سلفي ضربني حكايات احمد عمار

لمحة نيوز

سلفي ضربني جوه شقتي وجوزي وعدني إنه مش هيرجعني غير لما يوفرلي سكن بعيد عن أهله، لكن بعد ما رفضت أعمل محضر لأخوه، رجع في كلامه وطلب مني أرجع وكأن شيئًا لم يحدث!
أنا مش هنسى اليوم اللي أخو جوزي مد إيده عليا وأنا في بيتي، لكن اللي كسرني بجد مش الضرب ولا الإهانة... اللي كسرني إن جوزي وعدني يحميني منه، وبعد ما ضحّى حقي عشان خاطره، رجع يطلب مني أعيش معاه في نفس المكان!
أنا متجوزة بقالي كام سنة، وجوزي مسافر بره مصر، وعندي ابن عنده 4 سنين. من ساعة سفر جوزي وأنا عايشة في شقتي القريبة من بيت أهله، وكنت بقول إن وجودهم جنبي أمان ليا ولابني، خصوصًا إن جوزي بعيد عني.
لكن الحقيقة إن علاقتي بسلفي عمرها ما كانت مريحة. كان دايمًا بيتدخل في حياتي، وكل ما أعمل حاجة تخص ابني لازم يعلّق عليها، ولو اعترضت يقول لي إني مش بعرف أربي وإنه أدرى بمصلحة الولد.
في الأول كنت بسكت، وأقول لنفسي ده عم ابني، ومش عايزة أعمل مشاكل بين جوزي وأخوه.
لكن مع الوقت بقيت حاسة إنه متعمد يضايقني، وكل ما أشتكي لأهله يقولوا لي معلش، استحمليه، هو عصبي شوية.
لحد ما جه اليوم اللي اتغيرت فيه نظرتي لكل الناس دي.
كنت في الشقة أنا وابني، وسلفي دخل معايا في نقاش بسبب حاجة تخص الولد. بدأ يرفع صوته ويفرض عليا أعمل إيه وماعملش إيه.
قلت له بص، أنا مقدرة إنك عمه، لكن تربية ابني دي مسؤوليتي أنا، ومش من حقك تتدخل بالطريقة دي.
بص لي باستنكار وقال إنتِ بتردي عليا؟ هو أنا بكلم واحدة غريبة؟
قلت له أنا مردتش عليك بقلة أدب، أنا بس بطلب منك تحترم حدودك.
فجأة اتعصب وقال إنتِ شكلك نسيتي نفسك، ومحتاجة حد يوقفك عند حدك.
وقبل ما أستوعب كلامه، لقيته مد إيده عليا وضربني!
صرخت وفضلت أنادي على الجيران، وابني كان واقف بيعيط ومش فاهم إيه اللي بيحصل. صوته وصل لأهله، وطلعت أمه وأبوه ومراته يحاولوا يبعدوه عني، لكن كان منفعل ومحدش قادر يسيطر عليه.
قدرت أخرج من الشقة وأجري على السلم أستنجد بالجيران، لكنه لحقني وشدني تاني لجوه وقفل الباب!
اللحظة دي حسيت إن حياتي كلها اتقلبت. فضلت أحاول أخرج لحد ما قدرت أفتح الباب، واستعنت باتنين من الجيران يدخلوا معايا ويشهدوا على اللي حصل.
بعدها أخدت ابني وروحت بيت أهلي، وكنت مصممة أعمل محضر.
أبويا أول ما شافني سألني مين عمل فيكي كده؟
ولما حكيت له، قال لي المرة دي مش هنسكت، وحقك لازم يرجع.
لكن جوزي اتصل بيا وطلب مني أستنى، وقال أوعي تعملي محضر دلوقتي، أنا هتصرف، ومش هرجعك البيت غير لما أوفر لك شقة بعيدة عن أهلي.
الكلام ده خلاني أتنازل عن فكرة المحضر وقتها، خصوصًا إنه أكد لي إن محدش هيطلب مني أرجع لنفس المكان.
وبعد كام يوم أهله جم عندنا، وأمه اعتذرت وقالت حقك علينا يا بنتي، إحنا عارفين إن ابننا غلطان.
قلت لها أنا مش عايزة مشاكل مع حد، بس أنا مش هرجع أعيش في مكان اتضربت واتهانت فيه.
عدّى الوقت، وكنت مستنية جوزي ينفذ وعده، لكن بدأت ألاحظ إنه بيتكلم عن رجوعي أكتر ما بيتكلم عن الشقة الجديدة.
لحد ما في يوم اتصل بيا وقال أنا شايف إن خلاص كفاية كده، ارجعي بيتك، والموضوع انتهى.
قلت له والشقة اللي وعدتني بيها؟
قال بضيق إنتِ هتفضلي ماسكة في الموضوع ده كتير؟ أخويا اعتذر، وأهلي اعتذروا، خلاص بقى.
قلت له يعني أنا لما سكت وماعملتش محضر عشان خاطرك، ده معناه إنك تنسى اللي وعدتني بيه؟
رد عليا إنتِ كده بتخربي بيتك بإيدك.
قفلت المكالمة وأنا بعيط، وحكيت لأمي اللي حصل، فقالت لي يا بنتي اللي يضربك مرة ويلاقي الموضوع عدى، إيه اللي يمنعه يكررها؟
لكن اللي حصل بعد كده كان أغرب.
بعد يومين، وأنا قاعدة عند أهلي، جوزي اتصل بيا وقال إنه لازم أرجع خلال الأسبوع ده، وإن في كلام حصل بينه وبين أخوه، وإن الموضوع مش هينفع يفضل كده.
سألته إيه الكلام اللي حصل؟
قال مش وقته دلوقتي، المهم ترجعي ونقفل الصفحة دي.
قلت له أنا مش هرجع غير لما أعرف إيه اللي اتغير.
وفجأة قال لي بصي، أنا هقولك حاجة، بس متفهميهاش غلط... أخويا عارف إنك ممكن تعملي مشكلة، وهو مش مستعد يسكت المرة دي.
اتخضيت وسألته يعني إيه مش مستعد يسكت؟ هو أنا عملت له إيه؟ أنا اللي اتضربت!
لكن قبل ما يرد، سمعت صوت حد بيتكلم معاه في الخلفية، وبعدها جوزي قال لي
استني، أنا هبعتلك رسالة دلوقتي، ولازم تشوفيها قبل ما تاخدي أي قرار.
وبعد ثواني وصلتني رسالة منه، فتحتها ولقيت صورة لمحادثة بينه وبين أخوه...
لكن أول سطر في المحادثة خلاني أتصل بجوزي تاني وأنا بصرخ إنت كنت عارف من إمتى؟!ملحوظة القصة الكاملة ستجدها مثبتة في التعليقات
علي الصفحه دي W A A D مش في الجروبات اضغط بس ع اسم الصفحه هايطلعلك البوست باللينك 
روايات_احمد_عمار
يتبع...
الجزء الثاني أول سطر في المحادثة
أول ما فتحت صورة المحادثة اللي جوزي بعتها، حسيت إن الأرض بتتحرك من تحتي.
كانت المحادثة بينه وبين أخوه، وبدأت برسالة من أخوه بيقول فيها
أنا مش هقبل إن مراتك تفضل قاعدة عند أهلها وتفتكر إنها كسبت الجولة. إنت وعدتني إنك هترجعها الشقة، وأنا مش هسمح إنك تجيب لها شقة بعيد عننا. وبعدين ما تنساش إن موضوع المحضر لسه في إيدينا، ولو هي فكرت تفتحه تاني، أنا عندي كلام كتير ممكن أقوله عليها.
جوزي كان رادد عليه
أنا مش عارف أعمل إيه معاها. هي مصممة على الشقة، ومش راضية تفهم إن الظروف مش سامحة.
رد أخوه
إنت اللي دلعتها من الأول. خليها ترجع، وأنا هعرف أتعامل معاها. هي في الآخر واحدة ست، ومش هتقدر تعمل حاجة طول ما إنت بعيد.
لكن الرسالة اللي بعدها كانت هي الصدمة الحقيقية.
أخو جوزي كتب
وبعدين إنت ناسي إن الشقة دي مش بتاعتها لوحدها؟ أنا ليا حق فيها، ومش هسمح إنها تفضل قاعدة فيها وتتصرف كأنها صاحبتها.
جوزي رد
أنا عارف، بس مش عايز مشاكل دلوقتي.
أخوه
المشاكل بدأت من يوم ما رفعت صوتها عليا. إنت لو راجل كنت خليتها تعرف مقامها من الأول.
فضلت أعيد قراءة الكلام أكتر من مرة.
مش مصدقة إن الشخص اللي وعدني إنه هيحميني، واللي أقسم لي إنه مش هيرجعني المكان اللي اتعرضت فيه للإهانة، كان بيتكلم مع أخوه بالطريقة دي.
اتصلت بجوزي فورًا.
رد بعد رنتين.
قلت بصوت مرتعش
إنت كنت عارف من إمتى؟
قال
عارفة إيه؟
متعملش نفسك مش فاهم! إنت كنت عارف إن أخوك شايف إن ليه حق في شقتي؟ وكنت عارف إنه بيهددني؟
سكت شوية، وبعدين قال
بصي، الموضوع أكبر من كده.
أكبر من إيه؟ أنا عايزة أفهم إيه اللي بيحصل!
قال
أخويا كان متعصب، والكلام ده اتقال وقت غضب.
وقت غضب؟ يعني لما يقول إنه هيعرف يتعامل معايا، وإنه مش هيسمح لي أعيش في الشقة، ده كلام عادي؟
قال
هو قصده إنكم تتصالحوا وترجعوا تتعاملوا طبيعي.
ضحكت ضحكة مليانة وجع وقلت
تتصالحوا؟ هو أنا اتخانقت معاه على آخر قطعة جاتوه؟ ده مد إيده عليا وأنا في بيتي! وابني كان واقف بيعيط!
رد بعصبية
خلاص بقى، إنتِ كل شوية هتفتحي نفس الموضوع؟
قلت
أيوه، هفتحه طول ما حقي ضايع، وطول ما إنت بتعامل اللي حصل كأنه خناقة عائلية.
قال
أنا مش ضدك، بس إنتِ كمان لازم تراعي إني بعيد، ومش ناقص مشاكل مع أهلي.
الجملة دي كانت كفيلة إنها تخليني أفهم حاجات كتير.
قلت له
يعني أنا اللي أراعي ظروفك، وأراعي أخوك، وأراعي أهلك، ومحدش يراعي خوفي أنا وابني؟
قال
أنا قلت لك ارجعي وأنا هتصرف.
سألته
طب إيه اللي يمنع أخوك إنه يدخل الشقة تاني ويعمل معايا نفس اللي عمله؟
رد بسرعة
مش هيعمل كده.
قلت
عرفت منين؟
سكت.
قلت
عرفت منين يا محمود؟
قال أخيرًا
أنا كلمته، وهو وعدني إنه مش هيقرب منك.
قلت
يعني أنا أرجع أعيش تحت رحمة وعد أخوه؟!
رد
إنتِ بتكبري الموضوع.
قفلت المكالمة.
كنت قاعدة جنب أمي، وهي سمعت جزء كبير من الكلام.
بصت لي وقالت
يا بنتي، الراجل اللي بيشوف مراته اتضربت، وبعدين يخليها ترجع لنفس المكان من غير ضمان حقيقي، ده محتاج يفهم إن الأمان مش كلمة بتتقال في التليفون.
قلت لها
أنا مش عارفة أعمل إيه يا ماما. أنا مش عايزة أطلق، ومش عايزة ابني يكبر بعيد عن أبوه، بس في نفس الوقت مش قادرة أرجع.
قالت
محدش بيطلب منك تخربي بيتك. إحنا بنطلب منك تحافظي على نفسك وعلى ابنك.
في اللحظة دي ابني، اللي كان بيلعب بالعربية الصغيرة بتاعته، قرب مني وقال
ماما، هو عمو هييجي يزعق لك تاني؟
اتجمدت مكاني.
نزلت لمستواه وقلت
ليه يا حبيبي؟
قال
أصل أنا لما أكون في بيتنا، بخاف لما عمو ييجي. هو بيزعق بصوت عالي، وإنتِ بتعيطي.
حسيت إن قلبي اتقبض.
أنا كنت فاكرة إنه صغير ومش فاهم، لكن واضح إنه كان شايف كل حاجة وبيخزنها جواه.
حضنته وقلت
محدش هيزعق لماما تاني يا حبيبي.
وفي اللحظة دي أخدت قرار إني مش هرجع لمجرد إن جوزي زهق من المشاكل.
لازم أعرف الحقيقة كاملة.
تاني يوم الصبح، اتصلت بالمحامي اللي كان والدي يعرفه، وحكيت له اللي حصل من البداية.
سألني عن ملكية الشقة، وعن عقد الجواز، وعن أي أوراق تخص السكن.
قلت له
الشقة اللي عايشة فيها دي جوزي كان قايل لي إنها بتاعتنا، وإنه اشتراها من فلوس شغله بره.
سألني
معاكي صورة العقد؟
قلت
لأ، هو محتفظ بكل الأوراق.
قال
يبقى لازم نعرف الملكية مسجلة باسم مين، ومفيش داعي لأي مواجهة مع أخوه قبل ما نفهم الوضع القانوني.
وبعد ما خلص كلامه، طلب مني أحتفظ بكل الرسائل والمكالمات، وما أمضيش على أي ورقة تخص الشقة أو ابني من غير ما أفهم مضمونها.
قفلت معاه وأنا بفكر.
ليه أخو جوزي فجأة بيتكلم عن حقه في الشقة؟
وليه جوزي مش عايز يجيب لي شقة بعيد عن أهله؟
وهل الموضوع فعلًا

تم نسخ الرابط