رواية دعوة حضانة (كاملة جميع الفصول) بقلم يارا عبدالسلام
الشنطه بتاعتها وماشيه
يخساره يا نور كنت حاسس ان هيكون في حاجه كنت حاسس بشعور غريب ناحيتك بس الحمد لله..
وقفتها
_نور
_نعم
_هوا انتى كنتي بتداري وشك مني لي وكنتي بتبصيلي النظرات الغريبه دي لي ولي عملتي كدا
_ملهاش لزوم تعرف
_لا عرفيني
_انا كنت بنت يعنى كباريهات وكدا وكل اللي نفسك فيه بس في يوم قابلتك وشوفت حبك لريهام وحقيقي اتمنيت أن حد يحبني كدا الكلام دا كان من حوالي ٦سنين انا بدأت أفكر معقول في يوم من الايام هلاقي حد يحبني كدا..
وبدأت بقى اتغير لحد مجيت في مرة ولبست في قضية اداب من تلات سنين كدا وقابلت شادي اللي كان اصلا شغال مع الناس دي وطلعني بس باتفاق انى اشتغل معاه وبدأت اشتغل معاه في كل حاجه بقيت مساعده ليه لحد محبيته هوا مش حبيته هوا مش لاقيه غيره انا عوزا زي الشخص اللي قابلته بس طبعا انا عمري مهكون نضيفه علشان يجيلي حد كدا فمكنش قدامي الا شادي لحد مجه الدور عليك واول لما شوفتك حسيت اني هضيع اكتر معقول انت اللي هعمل فيك كدا وطبعا بحكم ذلي وبحكم شغلي وان شادي كان ماسك عليا فيديوهات ومازال انا كملت معاه وريم اتصاحبنا في الخطه دي وقالتلي انها هتسفرني وهشتغل معاها في شغل محترم وانا دلوقتي رايحالها يمكن حالى ينصلح
_ياااااه دا كلو مش هقولك غير ربنا يصلحلك حالك ويبعدك عن الحړام
_في حاجه كمان
_اي هي
_في أن ورا شادي ناس كتير وراس كبيره بيحقدوا عليك وعلى شغلك وكل حاجه فخلى بالك أنا بحذرك بس
_تمام شكرا
_باي يا يحيي هتوحشني صدقني انا حبيت يحيي بجد ربنا يخليهولك
مشيت وانا سرحت اوقات كتير بتحس انك تايه وأن الدنيا جايه عليك وان الظروف بتجبرك انك تتحط في مواقف بايخه اووي وحقيقي الدنيا صعبه والحياه بقت صعبه
كانت مراية الحب عاميه فعلا كنت تايه وعاندت امي منا ماشي بقلبي وكفى وكنت لسه في أول طريقي وعاوز اعتمد على نفسي في افكاري واختار كل حاجه بنفسي حتى شريكه حياتي !
_انا اسف يا امي انى مسمعتش كلامك من الاول اسف انى ډمرت حياتى بايدي
_متتأسفش يبني دا قضاء وقدر وربنا شايلك الاحسن صاحب يحبك وبنت تصونك
_لا انا مبقتش عاوز حد خلاص انا تعبت
_عوض ربنا جاى...
بعد فتره
كنت قاعد في المكتب بعد مكنت بكلم ماما وبتطمن علي يحيي فتحت الفون شويه بقلب في الاخبار اليوميه
اڼصدمت من اللي شوفته....!
يارا_عبد_السلام
الاسكريبت الجزء الحادى عشر. دعوى_حضانه
كنت قاعد في المكتب بعد مكنت بكلم ماما وبتطمن علي يحيي فتحت وتيجي شويه بقلب في الاخبار اليوميه
اڼصدمت من اللي شوفته....!
اڼصدمت لما شوفت أن الاخبار بتتكلم عن شبكه دعاره بيترأسها المحامى المشهور شادى حجازي مع مجموعه شهيره من رجال الأعمال منهم محمود عطاالله اټصدم معقول شادي وحماه أو اللي كان حماه بيشتغلوا الشغل دا وافتكر كلام نور أن شادي مش لوحده وفي ناس أكبر منو وبيساعدوه في دا..
لي يا شادي تعمل كدا في نفسك دا كلو علشان الفلوس والشهره يا خساره يا شادي يا خساره....
في الوقت دا دخل حازم
اه نسيت اقولكوا أن حازم جالى واعتذر وانا قبلت بس
طبعا مش هأمن تاني اعرف صحبك وعلم عليه بس كدا وشغلتوا معايا في الحسابات لانى عارف انو هيفيدني علشان حازم من الناس الشاطرة في الشغل دا وكمان انا متابعه دائما...
_الحق يا عمر شوفت الاخبار
_اه شوفت
_دول حرفيا طلعوا عصابه الحمد لله أن ربنا نجاك منهم وخدلك حقك
_ربنا عمره مبيخذل مظلوم أو بيرد دعوة مظلوم وانا اتظلمت وهم السبب وتعبونى جامد والحق رجعلى وانا قاعد في مكتبي
_الحمد لله يا صاحبي دول ناس حقوده
_حازم انا قولتلك مليون مره متقولش صحبك دي لانك مش صاحبي ولا بقيت صحبي انت شغال عندى انا سامحتك بس لسه مصفتش من ناحيتك ودا الاهم
_والله يا عمر انا مكنش قصدى حاجه في كل دا انا اسف تاني ونالت وهفضل اتاسف لحد متسامحني
_المهم انا عاوزك تنزل اعلان على وظيفة مساعده او مساعد مش هتفرق المهم يبقى عنده المؤهل لدا
_وهتعمل اي مع ريهام دا المحكمه بعد اسبوع
_سيبهالي ابوها اتسجن وبقاش حد معاها هتاخد قرشين وهتحل عنى وعن ابني والا ھفضحها وهي عارفه انا ممكن اعمل اي
_تمام اللي تشوفه
_ماشي خلص الموضوع اللي كلمتك عليه وكلمنى
_ماشي سلام
بعد لما حازم خرج سرحت شويه في المستقبل المجهول اللي مش عارفله مله وتخيلت شويه أن ريهام خدت يحيي وانا اتحرمت منه لقيت نفسي قمت بسرعه وروحتلها انا لازم أوقفها عند حدها وتلغي الدعوى...
نزلت وركبت العربيه ووصلت البيت بتاعها..
فتحتلي الباب
_حبيبي عمر كنت حاسه انك مش هتقدر تستغني عنى صح
_استغنى عن مين يا عمر عيب
انا جاي علشان حاجه واحده بس
_اي هي يا حبيبي
_انك تاخدي قرشين حلوين كدا ومشوفش وشك في مصر تاني
_قرشين بس لا انا عوزا ابني ضنايا
_نعم يا روح امك ضناكي وكان فين ضناكي وانتي بتخنوني يا
انا مش راضي اتكلم بس اقسم بالله انتي لو كنتي لسه مراتي كنت محيتك من على وش الارض انتي فاهمه ولا لا يحيي هيفضل معايا وانتي مش هتقدري تاخديه انا بقولك اهو
هتاخدي قرشين بالذوق وتتنازلي ولا انا بقى اطلعكقدامهم وبدل متسافري وتعيشي حياتك كدا مستورة ونقول الواد امك ماټت ولا تقضي بقيت حياتك في السچن تختاري اي وكدا هتبقى مېته وكدا مېته فاخلصي وانفضي هتخاري حياتك. حريتك. لا قپرك...
_هتدفع كام يعنى
_ايوا كدا تمام انتى كدا عسل شوفي انتى عوزا كام
_تاخدي كام يا ريهام تاخدي كام اه خمسه مليون
_جنيه
_لا يحبيبي انا بتكلم بالجنيهات برضو انا عوزا خمسه مليون دولار علشان يقضوني بس انت عارف بقى متطلباتي
_اه وانتى هتقوليلي دانا فلوسي مش ضايعه الا على المتطلبات دي تمام بكرا الفلوس هتبقى عندك قبلها بقى يا حلوة تعملي تنازل عن الدعوى تمام وبعد متاخدي الفلوس مشوفش وشك في مصر كلها وابقى اقابلك تاني يا ريهام
سلام كتك القرف..
نزلت من عندها وانا حرفيا زهقان وقرفان منها شخصيه زباله وبندم في يوم انى حبيتها ولا خليتها تاخد حيز انها تكون ام لابني.....
روحت الشركه وكان عندي شغل كتير وماشي بسرعه وزهقان جدا حقيقي انا کرهت صنف الحريم دا...
وانا ماشي....
في بنت كانت معديه
_هوا انتى حيوانه مش شايفه وانتى يتعدى أن في زفت عربيه جايه عليكي ولا انتى البعيد أعمى مثلا
هى بكل هدوء وبرود بصتلي من فوق لتحت ومشيت ولا كان حد اتكلم ولا كأن حد كان هيخبطها من شويه تركيبه عجيبه
وقفت مره
واحده وبصتلي
_انا مردتش عليك علشان أخلاقي متسمحش انى ارد على واحد زيك سلام
اي اللي قالته دا اي البت دي لما أشوفها بس كلهم عالم زباله اصلا
وظل يتوعد لها بالكثير.....
ركب العربيه بتاعته ووصل الشركه وهوا مخڼوق ومش طايق حد حتى حازم جه بكلمه زهق عليه وفضل يفكر كتير وبعدين اشتغل كتير برضو وروح البيت
دخلت البيت ولقيت يحيي بيجري عليا كالعاده علشان الشيكولاته اللي بجيبها معايا ليه...
_فين الشيكولاته يا بابا
_يوه صدق نسيت
لقيته زعل واتقمص كدا وبعدين طلعتها
_تفتكر أن بابا يقدر يتاخر عنك بحاجه
_انا بحبك اوي يا بابا
_وانا بمت فيك يا قلب بابا
هتاكل يا ابني
_ايوا يا امي هدخل بس هاخد شاور واصلي واخرج ناكل سوا
_ماشي يا ابني
دخلت اخدت الشاور. ولبست وخرجت واتعشيت معاهم وقعدنا شويه
احنا يا ابني لازم نودي يحيي حضانه
_طبعا يا امى وهبدا في الاجراءات اول ما موضوع القضيه دا يخلص
_اه صحيح عملت اي معاها
_بوست أيدها..متقلقيش يا ست الكل ابنك بيعرف يتصرف كويس
المهم عاوز كوبايه شاي حلوه من ايدك كدا وهاتيهالي البلكونه علشان عندي شغل كتير قاد كدا
_ماشي يا ابني ربنا يوفقك
وانا قاعد كالعاده لقيت صوت في البلكونه اللي جنبي ااااه أبتدينا واحده بتغني بصوت عالي
بصيت لقيت بنت حاطه الهاند فري في ودنها وبتغني معاه وطبعا مش هتسمعني وحسن حظها انها كانت واقفه قريبه مني لقيت نفسي بشد السماعه من ودنها
قامت بصتلي
_انتى!
_انت تاني يا ابني انت مبتحرمش
_انتى هبله يا به انتى مش شايفه انى في بيتي ولا اي
_اه تمام وانت عاوز اي بقى الصبح كنت ھټموټني ودلوقتي بتستظرف متبقاش حكاك كدا..
_انتى هبله يبت ولا بتستعبطي انا ابصلك انتى لي كنتي ملكه جمال وبعدين انتى مش شايفه نفسك ولا اي ولا بتبصي لنفسك في المرايه اللي خلانى اكلمك انك صوتك عالى وانا عاوز اشتغل
_متشتغل بعيد عني احنا تقريبا في الشارع ودا ملك للجميع ان شاء الله ارقص حتي انت مالك
_بت متخلنيش اتعصب عليكي انا ماسك نفسي بالعافيه انا مش عارف اي البلاوي دي
_زيك بالظبط دانت تلم ورخم وطلعتني من المود اللي كنت فيه إنسان رخم
_اي اي حيلك حيلك انا لحد دلوقتي مش عاوز أقل ادبي واحمدي ربنا أن في حيطه منعاني عنك
_وكنت هتعمل اي يعني اخاڤ واكش يعني ولا اعمل اي
_لا مټخافيش بس اعرفي انتى بتكلمي مين ومتخلنيش اعملك محضر ازعاج هنا تمام
في الوقت دا دخلت أمه بالشاي
على طول بتيجي في أوقات كنا عاوزينهم يشدوا شعر بعض
في اي يا عمر
_وكمان اسمك عمر اسمك مش لايق علي شكلك خالص
_مالو شكلى يا اختي
_مش عارفه اسأل طنط
في اي يا عمر انت بتتخانق
مين القمر دي يا عمر
_اهو شهد شاهد من اهلها شوفت اني قمر ادخل بقى جوا ومشوفش وشك تاني
يبنتي انتى قمر وكل حاجه بس ابني طبعا قمرين
عمر بغروراحم روحى العبي بعيد يا شاطره
_نينييييي امشي يلا من هنا
_يلا
_ايوا يلا اي هتضربني
_مش بعيده
منك لله يا شيخه ضيعت وقتي مع واحده متر ونص زيك روحي أجري وانتي مش باينه من سور البلكونه كدا
_حوش يلا يا زعافه انت
_اسألك سؤال في بنت كيوت تقول يلا وفي بنت كيوت تسمع مهرجانات
_اهو كيفي كدا عندك مانع
_يارب صبرني ماما الواد يحيي ميشوفش البت دي مش عاوز الواد يطلع تاجر مخډرات
_على اساس ان أبوه تاجر مصاصات
_بت غوري من وشي بصي أنا هسيبلك البلكونه كلها وامشي الاهى تنشكي في كعب رجليكي يا بعيده...
_اهو انت
أمه قربت منها ناحيه السور كدا
وهي فرحانه بتقولها زي اي ام مصريه
_انتي متجوزه يا قمر انتي
_لا يا طنط
_اسمك اي
_شهد
_الله على الجمال عسل وانتى عسل
حاسه ان الڤرج جاى قريب عن اذنك يا قمر
شهد بصتلها باستغرابشكل العيله دي مجانين ولا اي انا أي اللي بلاني بالشقه دي يارب كلو بسببك يا عمى منك لله انا مالى ومال اخويا وسرحت في نفسها وعلى حالها اللي وصلتله بعد ماكانت عايشه مع عمها وأخوها كان بيبعتلها فلوس دائما وفجاه عمها طردها من غير اسباب بس حمدت ربنا أن اخوها كان مديها فيزا فيها فلوس باسمها ودا اللي ساعدها تلاقي شقه.....
عمر دخل وهوا متعصب
انا يا هيجيلي في مرة أغفل البت دي واقټلها يا اما هضربها وامى داخله تقولها يا قمر قال دي قمر دي دي جعفر...
بس الصراحه قمر!
يخربيتك يا عمر قمر اي دانت لسه متخزوق من مصر كلها احترم نفسك يابا وروح اشتغل او نام...
عندك حق انا هروح انام....
الصبح....
صحي عمر كالعاده روتين كل يوم ونزل الشغل اللي هوا مخلصش الشغل بتاعه امبارح...
دخل المكتب وسند رأسه لورا مش عارف لي جت في دماغه يروح لشادي !
حاول أنه يبعد الفكره عنه بس برضو لسه موجوده...
حازم ډخله
_احم يا عمر انا نزلت الاعلان وفي ناس بدأت تقدم هتقابلهم امتى...
_بكرا هيدا اقابل
_تمام ماشي
_حازم متعرفش السچن اللي شادي فيه
_لي
_بسأل
_اه في
_تمام انا هروح مشوار كدا وجاي
_هتروحله
_لى لا
_بلاش يا عمر علشان المشاكل
_انا مش بتاع مشاكل انا عاوز بس اتطمن عليه اشوف لو عاوز حاجه واعرف منه شويه حاجات كدا
_طيب اجي معاك
_لا انا هروح لوحدي
_تمام عن اذنك
عمر راح المكان وطلب أنه يقابل شادي اللي هوا صعب يقابله بس بكام اتصال كدا حل الدنيا بلد مصلحه
استني شادي لما جه
عمر بصله
_عاوز اي يا عمر جاى تشمت فيا صح
_انت تعرف عن عمر كدا برضو انا عمري شمت فيك.
_امال جاى لي
_جاي اتطمن عليك ياللي كنت صحبي للاسف ياللي ډمرت حياتى ياللي خطفت ابني وحرمتني منو ياللي عملت اللي محدش في الدنيا قدر يعمله كسرتنى بعد لما كنت حاسس انك اخويا وسندي حسستني انى مليش ضهر انحنيت بقيت مهزوز حتى ثقتى في الناس قلت يا صاحبي أو ياللي كنت صاحبي
_خلصت كلامك عاوز اي بقى
_لي عملت
دانت محامى ومثل اعلى المفروض انت اللي تدافع مش انت اللي تعمل الغلط فين القسم اللي قسمته فين أخلاقك فين دينك فين كل دا فين يا صاحبي العمره اللي عملناها سوا فين ضيعت نفسك ودينك وأخلاقك وشرف عيلتك علشان شويه فلوس اخواتك البنات ذنبهم اي واختك اللي انت سايبها في بيت عمك يا تري عمك بيقولها اي دلوقتي ولا عامل فيها اي وانت عارف أن عمك مادي...
_خلصت كلامك ومواعظك برافوا ممكن تتفضل بقى من غير مطرود
_انا مش هقولك غير حاجه واحده ربنا يخفف عنك ويهديك يا صاحبي...
_تمام شكرا
مينكرش أن كلام عمر هزه هوا فعلا مش محتاج الفلوس هوا اصلا كان غنى بس الطمع
آخرته وحشه....وهوا حاسس انو ندمان ودلوقتي جت في باله أخته اللي عمر لسه مفكره بيها اللي اكيد الاخبار وصلت لعمه ويا تري عمل فيها اي...
يا تري عامله اي يا شهد....!
يارا_عبد_السلام
الجزء الثالث عشر. دعوى_حضانه
في صباح يوم جديد....
كان عمر نازل الشغل وقابل شهد على السلم
_اوووف استغفر الله العظيم هوا انا كل لما اروح في حته الاقيكي في وشي
_انت غبي احنا في بيت واحد يعني طبيعي تشوفني بطل
انت بس تحكها سلام
اي البني ادمه دي قليله الذوق ورخمه وربنا لو انتى شغاله عندي كنت وريتك نجوم الليل في عز الضهر....
ونزل وركب العربيه ووصل الشغل.
دخل الشركه اللي كان باين أن اللي مقدمين على الشغل الجديد في انتظاره...
دخل المكتب وحازم دخل وراه
_احم يا عمر ابدا ادخل اللي مقدمين على الشغل دا امتى
_خمس دقايل وابدا دخل
_تمام
خرج حازم وبلغ الناس بالكلام
_خمس دقائق وهبدا ادخلكوا تمام
الكل كان واقف وبدأوا يقعدوا وعلى حسب الترتيب هيدخلوا
وطبعا كانو بنات اشكال وانواع
_انتى اسمك اي
_شهد
_اها ومعاكى لغات اي بقى
_ميخصكيش مش مطلوب منك تعرفي ال بتاعى
_اي دا انا بسألك بس سوري اصل باين عليكي ومن لبسك انك امممم لوكال خالص
_لو اي يا عنيا لا بقى بت انا سكتالك علشان في مكان محترم لو اتكلمتي تاني هنسى أخلاقي وهعلمك الادب من اول وجديد
_ياي انتى بتتكلمى كدا لى واحده معندكيش ذوق
وبدأ صوتهم يعلى وحازم جه
_في اي يا حضرات انتوا في شركه ولا في سوق
شهداسال الهانم اللي عوزا نتخانق هوا احنا جايين هنا نتهزق ولا جايين نقدم على شغل
_بصى يا انسه من غير زعيق انتى مش في سوق والله هنا في قوانين. واحترام اللي مش هيلتزم بيها يتفضل تمام...
وبص الكل
دلوقتي هتبداوا تدخلوا لاستاذ عمر تمام
الكل هز رأسه
وشهد في بالها
هى اي الشركه اللي تخنق دي واي الناس دي !
الكل دخل وخرج ووشه ميبشرش خير
وجه دور شهد تدخل...
_استعنا عالشقى بالله...
دخلت بعد مخبطت واللي جوا اذنلها...
كان حاطط راسه في الورق اللي قدامه...
ادخلى يا انسه
ورفع رأسه ولقاها هى
_انت تاني
_انتى اللي جايه
_اه فعلا انت بقى صاحب المخروبه دى فعلا كان قلبي مش نرتاحلها
قام وقف
_احترمي نفسك يا انسه انتى في مكتبي ولو مش عاجبك المكان تقدري تاخدي ورقك وتمشي وبلاش قلة ذوق
شهد متنكرش انها خاڤت منو بس كان لازم تعمل نفسها شبح
_طيب متزقش هات بقى الورق بتاعي انا اساسا ميشرفنيش اشتغل في شركه زي دي ولا عند واحد زيك
_احترمي نفسك انا ساكتلك بس علشان انتى بنت بس والله لو مكنتيش بنت كان هيبقى في تصرف تاني
_لي يعنى انت شايف نفسك مين لا فوق لنفسك انت متعرفش انا مين
_لا محصليش الشرف ومش عاوز اعرف واحده زيك مين يلا اتفضلي من غير مطرود
شهد حست بأهانه وخلاص هي مينفعش تفضل في المكان دا احسن تتهزق اكتر من كدا سابته ومشيت....
وحست انها عوزا ټعيط مسكت نفسها لحد متخرج من المكان دا وخبطت في حازم وهي خارجه وكملت طريقها من غير كلام
وقفت برا بعد محست پخنقه
هوا لي الناس بتعاملني كدا مش ذنبي اني دبش....
عمر قعد علشان يشوف شغله وبالصدفه لقى الملف بتاعها اللي هي المفروض بتسلمه للسكرتيره قبل متدخل...
الفضول...
فتح الملف
لفت نظره
اسمها شهد حجازي
_اسمها زي اسم شادي بالظبط!
قلب في الملف
لقي انها معاها لغات متقناها ومعاها السن وكانت بتدرس برا يعني هى السكرتيره اللي عاوزها بس المشكله لسانها الطويل وفضول خلاه يعرف عنها كل حاجه...
طلب حد وأعطاه المعلومات وطلب منه يعرف كل حاجه عن الشخص دا...
_يا تري انتى مين يا شهد على الله تطلعى اخت شادي يبقى شادي عاوز يلعب تاني بس على أخته بقى!
لما نشوف...
في الوقت دا جاله اتصال من البنك اللي المفروض هيسحب منه الفلوس بتاعت ريهام...
_الو
_ايوا يا عمر بيه للاسف في مشكله في سحب المبلغ المطلوب البنك مش حمل كل المبلغ دا انت فلوسك اللي عندنا متحصلش المبلغ حتى لو هتاخد قرض هيبقى نص المبلغ بس..
_معلش انا محتاج الفلوس دي حتى لو هفلس لو هترهنوا العماره بتاعتي انت عارف انى لسه بعمل اسم لنفسي ولسه في بدايه حياتى وشغلى ارجوك اتصرف الفلوس دي هتخلي ابني في حضڼي
_طيب هحاول مع مدير البنك تاني
_ارجوك يا حسام انت عارف اني محتاجهم
_خلاص ماشي يا عمر هشوف الموضوع دا وابلغك...سلام
_سلام...
شهد وصلت البيت ودخلت لقت طفل قاعد بيلعب وشكله كيوت كدا وروح الطفوليه رجعتلها تاني بعد ماكانت زعلانه من شويه!انتي برج الجوزاء يا بت
قربت منه
_ممكن العب معاك
بصلها كدا بتقييم
_امممم ماشي بس متعمليش دوشه
_هي الناس كلها واخده عنى فكره غلط كدا لي
بدأوا يلعبوا سوا
_انت اسمك اي
_اسمي يحيي وانتي
_انا شهد
_اسمك جميل اووي انا بحبه
_وانا بحبك واسمك جميل برضو
وفضلوا يلعبوا سوا
يحيي
_بابا
_هتفضلي بصالنا وسرحانه كدا كتير على فكره اللي انتى جايه علشانه مش هيحصل ومتفكريش انك هتوقعيني مثلا
شهد استغربت كلامه
_اوقعك اي انا مش فاهمه حاجه واي الكلام اللي بتقوله دا
_انتى هتعمل نفسك هبله اه مانتى اخت شادي اه صحيح الخطه ماشيه على اي المرة دي رهان ولا
_رهان اي واتفاق اي انا مش فاهمه حاجه واي دخل شادي اخويا في الموضوع انا اخويا مسافر
_يشيخه صدقى دخلت عليا على اساس انى اهبل شادي مين اللي مسافر مهو يا اما انتى هبله يا اما انا اللي بتاكل على قفايا
_معرفش بقى اللي على رأسه بطحه
_بت اتعدلي واتفضلي امشي من هنا يا اما والله لهندمك على اليوم اللي اتولدتي فيه
_انت مچنون انا ليا شقه هنا
_ودا بيتي ومن حقى اطردك في اي وقت
_انت متعرفش بقا أن في عقد وانا مش فاهمه الصراحه شادي ازاي هيعرف الاشكال دي
_اشكال دي هههههههه انتى توقعك أن شادي مسافر يعني امال انا كنت بزور مين امبارح في السچن يا حلوة..
_اي!
سجن.....
يارا_عبد_السلام
الجزء الرابع عشر.. دعوى_حضانه
_انت متعرفش بقا أن في عقد وانا مش فاهمه الصراحه شادي ازاي هيعرف الاشكال دي
_اشكال دي هههههههه انتى توقعك أن شادي مسافر يعني امال انا كنت بزور مين امبارح في السچن يا حلوة..
_اي!
سجن.....
_اه سجن انتى عوزا تفهميني انك مش عارفه حاجه امال انتى جيتي هنا صدفه مثلا
شهد الصدممه لجمتها ازاي اخوها في السچن وهى متعرفش دلوقتي عرفت سبب تغير عمها معاها وسبب انها اتطردت من بيته وهى متعرفش بس لي بيحصل معاها كدا اتحرمت من ابوها وامها زمان ودلوقتي اخوها اللي هي اصلا مكنتش بتشوفه الا كل سنه مره بحجة انو بيسافر وشغله....
_معلش انا عارف أن الصدممه مأثره عليكي نفس الصدممه لما عرفت أن صاحبي اللي هوا اخوكى كداب وغشاش ومنافق وخاېن العشره...وكل حاجه...
_لو سمحت كفايه كدا انا مسمحلكش انا اخويا احسن منك وانت كداب انا عارفه اخويا ميعملش كدا انا اخويا مسافر في شغل وهيرجع هوا قالي كدا
_بصي أمور الصعبنيات دي متاكلش معايا انتي مفكره التمثليه بتاعتك دي هتدخل عليا لا فوقي يا حلوة انا فاهم وعارف كويس الاعيب دي وانتى....
وفجأة لقى شهد مرميه قدامه عالارض مغمى عليها.....
اتلجم....
وقرب عليها لقاها قاطعه النفس وطلع بيها عالشقه وأمه شافتها
_مالها يا ابني
_اعمي عليها اتصلي بدكتور طارق
اللي في الدور السابع يجيلنا يا امي
_حاضر يا ابني
دا كان دكتور طارق عنده عياده في العماره...
الام اتصلت بيه وهوا نزل وكان عمر مع شهد في الأوضه بيحاول يفوقها ببعض المعطرات وهي بدأت تفوق وهي تعبانه حرفيا...
الدكتور طارق دخل وفحصها
هي كويسه متقلقش هوا بس حصلها هبوط في الدوره الدمويه ودا اللي ادي للاغماء هكتبلها على محلول تبعت حد يجيبه وهعلقهولها
_تمام يا دكتور انا هروح اجيبه
وعمر خد الورقه وراح جاب العلاج هوا كان قلقان مش عارف ماله اول مره يحس الاحساس دا حتى لما كانت ريهام بيحصلها حاجه مكنش بيقلق كدا والمفروض انو كان بيحبها!
رجع البيت
_اتفضل يا دكتور
بدأ الدكتور يعلقلها المحلول
كدا بعد نص ساعه كدا هنزلها أشيل المحلول واتطمن عليها
_تمام شكرا جدا يا دكتور
_على اي دا واجبي...
الدكتور مشي وأمه دخلت
_هي كويسه يا ابني
_ان شاء الله يا امى
_اي اللي حصل
عمر اتنهد وحكالها كل حاجه
_يا حبيبتي يا بنتي على فكره انت اتسرعت في الحكم عليها يا ابني مش علشان انت شوفت الۏحش يبقى كلو وحش ومؤذي وعارفه انك هتقول انو اخوها بس هى باين عليها طيبه وغلبانه والدنيا جايه عليها متجيش انت كمان تيجي عليها فين تربيتي ليك والصبر اللي علمتهولك عمرك مكنت دبش مع حد كدا...
ولا علشان هي تختلف مليون درجه عن ريهام فأنت مش عاوز تقع تاني...
_لا طبعا يا امي انا عمري مهفكر انى اتجوز ولا ارتبط بحد تاني كفايه اوي اللي حصلي ودلوقتي بساوم ريهام علشان تسيبلي ابني علشان مسيبهوش معاها ولا المحكمه قدام كلمتين منها تخليها تاخد الولد وانا افضل اتفرج عليه طول عمري وهوا بيضيع مع ام اساسا ضايعه مش عاوز اعانى نفس المعاناة تانى...
_ومين قالك انك هتعاني انت قدامك الاختيار وانا قولتلك رايي في الاولى وقولت انها متناسبكش بس علشان هى كانت فارضه نفسها عليك دا اللى حصل واتجوزتها واهى النتيجه
_بس دي اخت شادي يا أمي اللي دمرلي حياتي اللي خلانى بقيت امشي اكلم نفسي اللي خلانى اشك في كل الناس ومصدقش حد
_بص يا ابني انا عارفه انك تعبان من اللي حصلك بس مش انا اللي هحكم...
وشاورت على قلبه..
_دا اللي هيحكم...بس كدا...
ودخلت لشهد...
وعمر واقف تايه ومش عارف اي اللي بيحصله انا عارف أن دا اختبار صبر يارب وانا راضي بيه...
اللهم يسر ولا تعسر...
واجعلى في الخير القدوم وزيح عنى الهموم وساعدني يارب على الاختيار وسخرلي الطيب وارحمني برحمتك يا ارحم الراحمين....
وبدأ يدعى ربنا...
وبص ناحية الأوضه اللي فيها شهد...
يا تري وراكي اي انتى كمان....!
في الوقت دا جاله اتصال...
_الو يا حسام
اي دا بجد وافقوا...
طيب انا هبقى اجى اخلص الاوراق معاكوا بكرا الصبح....
شكرا جدا يا صاحبي
سلام...
اخيرا لقيت حاجه تفرحني في اليوم دا البنك وافق على الفلوس وبكدا هكون خلصت من ريهام وأشوف ست شهد دي كمان اصل اللي هي بتعمله دا مش هياكل معايا انا خلاص بقيت اخد حذري ومش هقع....
بدأت شهد تفوق
_ااانا فين
الامانتي عندنا يا بنتي مټخافيش انتي كويسه
_اااه الحمد لله بس حاسه راسي تقيله شويه
_من التعب بس يا حبيبتي بس اول مهتاكلي التعب هيروح..
هقوم اجيبلك اكل
_لا لا انا هقوم اروح شقتى وشكرا لتعبك معايا
_لاطبعا يا بنتى انتى تعبانه وممكن تقعى من طولك معلش خليها عليكي ولا مش عوزا تأكلي من ايدي
_لا طبعا يا طنط لي بتقولي كدا
_امال اي على فكره امك كنت بحبها جدا واحنا كنا صحاب الله يرحمها
_انتى تعرفي ماما
_اه طبعا اعرفها شادي اخوكى وعمر ابني متربيين سوا
_شادي
_ايوا...
بصي يا بنتي متفكريش في اللي يضايقك كل واحد بياخد نصيبه..
وانا عارفه انك مظلومه بس معلش اللي عمر شافه محدش شافه تخيلي كدا اقرب حد ليكي يطعنك في ضهرك شوفي هتحسي بأيه مش هتحسي بالطعنه قد مهتحسي انها من اقرب الناس ليكي دا اللي هيوجعك فعلا
_فعلا بس هوا تتهمني بحاجه مش فيا ومش فاهمه هوا قصده اي
_انتى اي اللي جابك هنا..
فجاه شهد سكتت والدموع اتجمعت في عينيها
_للاسف انا
كنت عايشه مع عمى وفجاه من حوالى اسبوع
وانا تقريبا دلوقتي مليش حد...
_ومين قالك كدا امال انا رحت فين بصي أنا من اول مشوفتك وانا قلبي ارتاحلك حسيتك سميه امك واقفه قدامى كانت
