رواية القدر "مريم ويزن وسليم" كاملة (جميع فصول الرواية) بقلم هاجر العفيفي
ازاى تتجوز افرضى هرجعها تاني
حبيبه اتعصبت من أسلوب أخوها وقالت وهي تحت رحمتك عشان ترجعها وقت ماتعوز وتطلقها وقت ماتعوز ايه الانانيه دي
سليم بغضب حبيبه اعملى حساب أن اخوكي الكبير واتكلمي بأسلوب احسن من كده
ناهد خرجت من الأوضه وقالت صوتكم عالى ليه
سليم الاستاذه عايزه تروح كتب كتاب مريم
ناهد بامتعاض وهي ليها عين تتجوز كمان ومين الناصح ال هيقبلها يعيبها
حبيبه كانت مخنوقه من كلام امها وأخوها على مريم وقالت بعصبيه لو انا مكانها كنتم عملتوا ايه
ناهد اخرسي انتي مش زيها ومش هتكوني زيها ابدا
حبيبه انا رايحه لصاحبتى بعيدا عن حوراتكم دي
قالت كلمتها وخرجت من البيت بحزن
سليم نفخ بغضب وقال شايفه بنتك
ناهد بغيظ روح امنع مقصوفة الرقبه دي من انها تروح
سليم دخل الأوضه ورزع الباب
أذكروا الله
مريم بفرحه حبيبه انا مكنتش متوقعه انك هتيجي
حبيبه ضمتها بحب وقالت الف مبارك ليكي ياحبيبتى قوليلي مبسوطه يامريم
مريم بتوتر مش عارفه ياحبيبه انا متوتره اوى معرفش انا اتسرعت ولا ايه بس كل حاجه جت بسرعه وانا ليا أسبابي
حبيبه المهم هو كويس
مريم ابن عمي انا مكنتش بختلط بيه كتير بس انا قولت يمكن الخير فيه
حبيبه بابتسامه انا واثقه أن ربنا هيعوضك والله لانك تستاهلى كل خير
مريم يارب ياحبيبتى
قاطع كلامهم دخول محمد وهو بيقول بابتسامه عروستنا جاهزه
مريم بابتسامه وتوتر اه ياحبيبي
محمد مسك وشها بإيده وقال عايزك تعرفى أن جمبك مهما حصل لو مرتحتيش عرفيني انتي مش مجبره على حاجه
محمد مسك أيدها وخرج هو وحبيبه معاها وقعدوا جمب المأذون ويزن كان موجود الناحيه التانيه ومبتسم وابتدا المأذون مراسم كتب الكتاب
صلوا على شفيعكم
سليم كان رايح جاي فى الأوضه بغضب من نفسه ومن ال بيحصل وازاى يوصل بيه الحال لكده طلع تلفونه وحاول يرن على مريم بس الخط مشغول ومريم عملاله بلوك
بجح اوى
خرج من الأوضه وساق حبيبه راجعه من بره راح عندها ومسك دراعها وقال ايه ال حصل
حبيبة الحمد لله تم على خير
سليم اتعصب جامد ورمي التلفزيون على الأرض ازاى ده يحصل ازززززاى
حبيبه باستغراب هو انت عايز ايه بالظبط فهمني مش انت طلقتها بإرادتك عايز منها ايه ده انت حتي مفكرتش تسمعها على فكره هي كان عندها كلام كتير اوي عايزه تقولهولك وانت ال اتسرعت انت ال غلطان مش هي ياسليم هي عملت اكبر صح انها مضيعتش عمرها علشانك انا اسفه بس دي الحقيقه
قالت كلامها ودخلت الاوضه وسليم كان ندمان ندم عمره وحزين عن ال هو عمله
أذكروا الله
يزن بابتسامه مبارك عليا انتي
مريم كانت متوتره وساكته
يزن مسك أيدها بهدوء وقعدوا على الكنبه انا عارف انك خايفه ومتوتره يامريم بس انا عايز اطمنك أن عمرى ماهتعبك معايا ابدا ولا هخليكي حزينه طول مانا عايش انا بحبك يامريم وكاتم حبي فى قلبي من سنين لأجل انك تكوني سعيده
مريم بصتله بصدمه متتصدميش يامريم انا لما كنت نازل اتقدملك عرفت وقتها انك كتبتي كتابك حزنت اوى بس رجعت قولت لو لينا
مريم بتوتر ودموع انت عارف انا اتطلقت ليه
يزن طبطب عليها بحنان وقال عارف بس ده مينفعش أن بحبك ومش متجوزك عشان اطفال انا متجوزك عشانك انتي ميهمنيش حاجه تاني
مريم يعني عمرك ماهتندم على قرارك ده
يزن لاء طبعا ده انا ماصدقت
مريم احم بس انا يعني أنا
قاطعها يزن وقال قولي انت ايه
مريم انا بخلف فعلا يايزن المشكله مكانتش عندي
يزن بابتسامه الحمد لله طبعا بس صدقيني دي مكانتش مشكله عندي كل ال انا عايزه انك تطمني وانا معاكي
مريم ابتسمت بأمان وقررت انها هتمحي سليم من حياتها وهتفكر فى مستقبلها مع يزن
أستغفروو
بعد مرور ثلاث شهور
حبيبه كانت بتتكلم فى التلفون وقالت وبس ياستي قولتله خد دخلك ومع السلامه
مريم بضحك ده انتي مشكله
حبيبه مكنتش مرتاحه معاه والله خالص يامريم مش ملتزم بضوابط الخطوبه وكمان عصبيه على الفاضي وانا مش مجبره اتحمل ده كله
مريم رب الخير لا يأتي إلا بالخير ربنا يعوضك احسن منه ياحبيبة قلبى
حبيبه بابتسامه يارب ياحبيبتى قوليلي بقا انتي عامله ايه فى حياتك
مريم الحمد لله ياحبيبتى اقولك على سر
حبيبه قولى فى بيير
مريم بضحك ربنا يستر
حبيبه بضحك قولى السر
مريم بخجل انا حامل
حبيبه بفرحه وعدم وعي حااامل بجد يامريم وساكته من الصبح
فى الوقت ده دخل سليم على الصوت وقال بصدمه مريم حامل ازاى !!!!
حبيبه قفلت التلفون بتوتر وقالت قصدي ا اه
سليم قولى ياحبيبه هو فعلا ال سمعته
حبيبه بحزن أيوه ياسليم
سليم مسك دماغه وكانت اكبر صدمه فى حياته
يتبع
بعتذر جدا عن التأخير بس ده لسبب صحي أسفه جدا تفاعل يابنات فضلا وتوقعاتكم بقا فى ال جاي
القدر
بقلمى هاجر_العفيفى
دمتم بخيرشكرا على التفاعل يابنات البارت الخامس
سليم بصدمه ازاى مريم حامل !!! هي مبتخلفش
حبيبه بحزن للأسف ياسليم انت ال مبتخلفش
الصدمه كانت كبيره اوى عليه والصدمه الاكبر أن ظلم مريم
حبيبه طبطبت عليه وقالت ده نصيب اكيد ربنا ليه حكمه فى كده
سليم بدموع نزلت انا ظلمتها ياحبيبة ظلمت مريم يعني ده كله العيب فيا انا وهي مقالتليش طب ليه خبت عليا ليه مصارحتنيش
حبيبه بعتاب علشان مكانتش عايزه تجرحك ياسليم وحتي لما قالتلى حلفتني أن مقولكش لولا أنك سمعت وبعدين أنت معطتهاش فرصه
سليم بتوهان وحزن فعلا فعلا انا السبب انا ال غلطان انا وحش انا ازاى مسمعش ليها تعرفى مريم عمرها مازعلتني ياحبيبه دايما كانت بترضيني دايما كانت تقولى كلام حلو وانا أكلمها بأسلوب وحش وكانت تطلب الحب وانا استهتر بمشاعرها انا ال ضيعتها من ايدي انا غبي غبي
حبيبه بحزن على أخوها هو مهما كان اخوها وبتحبه سليم علشان خاطرى اهدا ده القدر انتم ملكوش نصيب مع بعض
سليم بدموع مريم ضاعت مني هي كانت مستعده تضحي عشاني وكانت هتفضل معايا إنما أنا طلعت قليل الاصل معاها حتي مسمعتهاش
حبيبه معرفتش ترد وكانت ساكته
ناهد دخلت وقالت بفرحه لقيتلك عروسه انما ايه زى القمر تجيب منها حتة عيل
سليم مسح
ناهد باستغراب نعم مش هتتجوز !!! وبعدين انت بتعيط اوعاك تكون بتعيط على ال راحت فى داهيه دي انا
قاطعها سليم بعصبية وقال كفايه بقا كفاااايه هي كانت احسن حاجه فى حياتي بس انتي السبب خليتيني ابعد عنها وانا بحبها دايما تقوليلي متحبهاش زياده عن اللزوم دي مش ست بيت دي مش قد المسؤوليه لحد لما بقيت أعاملها أسوء معامله كفايه
ناهد نعمم انت نسيت طلقتها ليه عشان مبتخل
قاطعها سليم مره اخرى وقال بس بس انا ال مبخلفش العيب فيا انا مش فيها هي دلوقتي اتجوزت وحامل كمان إنما أنا حياتي وقفت من بعدها
ناهد بصدمه ده كدب انت بتقول كده عشان تبرر موقفها انت كداب
سليم بسخريه هي دي الحقيقه احنا ظلمناها وريني بقي مين العروسه ال ن
هتقبل بواحد عقيم زي
ناهد دموعها نزلت وقالت يادي المصيبه
سليم بسخريه هي فعلا مصيبه
حبيبه كانت واقفه ساكته وشيفاهم بيتكلموا
سليم دخل أوضته ورزع الباب بانهيار
أستغفرووا
يزن بصدمه رنجه يامريم !!!!!
مريم ببراءه نفسى فيها
يزن وهو على وشك البكاء الساعه 3 الفجر
مريم بزعل انت زهقت مني
يزن ضحك لانه عارف ان هرموناتها بتشتغل بليل لاء طبعا ياحبيبتى عنيا احلى رنجه تيجى دلوقتي
مريم ابتسمت برضا
يزن صحيح كنتي بتكلمي مين
مريم حبيبه
يزن بس غريبه فعلا انك لسه على تواصل معاها
مريم بابتسامه حبيبه دي حاجه مختلفه عنهم كلهم دي انسانه طيبه اوي وحقيقي مقدرش أخسرها ده فرحت ليا اوى
لما أتجوزت وكمان لما عرفت أن حامل بس هو انت متضايق من أن بتكلم معاها لسه
يزن بابتسامه لاء طبعا ده سؤال عادي بس إنما أنا هتضايق ليه يلا بقا انا هنزل اجيبلك ال انتي عايزاه
مريم باستغراب هتجيب ايه
يزن الرنجه
مريم بقرف لاء مش عايزه انا الحاجات دي أنا هنام
يزن بصدمه هو الحمل عملك زهايمر
مريم ببراءه ليه
يزن لاء ولا حاجه نامي ياحبيبتى نوم الهنا
مريم غطت وشها ونامت وهو ضحك عليها بشده وعلى تقلباتها المزاجيه
أذكروا الله
ملك بعصبيه انت مش عايز تساعدني فى حاجه خالص كده
محمد انتي صوتك عالي ليه
ملك انت مش مهتم بأى حاجه فى حياتك غير أختك وبس احنا مش فى حياتك خالص
محمد بعصبيه ملك قولتلك قبل كده ملكيش دعوه بأختي وبعدين انتي عايزه ايه عايزاني اقاطعها
ملك بعند وليه لاء
محمد بغضب اكتر انتي شكلك اتجننتي رسمي فوقى كده ياملك واعرفى انتي بتقولى ايه أختي خط أحمر ولو فكرتي تقولى كده تاني هسيبك انتي
ملك بصدمه هتسيبني انا وبنتك عشان أختك
محمد بنتي هتكون معايا طبعا إنما انتي اقدر اعوضك اختي مقدرش اعوضها عيشي بما يرضي الله يامريم ومشى امورك عشان متشوفيش مني وش مش هيعجبك
قال اخر كلامه ودخل الأوضه ورزعها
ملك بغيظ كده يامحمد بقا تعمل معايا كده عشان ست مربم ماااااشى
أستغفرووا
سليم خرج من الأوضه وكان لابس
حبيبه بقلق سليم انت كويس
سليم مسك ايد حبيبه وقال برجاء حبيبه أرجوكي انا عايز اشوف مريم بأي طريقه
حبيبه بصدمه نعممم ال بتطلبه ده
سليم اه حاولى هي ليها كلام معاكي علشان خاطرى خليها تديني فرصه واحده
حبيبه بعصبيه ايه ال بتقوله ده دي ست متجوزه
سليم بغضب لو مخليتهاش تقابلني صدقيني انا هدمر حياتها ووقتها محدش هيعرف يوقفني
حبيبه بصتله بصدمه شديده
يتبع
ياترى ايه ال هيحصل وسليم ناوى على ايه توقعاتكم ياحبايبي
القدر
بقلمى هاجر_العفيفى
دمتم بخيرشكرا على التفاعل يابنات البارت السادس
حبيبه بصدمه مينفعش ال انت بتعمله ده بقولك دي متجوزه
سليم عايز اعتزرلها ياحبيبه ساعديني علشان خاطرى
حبيبه بقلة حيله هحاول بس اوعي تأذيها ياسليم
سليم متقلقيش
حبيبه كانت متوتره جدا وبتفكر هتقول لمريم ازاى
طلعت تلفونها وكلمت مريم
مريم ايه ياحبيبه عامله ايه
حبيبه بتوتر مريم كنت عايزاكي فى حاجه مهمه
مريم قولى
حبيبه سليم عايز يشوفك
مريم بصدمه ايه !!! لاء طبعا انتي بتهزرى
حبيبه هو عرف أن ظلمك وعرف كل حاجه وعايز يشوفك ضرورى
مريم بغضب مش هينفع ياحبيبه طبعا انا دلوقتي ست متجوزه ويزن لو عرف كده هيعملى مشكله وانا مش عايزه مشاكل معاه وبعدين اصلا غلط ال بتقوليه
سليم سمع كلامها ضغط على أيده بغضب
حبيبه بس
قاطعتها مريم بحزم وقالت حبيبه بعد اذنك بلاش تقولى الكلام ده تاني علشان خاطرى متزعلنيش منك
قالت كلامها وقفلت التلفون
حبيبه بصتله بقلة حيله وقالت عندها حق
سليم خرج من البيت ورزع الباب بغضب
ناهد خطيبك بيرن عليكي مبترديش ليه
حبيبه بنفخ قوليله أن خلاص هبعتله حاجته مش عايزاه ولا عايزه حاجته
ناهد بغضب عايزه تقهيرني عليكي زي أخوكي
حبيبه نصيبي لسه مجاش بلاش تظلميني انا كمان
أستغفرووا
مريم قفلت التلفون مع حبيبه ويزن دخل من الباب
يزن شكلك متعصبه
مريم بتوتر لاء مفيش انا بس تعبانه شويه
يزن بقلق مالك فيكي حاجه اوديكي للدكتور
مريم بابتسامه لاء مش للدرجه دي
يزن حبيبتى لو فيكي قوليلي متتكسفيش انا مستعد اعملك اي حاجه انتي عايزاها
مريم بصتله وقالت تعرف يايزن انا بجد عمرى مالقيت اي اهتمام من اي حد غير محمد وبابا وماما الله يرحمهم وانت دلوقتي حقيقي انا مبسوطه اوي معاك ربنا يديمك ليا يارب
صلوا على شفيعكم
سليم عرفت هتعمل ايه
الشخص اه عرفت تمام ياباشا
سليم بتحذير مش عايز غلطه لأن الغلطه بحياتك
الشخص متقلقش والله كله هيبقا تمام
أذكروا الله
ملك بغضب بقولك ياماما مش طيقاها عامله زي العقبه فى حياتي محمد بيهتم بيها اكتر مني ولو خلفت هيهتم بابنها اكتر من بنتنا
امها وانتي مش عارفه تكرهيه فيها
ملك أكرهه ده انا فى مره بخيره بيني وبينها كان هيطلقني
امها خلاص اخلصي من ال فى بطنها واقهريها عليه
ملك بصدمه اخلص من ال فى بطنها ازاى
امها تسقطيها
ملك وانا هسقطها ازاى
امها اعزميها عندك واعملى الواجب اديها دوا بطئ المفعول
ملك بس
قاطعتها امها مفيش بس نفذى ال بقولك عليه وانتي هتكسبي
أستغفرووا
مريم الو يايزن انا راحه متابعه للدكتوره بتاعتى
يزن ماشى ياحبيبتى خلى بالك من نفسك وأنا لما
مريم ماشى ياحبيبي
جهزت نفسها ولبست النقاب وخرجت
مريم لبست النقاب لما اتجوزت يزن
نزلت توقف تاكسى وفضلت واقفه شويه قررت تطلب أوبر
لسه بتطلع التلفون لقت
