كنت واقفه في المطبخ
كنت واقفة في المطبخ بساعد ماما وهي بتحضر الغدا، والبيت هادي. صوت المعلقة في الحلة، وريحة الأكل مالية المكان، وماما كعادتها بتجري وهي بتقول
يا بنتي روحي شوفي الرز خلص ولا لسه.
لسه هرد، سمعنا خبط جامد على الباب.
حكايات منال علي
ماما بصتلي وقالت
شوفي مين يا حبيبتي.
روحت أفتح وأنا فاكرة أي حد من قرايبنا...
لكن أول ما فتحت الباب، جسمي إتشل.
كانت هي... أختي الصغيرة نور.
حصري على صفحه روايات واقتباسات
واقفة قدامي بشنطة سفر كبيرة، وشها شاحب، وعينيها حمرا ومنفوخة من كتر العياط، كأنها ما نامتش من سنين.
فضلت باصة لها مش مستوعبة، وقلت بصوت مذهول
نور؟! إنتي رجعتي؟
ما ردتش... رمت نفسها في حضني وفضلت تعيط بحرقة.
بعد ٣ شهور كاملة ما كناش نعرف عنها حرف واحد.
سألتها بسرعة
في إيه؟ جوزك فين؟
رفعت عينيها وقالت بصوت مكسور
عايزة أتكلم مع ماما. حكايات منال علي
دخلت بيها الصالة، وأول ما ماما شافتها...
وقفت مكانها كأن الزمن وقف. سابت فوطة المطبخ من إيدها وبصت لها بصمت مخيف.
نور قربت منها وقالت
يا ماما... بالله عليكي إسمعيني.
ماما ردت بصوت هادي وبارد خوّفني
قبل ما أسمعك... قوليلي رجعتي ليه؟ وشنطتك دي معناها إيه؟
نور نزلت عينيها في الأرض وقالت بخفوت
أنا... سيبت البيت.
ماما ضحكت ضحكة وجع وقالت
سيبتي البيت؟ ولا جوزك طردك ورماكي؟
الكلمة وقعت على نور زي الصدمة.
وأنا هنا لازم أرجعكم ٣ شهور ورا... لليوم اللي اختفت فيه أختي.
نور كان عندها ١٩ سنة، وفي يوم قالت إنها خارجة مع صاحبتها... وماجتش.
لا رسالة، ولا مكالمة.
ماما كانت هتتجنن وتطير عقلها، وتصحى كل يوم تبص على الباب وتقول
حاسة إن بنتي حصلها حاجة.
لحد ما صاحبتها قالت لنا السر
نور اتجوزت وخلاص.
جبنا عنوان الشقة في منطقة شعبية، وروحنا هناك.
ولما الباب فتح...
لقينا أختي، واللي جنبها راجل عنده ٣٦ سنة، أكبر منها ب١٧ سنة، وعايش مع أهله في شقة عيلة.
ماما عينيها دمعت وبصت له بغضب، وقالت ل نور
إنتي فاهمة عملتي إيه؟
لكن نور مسكت في إيده بعناد وقالت
أنا بحبه يا ماما... وأنا مراته.
ماما اترجتها ترجع، لكن نور رفضت واختارت طريقها، ورجعت ماما بقلب مكسور.
ومن يومها، حياتنا إتغيرت ورسايل ماما كانت بتتبعت وتفضل من غير رد. حكايات_منال_علي
لحد الأسبوع اللي فات...
لما رجعت نور بالشنطة، وعرفت الحقيقة.
جوزك اللي اختارته بدل أهلها هو نفسه اللي باعها وطلب منها تمشي بعد ما اتحكم فيها وفي كل حركة ليها.
ولما نور افتكرت إن حضن ماما مستنيها، كانت الصدمة...
ماما بصت لها بقسوة وقالت
فاكرة وأنا بترجاكي ترجعي؟ إنتي اخترتي تبيعيني.. دلوقتي تشربي من نفس الكاس!
دخلت قولت بدموع
يا ماما دي بنتك!
بصتلي بحدة وقالت
وأنا مين كان حاسس بيا وأنا بدور عليها؟
سكتُّ، بس حسيت إن قلب ماما مجروح وفي نفس الوقت مش قادرة أستحمل أشوف أختي تايهة.
وفجأة، ماما قالت بصوت واطي و زاد رعب قلبي
... يتبع
لو نفسك تشوف الجزء الجديد... أثبت وجودك!
اعمل لايك وسيب كومنت ، وما تنساش تصلي على سيدنا النبي ﷺ.
قصة جامده مستنياك... تابعها من هنا
الجزء الثاني السر اللي ماما خبّته سنين
ماما قالت بصوت واطي زاد رعب قلبي
نور... قبل ما تدخلي البيت ده وتطلبي مني أسامحك، عايزاكي تجاوبيني على سؤال واحد.
نور مسحت دموعها بطرف طرحتها وقالت
اسألي يا ماما.
ماما قربت منها خطوة، وبصتلها في عينيها وقالت
إنتي رجعتي علشان جوزك طردك؟ ولا علشان عرفتي إنه كان بيكدب عليكي من أول يوم؟
نور اتجمدت.
أنا بصيت لماما باستغراب، وسألتها
إنتي عرفتي منين يا ماما؟
ماما مردتش عليا، وفضلت باصة لنور.
نور نزلت راسها وقالت بصوت متقطع
هو كان بيكدب عليا في حاجات كتير.
ماما قالت
زي إيه؟
نور قعدت على طرف الكنبة، وحطت إيديها على وشها، وفضلت ساكتة شوية، وبعدها بدأت تحكي.
قالت إن أول شهر بعد جوازها كان كويس، أو على الأقل هي كانت فاكرة إنه كويس.
جوزها، اللي اسمه سامح، كان في الأول بيعاملها بحنية قدام أهله. كان يجيب لها حاجات بسيطة، ويقول لها إنها أجمل حاجة حصلت في حياته، وإنه هيوفر لها كل اللي نفسها فيه.
لكن بعد حوالي شهر، بدأ يتغير.
في البداية منعها من إنها تزورنا بحجة إن والدته تعبانة ومحتاجة حد يخدمها.
وبعدها بقى يتضايق لما تكلم ماما في التليفون.
وبعدين بدأ يسألها عن كل تفصيلة في حياتها.
رايحة فين؟ هترجعي إمتى؟ كلمتي مين؟ مين بعتلك الرسالة دي؟
ولو اتأخرت في الرد عليه، كان يقلب الدنيا.
نور قالت
كنت فاكرة إنه بيغير عليا، وكنت بعتبر ده دليل إنه بيحبني. لكن اكتشفت إنه مش عايزني أشوف حد غيره.
ماما كانت ساكتة، وأنا كنت حاسة إن كل كلمة بتقولها نور بتزود وجعنا.
كملت نور
أمه كمان كانت بتعاملني كأني خدامة عندها. أصحى من الفجر أعمل الفطار، وأنضف الشقة، وأغسل هدوم أخواته، وأجهز الغدا. ولو تعبت أو طلبت أرتاح، تقول لي إني بنت مدلعة ومش متربية.
سألتها
وسامح كان بيعمل إيه؟
ضحكت ضحكة مليانة مرارة.
كان بيقول لي معلش، استحملي أمي، دي ست كبيرة، ومش هتعيش طول العمر.
ماما غمضت عينيها للحظة، وبعدها قالت
وإنتي استحملتي؟
نور هزت راسها.
استحملت كتير يا ماما. كنت بقول لنفسي أنا اللي اخترت، ولازم أثبتلك إن اختياري كان صح.
الجملة دي وجعتني أكتر من أي حاجة.
كانت أختي بتتعذب، ومش بس خايفة ترجع، دي كمان كانت بتحاول تثبت إن قرارها اللي وجعنا كان قرار صح.
نور مدت إيدها وطلعت من شنطتها علبة صغيرة فيها شوية صور.
قالت
دي الحاجات الوحيدة اللي أخدتها وأنا ماشية.
مسكت الصور.
كانت صور جوازها، وصورة ليها مع سامح قدام قاعة الفرح، وصورة تانية مع حماتها.
لكن كان فيه صورة مختلفة.
صورة لنور واقفة في شرفة شقة، ووشها متورم من العياط، وفي الخلفية ست كبيرة واقفة بتبصلها بغضب.
سألتها
مين اللي صورك كده؟
نور خطفت الصورة من إيدي وقالت
دي كانت آخر ليلة ليا هناك.
ماما قربت منها وسألتها
عملك إيه؟
نور بدأت تعيط من جديد.
سامح رجع من الشغل متعصب، وقال لي إنه عايز مني أمضي على ورقة. لما سألته الورقة دي إيه، قال لي إنها مجرد إجراء علشان يضمن إن مفيش مشاكل بينا.
ماما قالت
وإنتي مضيتي؟
لأ. طلبت أقرأها الأول.
وبعدين؟
اتعصب وقال لي إني مش واثقة فيه. أمه دخلت، وخدت الورقة من إيده، وقالت لي إني لازم أعرف حدودي، وإن البيت ده ليهم مش ليا.
سكتت نور لحظة، وبعدها قالت
لما رفضت أمضي، سامح قال لي أجهز شنطتي وأمشي.
أنا شهقت.
طردك؟!
هزت راسها.
أيوه. قال لي إنه مش عايز واحدة بتشك فيه، وإنه غلط لما اتجوز بنت صغيرة مش بتفهم يعني إيه مسؤولية.
ماما سألتها
والورقة كانت إيه؟
نور طلعت من شنطتها ظرف بني، وناولته لماما.
ماما فتحته وبدأت تقرأ.
بعد ثواني، وشها اتغير.
سألتها
إنتي كنتي متجوزاه بعقد رسمي؟
نور ردت
أيوه يا ماما.
والورقة دي؟
إقرار إني استلمت منه مبلغ مالي كبير، وإن كل حاجة اشتريتها بعد الجواز كانت من فلوسه، وإني لو سبت البيت من نفسي ماليش أي حقوق عنده.
ماما بصتلي وقالت
هو كان عايز يخليها تمضي على تنازل عن حقوقها، ويثبت إنها أخدت فلوس منه.
نور قالت
أنا معرفش كان ناوي يعمل إيه، بس لما رفضت، طردني.
ماما فضلت ساكتة.
وبعدين قامت ودخلت أوضتها.
أنا لحقت بيها.
لقيتها واقفة قدام الدولاب، بتفتح درج قديم فيه أوراق وصور.
سألتها
إنتي بتدوري على إيه؟
قالت
في حاجة لازم نور تعرفها.
طلعت ملف قديم، وحطته على السرير.
كان فيه ورقة مكتوب عليها اسم سامح بالكامل.
بصيت لماما باستغراب.
إيه ده؟
ماما قالت
قبل ما أختك تتجوزه بشهر، جه لي واحد من معارفنا وحذرني منه.
اتصدمت.
يعني إنتي كنتي عارفة إنه مش كويس؟
ماما هزت راسها.
مكنتش أعرف كل حاجة. الراجل قال لي إن سامح عليه ديون، وإنه كان داخل في مشاكل مالية، وإنه سبق واتخطب قبل كده لبنت من منطقة تانية، والجوازة انتهت بسبب خلافات على الفلوس.
سألتها
طب ليه ما قولتيش لنور؟
ماما ردت بحزن
قولتلها، بس هي كانت متعلقة بيه لدرجة إنها اعتبرت كلامي غيرة وخوف زيادة. وبعد ما اختفت واتجوزته، حاولت أوصل لها الكلام تاني، لكنها كانت قافلة كل الطرق.
رجعت الصالة وأنا مش عارفة أفكر.
لقيت نور قاعدة مكانها، وماما واقفة قدامها بالملف.
ماما حطته على الترابيزة