاوضة الل هنام فيها
بصتلها رضوى بدهشة من تقلب مزاجها وقالت...... عندك اوضتين اختارى الل تعجبك
دخلت مى اوضة منهم الل فيها البراندة وجلست فيها وهيا بتتذكر الماضى وبتخطط لشئ ما
اما عند رضوى فكانت ماسكه الورق فى ايدها وبتفكر تعمل ايه لحد مااخيرا قررت ومسكت تليفونها
مراد ايه ياحبى فكرتى!
رضوى ايوا يامراد بعد مافكرت كويس قررت........
بقلمى_ايمان_احمد
