رواية العزف على نياط القلوب كاملة (حتي الفصل الاخير) بقلم اماني سيد
اربعه
مهو عنده حق والشرع معاه فعلا انتى عايزه تحللى الحرام وتحرمى الحلال
ظلت غاليه مصدومه من حديث عمها
إذا خذلها عمها وسندها فمن سينصفها
عاد رياض للمنزل مره اخرى وجد غاليه مازالت تبكى
اقترب منها وجلس بجانبها
غاليه انا مابحبش النكد قومى اعمللنا حاجه ناكلها العيال جعانه وانا كمان قومى كده وارجعى غاليه القديمه
لا يا رياض مش هيحصل يا تطلقها وماتتجوزش تانى يا تطلقنى
غاليه انا صبرى ليه حدود
وانا اسفه انا مصره على قرارى
قام رياض بجذبها من شعرها وجرها الى المطبخ بقوه
لما اقول كلمه تتسمع انا محدش يجادلنى يا غاليه انتى فاهمه وغصب عنك هترضى بالأمر الواقع ولو ما اتعدلتيش المره الجايه هجبلك ضرتك هنا انتى فاهمه
ظلت غاليه فى المطبخ تطهو الطعام وتشعر بقهر لمن تلجأ ومن سيساعدها
هل لو ذهبت لعمها واستنجدت به سيساعدها
قررت ان تكر اليوم وغدا ستذهب لعمها
مر اليوم وتجاهلت غاليه رياض وترك لها رياض بعض الحريه حتى تراجع نفسها وتعتذر منه
فى اليوم التالى ذهبت غاليه لعمها الذى صدم من وجودها وقام بتوبيخها واتصل على زوجها
تدخل عيسى فى الحوار
رياض تعالى مراتك هنا خدها
وايه جابها عندكم
جايه تشتكى انك متجوز عليها
انا جاى حالا
يا بابا مايصحش اللى انت بتعمله ده الراجل يقول عليها ايه مالهاش اهل
مالكش دعوه يا عيسى خليها تتعلم تتحمل مسؤولية
يا بابا تتعلم بعدين طالما لجأتلنا يبقى نقف معاها
ثم نظر لغاليه
اهدى يا غاليه انا معاكى ولما يجيى انا هتكلم معاه
وانت مالك ومالها هى ليها راجل هما حرين مع بعض
يا بابا مالنا ازاى دى بنت عمى الله يرحمه
وانا قولتلك ماتدخلش
حاول عيسى التدخل وتهدئه غاليه ووعدها بالتحدث لزوجها
أتى رياض مسرعا لمنزل عمها ودخل وقام بسحبها للخارج حاول عيسى جزبها منه لكن رياض عندما نظر ليد عيسى الممسكه بغاليه ازدادت عصبيته وقام بضرب عيسى ورد له عيسى الضرب
وجذبها عنوه للخارج وقام عمها بسحب عيسى عنوه حتى لا يتدخل
ياترى غاليه هترضخ ولا هتاخد موقفالثامن بدون لينك لو البارت عدى ال ٢٠٠٠ بكره هنزل البارت بدون لينك
ظل رياض ممسكا بيد غاليه بقوه وساحبها خلفه والاولاد يجرون خلفهم
حاولت غاليه التملص منه لكنها لم تستطع كانت يده ممسكه كفها بعنف
وصلوا المنزل قام رياض بدفعها بعنف ولطمها بقوه على خدها وبدأ يتحدث بعنف وهو ينهج
بقى عايزه تمشى وتسبينى لواحدى انتى فاكره نفسك هتهربى منى تبقى هبله انا بقى هعرفك تهربى إزاى
قام بعد ذلك بسحب الاولاد لغرفتهم وحبسهم وعاد لغاليه التى حاولت الهرب
كانت تنظر لرياض بزعر من طريقته معها
لأول مرة تراه يتعامل معها بتلك الطريقه حاولت الهرب منه لكنه لم يعطيها فرصه
شعر بزعر تجاهها واخذها وذهب للمستشفى وترك الاولاد فى غرفته واغلق عليهم الباب جيدا واتصل على والدته وطلب منها أن تذهب وتجلس مع أبناءه الى ان يأتى
ذهب رياض المشفى وقام الأطباء بإسعافها وعندما فاقت غاليه وطلب عمل محضر بحالتها وطلبت من الأطباء عدم إخبار زوجها
اشفق الأطباء على حالتها ورضخوا لطلبها وقاموا بعمل تقرير تبقى وتم ختمه من المشفى وكتبوا عليه تاريخ الزياره
بعد فتره تحسنت صحت غاليه وعادت للمنزل مع رياض
حاول رياض التحدث معها لكنها لم تهتم
شعر من داخله بفداحه ما فعله معها ولكنه لم يظهر ندمه حتى تخشاه ولا تكرر فعلتها مره اخرى
عندما رأتها والدته شعرت بزعر واقتربت منها وحاولت التحدث معها
لكن غاليه حدثتهم بجفاء ودخلت لغرفتها وتركتهم خلفها
نظرت والدته اه بلوم
ايه اللى انت عملته فى البنت ده وحصل ايه عشان الامر يوصل بيكم لكده
دى حاجة بينى وبينها ولو سمحت مش حابب حد يدخل بينى وبينها
ازاى يعنى انت مشلفطها خالص دى لو عملت فيك محضر تسجنك
مش هتعمل حاجه
يابنى اتقى الله
ماما لو سمحت انا كنت عايزك تقعدى مع الاولاد ومشكوره على مجيتك انما اللى بينى انا ومراتى خاص بينا مش مسموح لحد يتدخل فيه
تركته والدته ودخلت غرفة غاليه وجدتها ممدده على السرير
عامله ايه يا حبيبتي
لم تحيبها غاليه بل اماءت برأسها فقط
انا اتكلمت مع رياض ومش عايز يحكيلى حاجه ممكن تحكيلى انتى
انا عايزه اطلق
طيب ممكن تحكيلى وانا هتصرف معاه انا وباباه
طيب اهدى اهدى وانا هكلم باباه
خرجت والدته واتصلت على والده واتى اليه وقصت له ما حدث
شعر ولده بغضب من ابنه وحاول أن يكسر عناده لكن رياض لم يتأثر
ايه الكلام اللى بسمعه ده يا رياض
يا بابا لو سمحت انا قولتلها لماما وبقولهالك محدش يتدخل بينى انا وهى
غاليه ملجأتش لحد فيكم
لا حكتلى كل حاجه
انا هعرف اتصرف معاها واراضيها لو سمحت ماتدخلوش بينا
كانت غاليه تسمع حديثهم وقررت أن تثبت على موقفها وتنفصل عنه
قامت غاليه بالاتصال بعيسى واستنجدت به وقامت بتصوير ورق المشفى حتى يذهب لمحامى ويساعدها بالطلاق
قام عيسى بالاتصال بها تلفونيا
اهدى يا غاليه اهدى واثبتى ولو قرب منك تانى اتصلى بيا وأنا هجيلك فورا وصوتى سمعى الجيران واستنجدى بيهم عشان يكون معاكى شهود وماتخافيش انا مش هسيبك
وماتقوليش لبابا حاجه عشان لو عرف هيحظره
حاضر يا عيسى بس بالله عليك بسرعه انا خايفه اخرج من الاوضه
دخلت اطمنت على الاولاد انهم نايمين وكلمتك
ماتقلقيش اطمنى
اغلقت غاليه مع هيسى وقامت بحذف رقمه وحذف الرسائل من هاتفها حتى لا يراها رياض
فى الخارج مازال الشجار مستمر بين اهل رياض وبينه
تحدثت والدته محاوله اقناعه
طيب هاتها هى والاولاد عندى يومين
ومراتك واللى عملته فيها
انا عارف هصالحها ازاى اطمنوا
دخلت والدته مره اخرى غرفه غاليه وحاولت أن تتحدث معها لكن غاليه كانت على يقين انهم لم يستطيعوا مساعدتها
ابتسمت فى وجهه والدته وطمئنها ولم
خرجت والده رياض من غرفة غاليه قم اخذت زوجها وذهبوا لمنزلهم دخل بعدها رياض الغرفه وجلس أمام غاليه
عجبك اللى وصلناله ده يا غاليه كل اللى حصل ده بسببك شوفتى وصلتينى انى اعمل فيكى ايه خرجتى من جوايا واحد تانى مكنتش اخب إنك تشوفيه
ظلت غاليه صامته تسمع حديثه بوجه خالى لم تجيب عليه
غاليه ردى عليه عيب كده ابقى بكلمك وانتى مابترديش
انا عايزه انام
طيب نامى وارتاحى وماتعمليش حاجه في الشقه انا هجيب واحده بكره تنضفها وتروقها
اماءت له غاليه برأسها ولم تجيب
تركها رياض ترتاح وذهب للشرفه وظل يشرب سجائره ويفكر ماذا يفعل
هل يتنازل ويخبرها إنه لم يتزوج عليها مره اخرى وانه طلق تلك السكرتيرة ام يصمت إلى أن يمر الموضوع بسلام ووقتها سيحقق هدفه
قرر أن يأخذ ذلك القرار بعد أن يرى رد فعل غاليه
مرت الأيام ولم تظهر له غاليه أى رد فعل فقط كانت تخطط مع عيسى للطلاق منه
لم يشعر عيسى بشئ غريب ولم يشك في شئ فقط كان يرى تجاهل غاليه له
شعر رياض بأن ما كان يسعى اليه تحقق وان غاليه رضخت له ولطلباته كالعاده
فقط كانت غاليه تتابع مع عيسى الذى يتابع مع المحامى
مر شهران اخران وكانت غاليه تستلم بهم جوابات المحكمه إلى أن تحدد يوم القضيه وكانت ترسل تلك الرسائل والدلائل على
فى يوم القضيه صباحا قامت غاليه باكرا وجهزت حقيبتها وحقيبه ابنائها ووضعت بهم الاشياء المهمه وذهبت لتقابل عيسى امام المحكمه وبعدها قامت بالاتصال على رياض لتبلغه بموعد القضيه حتى يأتى ولا تتأجل القضيه
كانت تقف امام المحكمه برفقه عيسى
مش عارفه يا عيسى اشكرك ازاى وفى نفس الوقت انا خايفه
ماتقلقيش انا جمبك
تفتكر عمى هيعمل ايه
هيزعل شويه وبعدين يهدى
ورياض
هتكونى طليقته ومالوش سلطه عليكى اتصلى بيه دلوقنى بلغيه عشان يجيى
اتصلت غاليه على رياض ورد عليها رياض بخضه أن يكون حدث لها شئ وهى توصل ابنائها للحضانه
الو يا غاليه حصل حاجه
انا عند المحكمه ورافعه عليك قضيه طلاق تعالى عشان تحضرها
خضتينى حد يخض حد كده بطلى هزار وتعالى
انا مبهزرش انا دلوقتي فى المحكمه ورافعه عليك قضيه من فتره طويله
شعر رياض بمن جلده على وجهه بأقصى قوه وذهب مسرعا وارتدى ملابسه وذهب للمحكمه ليتأكد وذهب لغرفه الاولاد وجدها قد اخذت اشيائها بالفعل
وصل للمحكمه ووجدها واقفه مع عيسى
حاول الاقتراب منها وضعها عيسى خلف ظهره
مسكت جيدا غاليه بيد الاولاد كانت تستمد منهم القوه
تحدث رياض بغضب
بقى جايه تتحامى فى ده منى ماشى يا غاليه افتكريها لانها مش هتعدى ومش انا اللى يترفع عليا قضيه طلاق
خلاص طلقها واحفظ ماء وجهك
وانت مالك بتدخل ليه انا هيبقى ليه كلام تانى مع ابوك بس لما اشوفه
اتى دورهم ودخلوا جميعا لغرفه المحكمه وقام القاضى بتأجيل القضيه
خرج رياض وتجاهلهم وذهب لمكتبه ليفكر فى حل لتلك القضيه وذهبت غاليه لمنزل عمها
لم يقبل عمها بوجودها لكن تحت ضغط عيسى رضخ أن تبقى يومين وبعدها سيعيدها للمنزل
اتصل رياض على عيسى وطلب أن يقابله وذهب عيسى لمقابلته
انت بتعمل كده ليه
عشان انت ماتستهلهاش
لولا انى سالت عنك وعارف انك بتحب ليلى وعايز تتجوزها كنت افتكرت إن فى حاجة بينكم
كويس إنك عارف إن غاليه محترمه ومستحيل تعمل حاجه غلط وياريت تطلقها بهدوء بدل الشوشره وكده كده هى هتكسب القضيه لان معاها كل الدلائل اللى تخليها تطلق مرتاحه
وانا جايبك عشان كده غاليه مابقتش تلزمنى ومش عايزها ومش هتاخد منى جنيه ابقوا ارفعوا قواضى بقى عشان تاخدوا منى جنيه
مش بعيد عنك انك تبقى ندل طلقها ومكلش دعوه
وبالفعل تم الطلاق بين غاليه ورياض
يتبع
امانى سيد
العزف على نياط القلوبالبارت التاسع الجزء الاول نص ساعه وهنزل الباقى لان الفيس بيمسحه كامل
اتى عيسى بورقه الطلاق واعطاها لها ولكن الامر لم يعجب والده فقرر والده ان يعطيه درسا على عصيانه له
برضو عملت اللى فى دماغك يا عيسى انت وزهره
ده الصح لازم يعرف قيمتها
يعنى انت بتوقف قدامى وتتحدانى بسببها وكمان اتعلمت تكدب عليا لا برافو برافو يا عيسى
يا بابا غاليه يتيمه وغلبانه و ابوها سيبهالك امانه من صغرها ومتربيه معانا يعني بعتبرها زى اختى طبيعى لو لجأتلنا نساعدها
تقوم تخرب عليها
يعنى نسبها وحدها
سبها تتعلم وتعتمد على نفسها هى لا أول ولا اخر واحده جوزها يتجوز عليها
بس هى ضعيفه
خليها تنشف والايام تعلمها
يا بابا انت حابسها من وهى صغير خلتها مش عارفه تتعامل مع حد بديهيات الحياه مش عندها فازاى هتتعامل مع واحد زى رياض لافف الدنيا شرقها وغربها من البداية أصلا مكنوش ينفعوا لبعض وغير كده هى ممكن ترجع معاشها تانى وتعيش منه
ابوها لما مات مكنش حيلته حاجه كان حتت موظف مرتبه بيعيشه بالعافيه معاش ايه اللى يكفيها هى وولادها ايه مش عايش في الدنيا
رياض راجل متريش اى نعم عينه زايغه بس هيعيشها حلو
غاليه لازم تتعلم إزاى تحافظ على بيتها وجوزها
طيب لما انت عارف كده ليه مخلتهاش تطلع وتتعرف على ناس وكنت قافل عليها اكتر من اى حد حتى اختى كنت مديها حريتها
غاليه كانت امانه وكنت بحافظ عليها كنت فاكر لما تتجوز هتبقى طوع جوزها وتعرف تعشش لكن كنت غلطان وانت روحت من روايا وساعدتها وطلقتها وخربت بيتها بس صدقنى يا عيسى اللى حصل ده مش هيعدى
لم يكترث عيسى بكلام والده ظن انه يهدد وبعد فتره سيتقبل الامر
قبل ذهاب عيسى للجيش تحدث مع غاليه واعطاها بعض المال لها ولاولادها
لم يعجب ذلك الامر عمها وقرر أن يعطى ابنه درس وقرر أن يزوجها له عنوه
وبالفعل سعى لزواج عيسى من غاليه واخذ اولادها رهينه حتى توافق على الزواج منه ونبه عليها بعد قول شئ لعيسى
مرت ٦ اشهر وعاد عيسى من الجيش واخبره والده بأمر زواجه وجعل غاليه تبدى موافقتها التامه للزواج وبالفعل نفذت غاليه حديث عمها
خلال
مر شهرين وبدأ الندم والشوق يتسلل اليه لكن ما كان يطمئنه انه يعلم أن عمها ليس لديه نيه فى زواجها مره اخرى وإذا اراد أن يزوجها حتما سيبلغه قبلها
حاول أهل رياض التدخل لكن رفض عمها الصلح ولم يخبرهم بقراره من زواج عيسى بغاليه
فقط سيترك الأمر مفاجأة للجميع وفى نفس الوقت يخشى من رد فعل ابنه
بعد مرور أربعة أشهر ذهب رياض لمنزل عم غاليه وتحدث معه حول رجوعه لها لكن عمها لم يعطيه كلمه
ازى حضرتك يا عمى عامل ايه
الحمد لله خير يا رياض
أنا بصراحة كده عايز اشوف ولادى وارجع غاليه لعصمتى مره تانيه
للاسف القرار مش قرارى انت لما جيت تطلقها مارجعتليش مرجعتش للراجل اللى انت حطيت ايدك فى ايده واتصرفت انت وعيسى من دماغكم عشان كده استنى لما عيسى يرجع من الجيش وكلمه هو فاضله شهرين ويخلص
طيب مانتكلم مره تانيه والمره دى أنا موافق على الشروط
للاسف مش هحط ايدى فى ايدك تانى لانك محترمتش كلام الرجاله من الاول لما يجيى عيسى ابقى كلمه زى ماتفقتوا على الطلاق ابقوا شوفوا هتتفقوا عليه ايه
ثم انهى معه الحديث وتركه وذهب وعاد رياض لمنزله خالى الوفاق
انتهى عيسى من فتره التجنيد وعاد للمنزل ولم يعطيه ابيه فرصه وزوجه من غاليه حتى لا يعطى مجال للعوده بين غاليه ورياض ويعاقبهم على ما فعلوه
البارت التاسع الجزء الثاني
وكان يعاملها بتجاهل تام فهو لم يراها زوجه قط فقط يراها اخت
بعد زواجه بأسبوعين تواصل معه رياض مره اخرى ووافق عيسى على مقابلته وحدد موعد معه وبالفعل تم مقابله عيسى لرياض
خير يا رياض كلمتنى وقولتلى انك عايزنى خير
بصراحه يا عيسى انا عايز ارجع غاليه تانى لعصمتى
وانت لسه دلوقتي عموما ماعدش ينفع
ليه بس انا حاولت مع والدك وهو رفض وقالى كلامى يبقى معاك انت لان انت اللى اتدخلت فى موضوع الطلاق
ابتسم عيسى بقهر وتأكد أن غاليه وافقت على زواجها منه حتى تقطع أى محاوله للرجوع لرياض
روحت لبابا امته
من شهرين كده
عموما يا رياض غاليه بقت مراتى
انت بتقول ايه امته حصل الكلام ده
من اسبوعين وانت دلوقتي مالكش عندنا غير اولادك لما تحب تشوفهم ابقى كلمنى عن ازنك
تركه عيسى وسط صدمته ورحل
ظل رياض شارد فى الفراغ هل حقا ما سمعه وهل كان يعلم عمها بذلك
ظلت الظنون تدور فى رأسه
هل سعى عيسى ليطلقها حتى يتزوجها هو
هل كان عمها على علم بما حدث
قام رياض من مجلسه وذهب مسرعا لمنزل صلاح عم غاليه وقابله ودخل بشكل مباشر في الحديث دون مقدمات
انا جيتلك وطلبت منك انى ارجعها ليه سبت عيسى يتجوزها
ابن عمها وهو اولى بيها وده عقاب ليكم انتم التلاته عشان بعد كده تتصرفوا من دماغكم
يعنى ايه
يعنى انا اللى امرت عيسى يتجوز غاليه عقابا ايه عشان ساعدها تتطلق منك وعقابا ليك عشان طلقتها من غير ماترجعلى وعقابا ليها عشان عصت اوامرى
لم يستطع رياض فهم حديث صلاح
ما هذا التفكير كيف يفكر من الأساس
انا عايز اعرف انت بتفكر إزاى ليه من الاول ماخلتنيش اكلمها واقعد معاها لما جيتلك كان ممكن اقنعها نرجع بدل ماتجوزها غيرى وتعاقبنا كلنا
ليه عملت كده عشان غلط انا غلطه تعاقبنا كلنا مدى الحياه
كل واحد يتحمل نتيجه اخطاءه واتفضل اطلع بره وجودك غير مرغوب فيه ومش مسموح تتكلم عن غاليه مره تانيه لانها بقت فى عصمه راجل تانى
لم يستوعب عقل رياض ما يقوله صلاح هل حقا اصبحت محرمه عليه كيف
ظل رياض واقف يحاول استيعاب كلمه اصبحت محرمه عليه
غاليه ملكه هو أراد أن يخبرها انه سيفعل ما تريده ويعود مره اخرى للعيش معا ولكن كيف اصبح رجوعها مستحيلا بهذا الشكل
حاول التواصل مره اخرى مع عيسى لكن عيسى لم يجيبه
مرت الايام ببطئ مميت على رياض يتخيل كيف تعامل عيسى وكيف يعاملها هو
هل يدللها هل يعطيها الحريه التى حرمها هو منها هل تطيعه غاليه كما كانت تطيعنى
هل وهل وهل اصبحت الافكار والظنون تأتى على رأسه
حاول رياض تمالك نفسه لكنه لم يستطع اصبح يضحك بهستيريه ويبكى
الموت اهون عليه من ذلك الخبر
تزوجت حقا تزوجت
هل لا يحق لى التفكير بها
لا لا هتفضل ملكى وهرجعها تانى هستحمل انها كانت فى حضن غيرى هعتبر إن ده عقاب بس ترجعلى
يارب يارب انا مش قادر خلاص
ظل يضرب على قلبه حتى يزول ذلك الوجع الذى تملك منه
End flash back
فاقت غاليه من شرودها على صوت رنين الهاتف فمن الواضح انها لم تنام جيدا اللليله السابقه
ذهبت لغرفه الاولاد لتحضرهم لمقابله ابيهم
وفى الجهه الاخرى قام رياض بالاستعداد لرؤيه غاليه سيراها ويتحدث معها مهما كلفه الامر
١٧٥ ١٤ ١١ استغفر الله العظيم البارت العاشر
ارتدى رياض ملابس سبق وفصلتها له غاليه أراد أن يخبرها انها مازال يتزكرها ومحتفظ بهداياها
انتهى من تجهيز نفسه كأنه شاب مراهق ذاهب للقاء حبيبته للمره الاولى
بالنسبة لغاليه بدأت بتجهيز ابنائها وتحضيرهم وقررت أن تتعامل معه من خلال الرسائل فقط ولا تقابله او تراه
أتى رياض ووقف أمام المنزل وقام بالاتصال بغاليه على أمل أن يسمع صوتها
قامت غاليه برفض المكالمة وارسلت له رسالة مكونه من علامات استفهام
شعر رياض بإحباط من عدم ردها فهو كان يأمل فقط أن يسمع صوتها
ارسل لها رساله
انا تحت البيت ممكن تبصى من الشباك عشان أتأكد إن العنوان صح
نظرت غاليه من خلف الستاره وتاكده من وجوده وارسلت له رسالة
اه واقف صح استنى والولاد نازلين
للمره الثانيه شعر بإحباط كيف بعد كل ذلك لا يراها حتى لو من بعيد كيف له أن لا يسمع صوتها
يعلم جيدا أن ما يفعله ذنب كبير ولكن اشتياقه لها كأشتياق الحى للميت يشتاق له ويعلم أنه لا يراه سوا فى حلم او رؤيه
بعد دقائق قليلة فاق من شروده على صوت أبنائه وهم ينادون بإسمه
بابا بابا
وانتوا كمان انتوا عاملين ايه وماما عامله ايه
إحنا كويسين الحمد
وماما
كويسه هى كانت عايزه تأجل معاد الزيارة ليوم تانى يكون فيه انكل عيسى فاضى بس احنا رفضنا
وانكل عيسى مشغول بإيه بقى اكتر منكم
كان رياض يتحدث بمزاح وهو ياخذ اولاده للسياره
اقولك سر يا بابا
قول
اصله هيتجوز طنط ليلى
وانت عرفت ازاى
سمعته مره بيكلمها وبيتفق معاها على حاجات ومره تانيه سمعت ماما بتكلمها
صمت رياض يفكر في حديث اطفاله هل عيسى سيتزوج وهى على علم بزواجه
ابتسم بأمل أن ترفض زواج عيسى من اخرى وتتركه كما تركها
ولكن كيف تتحدث مع خطيبته
سيتحدث مع عيسى ويعلم منه ولكن كيف سيسأله وبأى حق
تحرك رياض بسيارته الى احدى المولات وقام بشراء ملابس جديده لابناءه والعاب كثيره واشترى هاتف لريان وتابلت لمالك وبعدها ذهبوا لتناول الطعام الذى اختاره الاطفال وبعدها ذهبوا ليتناولوا احدى الحلوى ومشاهده فيلم سينما انميشن
وعندما انتهوا من خروجهم اخذهم رياض ليروا والديه
فى الجهه الاخرى خلدت غاليه لنوم عميق لمده طويله ولم تستيقظ إلا على سماع صوت رنين الهاتف وكانت ليلى بمجرد نا رأت رقمها اجابتها فورا
ازيك يا ليلى عامله ايه
الحمد لله انتى عامله ايه يا غاليه
بخير الحمدلله
غاليه المفروض اننا بنحضر التحضيرات النهائية لفرحنا ولآخر مره بسالك انتى موافقه لو مش موافقه قولى وانا مش هقول انى كلمتك
صدقينى يا ليلى انا وعيسى مجرد اخوات وعمرى ما هشوفه غير أخ وهو كمان مش هيشوفنى غير اخت جوازنا غلط من البداية
طيب بقولك ايه انا عايزاكى تيجى الفرح انتى والاولاد تتبسطوا
صعب اوى
ليه بس صدقينى هزعل لو مجتيش
حاضر يا ليلى عشان خاطرك هحاول بس عيسى ممكن يرفض
ماتقلقيش سيبى عيسى عليه ممكن
حاضر
أغلقت غاليه الهاتف وظلت تفكر كيف ستحضر ذلك الزفاف وليس لديها أى ملابس بالنسبة للاولاد الوضع سهل ستأخذ من نفقتهم وبالنسبة لها من المستحيل أن تأخذ من تلك الفلوس يكفى انها من رياض
دخلت
ظلت غاليه تدور في المنزل دون هدف فمنزل غاليه من المنازل ذات التراز القديم فى منطقة شعبيه تحتوى على اربعه غرف ومطبخ كبير وصاله
دخلت لغرفه والدتها و ظلت تبعث فى أشياء والدتها
وجدت ماكينه خياطه قديمه لا تعلم اذا كانت تعمل ام لا
حاولت أن تتزكر اى ذكريات مع والدتها لكنها لم تستطع
فتحت ذلك الدولاب القديم ووجدت ملابس قديمه متهالكة
ظلت تدور فى تلك الغرفه بعينيها
لما لم تدخل تلك الغرفه وتحاول أن تنظفها من قبل
لما لم يأخذها الفضول لترى ما بها
ظلت تنظر لتلك الملابس القديمه وخرجتها من الخزانه
لا تعلم ماذا تفعل بها هل ترميها ام ماذا تفعل فهى متهالكه وذات طراز قديم
فى وسط تلك الملابس وجدت صندوق قديم فتحته وجدت به زوج من الاساور الذهبيه وخاتم
قامت غاليه بالتحقق منهم وجدتهم من الدهب
وضعتهم غاليه جانبا وظلت تشاهد باقى محتويات الغرفه
وذهبت لجلب ممسحه وجردل به ماء حتى تنظف كل ماتقع يدها عليه
وجلبت كيس كبير كى تضع به الاشياء التى لا تريدها
وظلت تتسائل لما لم تفعل ذلك من قبل فهى أول مره تأتى لذلك المنزل بعد زواجها من عيسى اهتمت بنظافه جميع الغرف معادا تلك الغرفه قررت تستخدمها كمخزن
اثناء جمع تلك الأشياء المتهالكه وجدت بعض الاقمشه المحفوظه بحظر
قامت بفتحها وظلت تتفقد حالتها فالواضح أن والدتها كانت تهتم بحفظ تلك الأشياء حتى لا تتلف قامت بتفخصها وظلت تتخيل شكلها لو قامت بتفصيلها
فهناك اقمشه كبيرة وأخرى صغيره
ظلت تخرج باقى الاكياس وجدت بواقى اقمشه ولكنها محفوظه بطريقه جيده
قامت بوضع الاشياء القديمه المتهالكه فى حقائب والاشياؤ التى تصلح للاستخدام وضعتها فى مكان اخر وقامت بفحص جميع محتويات الغرفه ونضفتها جيدا وفتحت بافى درف الدولاب واخرجت ما بهم ووضعتهم فى اكياس حتى تتخلص منهم
ظلت تعبث فى التسريحة ووجدت جميع ادوات الخياطه
فمن الواضح انها اخذت تلك الموهبه من والدتها
بعد بضع ساعات متواصلة فى التنظيف أخيرا انتهت من تنضيف الغرفه وتنظيمها وقررت التخلص وبيع تلك الغرفه القديمه وجعل تلك الغرفه مخصصه لها ولكن عليها أن تصلح تلك المكنه
اتصلت غاليه على عيسى واجاب عليها
ألو
ازيك يا عيسى
الحمدلله فى حاجة حصلت للأولاد
لا هما مع باباهم بس انا كنت عايزه اروح مشوار
طيب ماتروحى يا غاليه عايزه فلوس
لالا انا معايا انا بستأذنك
ماشى روحى يا غاليه انتى كبيره وتقدرى تتحركى من غير إذن
حاضر شكرا يا عيسى
نظرت فى ساعه الهاتف وجت الساعه اصبحت السادسه
سالت نفسها هل تذهب لتصلح تلك الماكينه ام تنتظر اطفالها حتى يأتو
فى ذلك الوقت اراد رياض ان يجل الاولاد يقيمون عنده تلك الليله واخذها حجه ليتحدث مع غاليه لعل وعسى أن تتصل به لتغضب عليه وترفض
وقرر أن يسأل الاولاد عن رأيهم قبل الاتصال بغاليه
يا ريان يا مالك
ترك الاولاد أجدادهم وذهبوا مسرعين ليتحدثوا مع والدهم
بقولكم ايه رايكم تباتوا هنا انهارده ونلعب سوا وبكره اوديكم لمامتكم
بجد موافقين طبعا
خلاص اتفقنا انا هكلم ماما واخد الاذن منها روحوا كملوا لعب مع جدكم وفكروا نفسكم تتعشوا ايه وانا اطلب
أتصل رياض بغاليه ولكنها تجاهلت المكالمه وبعتتله اداه استفهام عبر الواتس اب
ارسل لها رياض رساله
غاليه لو سمحت ممكن الاولاد يباتوا عندى انهارده وبكره المغرب هبعتهملك عايز اخدهم معايا الشركه واقضى وقت معاهم
ارسلت له غاليه اشاره
مما جعل رياض يشعر بالغضب
هو يريد فقط أن يسمع صوتها حتى لو كان فى حديثها توبيخ له
وصلت لغاليه الرسالة شعرت بفرحه لانها ستستطيع أن تخرج بمفردها لأول مرة
قررت ان تلبس تلك الاسورتين وتبيع ذلك الخاتم لتصلح به تلك المكنه وتشترى ما يلزمها
خرجت غاليه من المنزل لا تعلم
فتحت هاتفها وبحثت عن اقرب مكان لتصليح مكن الخياطه وذهبت اليه واعطت المكنه للرجل ليصلحها
السلام عليكم
وعليكم السلام
لو سمحت كنت عايزه اصلح المكنه دى
مالها المكنه ايه المشكلة اللى فيها
مركونه عندى بقالها سنين ومابستخدمهاش
هى واضح انها قديمه بس ماتقلقيش المكن القديم ظه
