رواية العزف على نياط القلوب الفصل الرابع عشر 14 بقلم اماني سيد
اعتبريهم هديه منى
والله أبدا اللى انا هطلبه هحاسب عليه
بس انا مش بعرف احسب
إزاى الكلام ده
مجربتش افصل لحد قبل كده
الموضوع بسيط جدا على فكره
انتى اشترى القماش وشوفى هيتكلف كام متر واحسبيه السوست والاكسسوارات اللى اشترتيها اكتبيها على تمن القماش اى حاجه هيحتاجها الفستان من مواد خام اكتبر سعرها وشوفى هتتكلف كام وبعدها ضيفى السعر اللى انتى شايفاه مناسب ليكى
طيب اسعار التفصيل بتكون كام مافتكرش انها مجزيه
مين قالك كده انتى عارفه انا لو عندى نص موهبتك دى كان زمانى اشتغلت ف التفصيل من زمان
تعرفى انا نفسى فى كده بس للاسف ماعنديش الخبره اللى اعرف بيها احسب التكاليف إزاى ولا مكسبى ازاى
دى سهله ايه رأيك انا أسأل حد بيفصل التكلفه هتبقى كام واعرفك وقتها الرنج بيكون كام
بجد ينفع تعملى كده عشانى
اه طبعا دى حاجة بسيطه وسهله كمان وممكن نعمل انا وانتى مشروع
انتى بتتكلمى بجد يا ليلى
أه طبعا لو انتى موافقه انا اشاركك اجيب الخامات وامسك الحسابات وانتى تبقى مسئوله عن التفصيل
وعيسى هيوافق انك تشتغلى
وليه لأ هو انا هعمل حاجه غلط وحتى لو اعترض انا هحاول اقنعه طالما انا حابه الموضوع ده
خلاص اتفقنا والمكان موجود انا ممكن اعمل الاوضه دى مصنع صغير نبدأ فيه ومش بس كده انا بقدر افصل أى موديل كمان ويبقى زى الجاهز بالظبطت
حلو اوى اوى وانا عندى صحاب وزمايل وقرايب ممكن نبدأ بيهم
خلاص اتفقنا
تعالى بقى نقعد واوريكى الموديلات اللى انا عايزاهت وسعرهم كام انا كنت هطلبهم اونلاين
عادت غاليه وجلست مره اخرى برفقه ليلى واخذت منها صور تلك الموديلات وفوجئت من اسعارها هينول بارت كمان تلات ساعات على صفحتى قصص وروايات أمانى سيد
فأسعار الخامات اقل من ذلك بكثير
ظلت تبحث غاليه وليلى عن اسعار الفساتين واخذهم الفضول معرفه
وضعت ليلى صورت الفستان على جوجل وأتى لها أكثر من فستان بنفس الشكل بأسعار متفاوته
تبدأ من ٤٠٠٠ جنيه الى ٩٠٠٠ الاف جنيه
صدمت غاليه من تلك الأسعار وظلت تضحك
انتى عارفه واقف تفصيله عليه بكام
بكام ٣٧٥ جنيه
بجد
اه والله انا مش مصدقه الاسعار دى
شعرت غاليه بفخر وثقه داخلها فهى كانت تفتقر لذلك التحفيذ الذى اعطته لها ليلى بشكل عفوى فهى لن تنسى تلك النظرات
وبالفعل قامت غاليه بعد ذلك بأخذ مقاسات غاليه وقررت أن تفصل لها فستان على ذوقها وتعطيه لها هديه لزواجها فهى لا تعرف ماذا أن تهادى فى مناسبات كتلك ولكن من المفترض أن تعطى هديه للعروس
قضت ليلى اليوم بأكمله برفقه غاليه وابنائها واتفقت انها ستمر عليها غدا صباحا حتى يكون الاولاد فى حضانتهم و تأخذها لشراء الاقمشه المطلوبه لتفصيل تلك الموديلات
وبالفعل ذهبت غاليه فى اليوم التالى برفقه
واشترت غاليه بعض الاقمشه التى وجدت عليها عروض كبيره نظرا لانها اقمشه صغيره الحجم ولكن غاليه كان لها وجهت نظر مختلفه
واشترت أيضا اقمشه اتصنع ذلك الفستان الذى ستعطيه هديه ليلى
بعد انتهائهم من شراء جميع احتياجاتهم قامت غاليه للذهاب للحضانه واخذت الاولاد وعادت للمنزل وقامت بتحضير الطعام وبعدها ذهبت للغرفه الخاصه بها
ولكن تلك المره كان الشغف مسيطر عليها
فى منزل رياض كان كل تفكيره منصب على غاليه وأنها الآن اصبحت حره ويستطيع التقرب منها دون الشعور بتأنيب الضمير
وستكون اول محاوله له يوم فرح عيسى
قام بعد ذلك بالاتصال بعيسى واخبره عيسى بموافقخ غاليه فى أن تعطيه الاولاد ليقضوا معه بعض الوقت
ازداد الشعور الداخلى لدى رياض بالأمل من عوده غاليه له
مر يومين وذهبت غاليه ليلى حتى تفرش معها منزلها
