رواية العزف على نياط القلوب الفصل الثامن عشر 18 بقلم اماني سيد
يخلص كله يوم الفرح ومش بس كده دخلت فضلت اغسل فى مواعين اد كده وبعدها كنت هموت من التعب
روحنا البيت طبعا حماتى جابت العيب عليه وأنى ضعيفه ولو انا مش بتاعت جواز كنت بتجوز ليه
دخلت المطبخ عملت اكل وتنضيف وترويق فضلت كده اسبوع لحد ما بقيت كويسه
وبعدها كنت بتعامل بخاف حتى اعلى صوتى او استنجد بحد امه تدخل تقولى الكلام اللى بتسمعهولى ده انتى متخيله
كانت مريم تتذكر ما يحدث وتبكى بإنهيار
قامت غاليه وصنعت لها كوبا من اللمون
خلاص ماتكمليش
لأ عايزه افضفض يمكن ارتاح
من تانى اسبوع اخواته بقوا يتجمعوا بعيالهم كل اسبوع يومين وتلاته فى البيت
عارفه كنت خدامه ليهم ولاولادهم لدرجه انى كنت بغير الحفاضات البامبرز لاولادهم
غير الاكل والترويق وغير بنت خالته اللى بتيجى تسهر مع اخواته باليومين
لدرجه انه كان بيخلينى ابات فى الصاله وهى تدخل تنام فى اوضه نومى بحجه انها ضيفه إنما انا مباحه لجواز اخواته يدخلوا الصبح وانا نايمه عادى
عارفه
كنت ٧٥ كيلو قبل الجواز بعد ٦ شهور جواز بقيت ٥٥
حملت مره والبيبى نزل منى من كتر الخدمه
طيب ليه استحملنى كده وازاى اتطلقتى
فى يوم جت اخته الكبيره وقتها كنت حامل فى شهرين وجابت معاها ٣ سجاجيد وقالتلى اغسليهم
طبعا رفضت وقولتلها انا حامل
اتصلت بجوزى جه زى المجنون وضربنى
سابونى مرميه فى الارض والجيران اتصلوا بأهلى جم ودونى المستشفى وانا بين الحياه والموت
بابا بعدها حلف انى لازم اطلق منه وطبعا عشان ماليش قايمه طلقنى فى نفس اليوم وانا فى المستشفى عشان مايدفعش حاجه لعلاجى وبعد طلاقنا بشهر اتجوز بنت خالته
محاولش يكلمك او يرجعلك تانى
لا
عندك حق ربنا يعينك يارب
وبعد ده كله اللى كنت خايفه منه حصل بقيت فى نظر الناس مطلقه قبل سنه من جوازى والكل بيبصلى بطريقه وحشه
انا مش مسامحه حد اذانى او اتكلم عنى وهو مايعرفش حاجه
ولا تسامحى يا مريم حقك عند ربنا وانا واثقه هيجيلك فى الدنيا والآخرة
امين يارب نفسى نفسى اشوف حقى وهو بيجيلى يارب
فى الجهه الاخرى فى منزل عم غاليه اتت ابنته زياره لتجلس معهم شهر فهى متزوجه من أحد اقاربها وتسافر مع زوجها فى احدى البلاد العربي
كانت تجلس ايناس مع ابيها وتتحدث معه عن احوالها واحوال زوجها وانه اخيرا وافق على نزولها مصر رغم رفضه السابق لذلك الموضوع
وظل عمها يقص بها ما فعلته مع غاليه وكيف تغيرت
بس يا بابا ازاى
تخيلى لما كلمته قالى دى حاجة بينى وبين مراتى وانا مبسوط كده وماشغلش بالى بيهم
على فكره الموضوع ده فيه إنه وممكن يكون طلقها فاكر طول عمرى بقولك غاليه دى مش سهله وسهتانه وكانت بتشاغل الشباب اللى قدام المدرسه واللى اكبر منها مكنتش بتصدقنى
منا صدقتك لما شوفت الجواب وبقيت امنعها تروح المدرسة غير على الامتحانات
شوف ابنك نفسه بيدافع عنها ازاى
انا حاسس إن فى حاجة غلط فى الموضوع ده
طيب بقولك ايه رأيك انى اروح اقعد معاها كام يوم واجبلك قرار الموضوع ده
تصدقى فكره بكره روحى زوريها واقعدى معاها اسبوع هاتيلى قرارها
حاضر
عند رياض كان يذهب عند منزل غاليه ورأى تلك اليافطه المكتوب عليها عاليه وعندما سأل الجيران عرف ما تفعله
ياترى ايناس ورياض هيعملوا ايه فى غاليه
وهل
وهل
حكايه مريم خلصت
