رواية العزف على نياط القلوب الفصل الثامن عشر 18 بقلم اماني سيد
المحتويات
مر اسبوعين وكان الجميع يعمل على قدم وساق
اهتم عيسى بتقسيم الشقه نصفين نصف لغاليه حتى يكون لها خصوصية فى منزلها وقت وجود زبائن ولابنائها حتى يستطيعوا أن يتحركوا بحريه ويحافظوا على خصوصيتهم وقام بفتح باب ليتمكنوا بسهوله من التنقل بين الشقه والمصنع الصغير وقام بفتح البلكونات وضمها للشقه حتى يعطى مساحه اكثر وسعا للشقه وقام بعمل بروفا صغيره حتى يستطيع الزبائن التأكد من المقاس قبل الاستلام
خلال ذلك الوقت ذهبت وخلال ذلك الوقت قامت غاليه ومريم بتفصيل بعض الفساتين والموديلات المختلفة وقامت ليلى بتصويرها بطريقة احترافيه ووضعها على مواقع السوشيال ميديا
وتم عمل دعوه لجميع اصدقائهم ومعارفهم
وتفاعل معهم عدد كبير من الأقارب
كانت مريم تفصل للأطفال وكانن غاليه تفصل للبالغين
واذداد التقارب بين غاليه وليلى
فى يوم أثناء استراحتهم وتناول وجبه الغداء قررت مريم أن تسأل غاليه عن علاقتها بهم
بدأت مريم سؤالها بحرج لغاليه
غاليه ينفع اسالك سؤال بس ماتفهميش غلط
أنا عارفة إنتى عايزه تسألينى ايه بس أنا هجاوبك عيسى مش ابو اولادى أبوهم واحد تانى حصلت بينا مشاكل كتيره واطلقنا وعمى أصر على إنه يجوزنى عيسى لكن انا وهو مش شايفين بعض غير اخوات وقبل جوازه من ليلى اتطلقنا وهو كان خاطبها قبلى عشان ماتفتكريش انها اخدت واحد من مراته
والى الآن وقت ما بحتاجه بلاقيه حتى لو زعلانين من بعض ومش بيكلمنى لكن وجوده أمان
ربنا يخليكم لبعض يارب طيب طليقك ده مافيش أمل ترجعيله
لو كويس مكنتش اطلقت منه أصلا الحمد لله انى خلصت منه وقدرت افوق لنفسى
عارفه يا مريم قاعدتى معاكى وكلامى ده وكل اللى بيحصلى ده لو حد من ٣ شهور بس قالى إن كل ده هيحصل كنت هقول ده كداب
ظلت غاليه تقص على مريم قصتها بداية من دخولها منزل عمها
عايزه تعرفى رأيى من غير زعل
قولى مش هزعل
إنتى اللى غلطانه ربنا اداكى فرصه إنك تتجوزى وتبعدى عن عمك ليه محاولتيش تغيرى من نفسك انتى لو من أول يوم كنتى اخدتى موقف من طليقك مكنش عمل معاكى كده
سلبيتك الذياده معاه هى اللى وصلتكم لكده وده مايمنعش إنه استغلالى واستغل الموقف وساق فيها ياريتك كنتى فوقتى من زمان كان ممكن الأوضاع ماتوصلش لكده
طيب وانتى بقى انفصلتى ليه
عارفه يا غاليه طليقك بكل مساوقه ولا حاجه جمب طليقى
لا حول ولا قوه
Flash back
اهلى ناس غلابه اوى واختى زيى كده معندناش خبره فى الحياة وقت ما خالد اتقدملى اهلى رحبوا بيه وخاصه لما قال إنه مش هيكتب قايمه وهيجيب كل حاجه وقتها قولنا ده ابن ناس
لكن بعد فتره قال اخواتى البنات كل واحدة فى شقتها وانا عايز اتجوز مع امى عشان اخد بالى منها واللى مالوش خير فى امه مالوش خير فى حد
طبعا الكلام ده خلى اهلى يطمنوا ليه اكتر واكتر وامى جابت جهاز بسيط المطبخ والكوبايات والحلل والحاجات دى
واتجوزنا يوم الفرح بليل اخواتوا المفروض يمشوا ويسيبونا لوحدنا كعريس وعروسه وكده
لا دول قاعدوا وكملوا سهرتهم وبعدها حد من اجواز اخواته اداله برشامه معرفش مصدرها ولا بتاعت ايه
قالى نضفى الشقه مكان اخواتى وتكون امى نامت وتعالى
تخيلى يوم فرحى
متابعة القراءة
