رواية بعد النهاية (كاملة جميع الفصول) بقلم يسري
المحتويات
بإرتباك نسمة لسه ليها مكان في قلبك
غضب مصطفى وظهر ذلك على ملامحه فخافت نور منه وقالت بسرعة أنا قولتلك متعليش صوتك
مصطفى بهدوء نسمة من يوم ما سابت الخاتم وهي برا قلبي
نور بجد
مصطفى آه بجد وبعدين إنتي بتسألي ليه
نور مش حابة أكون في حياتك وانت قلبك مع حد تاني
مصطفى اطمني محدش في قلبي
نور طيب يا مصطفى أنا موافقة
مصطفى تحبي ننزل بكرا نجيب الشبكة
نور نأخد رأي ماما وبابا وخالتو
مصطفى هو مين هيتجوز
نور ولو اسألهم
مصطفى قصدك تقوللهم لإن ده قرارك في النهاية
نور أيا يكن
مصطفى طيب أنا هروح اكلمهم
نور طيب
ونهض
نور في نفسهاهو ده الصح أكيد هو ده الصح مصطفى مفهوش عيب مش هفضل طول عمري رافضة الموضوع يعني ثم انا مش هقدر على الزن ده كل شوية
واتفقوا على أن يذهبوا غدا لشراء الشبكة لنور ربما لم يلتئم جرحه من نسمة ربما بداخله لازال هناك شئ لكنه أصر على المضي قدما
__________________________________
في فيلا كمال
دخل مازن الى غرفته بعد أن اطمأن والدته أصبحت بخير هم أن يبدل ملابسه فشعر بتعب شديد وقاسي و هوى على أقرب مقعد في تعب ووجد نفسه يتصل بحسام
حسام الو
مازن بتعب حسام الحقني
حسام إيه في إيه
مازن بصوت مختنق تعبان أوي
حسام مالك في إيه طب في حد جنبك
لم يسمع منه رد
حسام طب أنا هبعتلك عربية إسعاف اديني العنوان
مازن إسعاف إيه لاء طبعا كده هيصحوا وبعدين مش مستهلة أنا فايق وواعي
حسام بس صوتك تعبان أوي
مازن انا دماغي وجعاني مش أكتر ممكن تقولي على اسم مسكن أقوى
حسام مسكن تاني يا مازن
مازن انت ليه مصمم تخليني أندم إني بكلمك
حسام المسكنات مش بتحل المشكلة
مازن بانفعال يعني اعمل ايه يعني
حسام اسمع كلامي وتعلالي
مازن باستسلام انت فين
حسام في المستشفى
مازن طب أنا جايلك
حسام طب خود بالك على نفسك وسوق براحة
أغلق مازن الخط واتجه إلى المشفى
____________________________________
في منزل نورهان
نورهان الحمد لله ربنا يتمم على خير
مصطفى يا رب
نورهان انت مش مبسوط
مصطفى لا مبسوط ولا متضايق عادي
نورهان مش عجباك نور
مصطفى لا بالعكس عجباني بس سؤالها ضايقني
نورهان سؤال إيه
مصطفى متشغليش بالك
نورهان طب قولي
مصطفى خلاص انسي أنا كمان هطنش الموضوع ده
نورهان آيوه كده يا حبيبي طنش شوية حاجات ملهاش لازمة
مصطفى حاضر يا ماما تصبحي على خير
نورهان وانت من اهله
ودخل مصطفى لينام
___________________________________
دخل إلى مكتب حسام في المشفى
مازن حسام
نهض حسام وذهب إليه وأجلسه على الأريكة في المكتب
حسام اهدا واقعد
جلس مازن في حالة تعب
حسام حاسس بإيه
مازن أنا عندي صداع جامد
هم حسام بفحصه
فأبعد مازن يده
حسام إيه يا مازن
مازن انت اللي إيه يا حسام بقولك عندي صداع يا اخي بتكشف ليه
صمت حسام للحظات وقد راوده الشك ثم قال
حسام ممكن تهدا وتقوم معايا نأخد عينة من دمك ونعمل التحاليل والفحوصات اللازمة وياريت تسمع الكلام من غير ما تعترض
مازن فحوصات وتحاليل انت لسه الفكرة مسيطرة عليك
حسام خلينا نأخد عينة دلوقتي تعالا معايا
مازن بسرعة لا يا حسام ملوش لزوم
حسام يا مازن بلاش نتأخر في حاجة ذي دي
مازن خلاص يا حسام أنا غلطان علشان جتلك
هم أن ينهض امسكه حسام
حسام انسى أنا مش هسيبك تخرج من هنا غير لما أخد منك عينة وأعمل اللازم
صمت مازن
حسام أنا مش فاهم انت ليه خايف تعمل تحاليل
مازن أنا مش خايف بس شايف إن ملهاش لزوم
حسام وأمسك ذراعه طب قوم معايا يا مازن نعمل تحاليل أنا شايف إن ليها لزوم معلش استحمل غتاتي شوية
نهض مازن في حالة تعب وأخذه حسام إلى احدى الغرف حسام شوية وهجيلك
أمسك مازن رأسه وقد شعر بالألم
حسام مالك
مازن بألم ااااااااه
فقد مازن وعيه وسقط على الفراش في الغرفة
اقترب حسام منه مازن مازن
وطلب الممرضين ليساعدوه
____________________________________
في صباح اليوم التالي في فيلا فؤاد الحكيم جلسوا لتناول الفطور فسمعوا رنين الجرس
تامر ابقى خود نتائج الاجتماع من جيهان
شريف بلامبالاة طيب
لاحظ وجوههم العابسة
ألقى الشوكة والسكين في غضب هو في مصيبة على الصبح
نهضت دارين فجاءة في فرح
دارين بابا
وذهبت إليه فعانقها
دارين وأخيرا يا بابا جيت
فؤاد بإبتسامة معلش يا حبيبتي الشغل كان كتير
دارين حمدا لله على السلامة
فؤاد الله يسلمك يا حبيبتي
دارين متسافرش تاني انت فاهم
فؤاد هههههههه هو إنتي لوحدك يا دارين ما إنتي معاكي جوزك وأخوكي
تامر جوزها بس من فضلك أنا رايح الشغل هتيجي على الساعة كام يا شريف باشا
نهض شريف في هدوء وذهب إلى دارين
شريف عاوزة حاجة مني وأنا جاي
دارين لا شكرا
شريف تحبي أقعد معاكي النهاردة
دارين لا روح شغلك
اقترب منها فاحتضنت والدها
دارين شريف من فضلك الحمل تاعبني وهرموناتي متلخبطة
ابتعد في حزن اخفاه في إبتسامة مريرة
تامر بغضب مكبوح مش يلا يا شريف
وذهب تامر فمر من امام والده
فؤاد مسلمتش عليا يعني
تامر بسخرية ودي تيجي ازاي و دارين في حضنك وكمان هرموناتها متلخبطة
دارين متجاهلة إياه بابا تعالا عاوزة أتكلم معاك كتير أوي
وذهبا معا
وكذلك ذهب شريف مع تامر
____________________________________
استيقظت نور واستعدت للذهاب إلى عملها سمعت طرقات على الباب تبعها دخول والدتها
ريهام صباح النور يا حبيبتي
نور يا عيني على الحنية
ريهام بتقولي حاجة يا نور
نور لا يا حبي أنا متأخرة عاوزة مني حاجة
ريهام لا تعالي افطري
نور لا هتأخر هبقى أكل هناك
ريهام يا بنتي بلاها الشغل اللي مضايقك اوي ده
نظرت اليها نور وابتسمت ماما حبيبتي وافقت على مصطفى آه لكن أقعد في البيت لاء ده حلم بعيد أوي تمام
ريهام أنا مقصدش يا حبيبتي بس إنتي كل ما تروحي ترجعي متعصبة منه
نور لا أنا مبسوطة أوي فيه عن اذنك
وغادرت نور وفي نفسها دلوقتي بس خدتي بالك إني برجع منه متعصبة مخدتيش بالك قبل كده ولا خدتي بالك وطنشتي يلا مبقتش تفرق
_____________________________________
أفاق مازن فوجد نفسه راقدا على فراش في المشفى
وبعد لحظات دخل حسام الغرفة
حسام مصطنعا الابتسامة حمدا لله على السلامة
اعتدل مازن وأسند ظهره هو إيه اللي حصل بالظبط
حسام مفيش أغمى عليك
مازن ضغطي نزل ولا إيه
حسام لا مش ضغطك
مازن آمال
حسام هتعرف
مازن طبعا انت لقيتها فرصة وعملت التحاليل والفحوصات وكل حاجة مش كده
حسام هز رأسه إيجابا صح
مازن والنتيجة
حسام أنا امبارح وانت مغمى عليك عملتلك أشعة علشان شكيت في الصداع اللي بيجيلك
مازن أشعة
حسام آه
مازن ومالها الأشعة
حسام بصوت مختنق دكتور حاتم هييجي دلوقتي يتكلم معاك
مازن دكتور حاتم مين وليه انت متقولش
حسان هو متخصص وهيعرف يشرحلك الموضوع
مازن متخصص في إيه
حسام هو هيشرحلك كل حاجة
مازن بعصبية حسام متلعبش بأعصابي الأشعة فيها إيه
هنا سمعوا طرقات على الباب ودخل حاتم وأغلق الباب خلفه
حاتم صباح الخير
حسام صباح الخير
ووجه حديثه لمازن دكتور حاتم
مازن طيب تمام اشرحلي يا دكتور اللي دكتور حسام مش عارف يقوله أصله درس سبع سنين ومش عارف يقولي نتيجة الأشعة إيه
حاتم طب اهدا طيب
مازن بلاش الكلمة دي علشان بتعصبني زيادة
حاتم معلش أكيد علشان إنتو أصحاب هو مش قادر يقولك
مازن إحنا مش أصحاب هو دكتور أعرفه وبس
نظر إليه حسام في أسف
حاتم طيب اسمع وحاول تفهم الموضوع وتكون هادي
مازن ممكن بلاش لعب بالأعصاب وتقولي في إيه علطول
حاتم الأشعة نتيجتها إن عندك ورم في المخ واكتشفنا إن الورم
صمت للحظات ثم أردف الورم خبيث
مازن في صدمة قصدك إيه
حاتم سرطان في المخ
مازن بعدم
حسام اهدا يا مازن
مازن بإنفعال متقوليش اهدا أهدا إيه وازاي
حاتم اهدا بس مينفعش العصبية دي
مازن بهدوء أكيد انتو بتهزروا ومفيش حاجة من اللي قولتوها دي صح
حاتم أستاذ مازن ممكن رقم حد من أهلك نتكلم معاه
مازن هو أنا مش مالي عينك
حاتم مقصدش بس نتفاهم معاه هيكون أفضل
مازن بحزن إتكلم في إيه تاني
حاتم في عملية لازم تعملها
مازن حابسا دموعه عملية إيه
حسام عملية علشان نشيل الورم
مازن ناظرا اليه ببعض من الأمل العملية دي ناجحة
حاتم مش هكدب عليك وأقولك نسبة نجاحها 100
مازن وقد ذهب الأمل من عينيه يعني إيه
حاتم يعني العملية ممكن تنجح أو تفشل ممكن
تقوم منها أو ممكن تخوش في غيبوبة
مازن محاولا التماسك وإيه كمان
حاتم في آثار جانبية لو إن شاء الله العملية نجحت يعني هيكون عندك شوية مشاكل في الحركة والنطق بعد العملية
مازن واو وكمان هبقى عاجز
ثم أردف
مازن سرطان عملية عجز
ثم ضحك ده بجد ولا بحلم
حسام انت كويس
مازن بصرامة عاوز أقعد لوحدي اطلعوا برا
حسام مازن إح
مازن يقاطعه بعصبية قولت عاوز أقعد لوحدي اطلعوا برا
حسام طب خلاص اهدا طيب
وغادر حسام مع حاتم ومازن في حالة صدمة من ما سمعه
_____________________________________
في فيلا كمال
صفاء ترمي الهاتف بتوتر مبيردش برضو
كمال ربنا يستر
صفاء انت متأكد إنه خرج امبارح بليل
كمال الحارس أكدلي ده
صفاء بتوتر والحارس مسألهوش هو رايح فين ليه
كمال يسأله ازاي يا صفاء
صفاء استر يا رب
كمال يا رب
رن هاتف كمال فانتبه الاثنان
كمال الو
أحمد آيوه يا عمو معلش كنت نايم ومسمعتش في حاجة
كمال مازن عندك
أحمد بإستغراب لاء هو مش في الفيلا
كمال بأسف مكنتش هكلمك لو كان في الفيلا يا أحمد
أحمد طب خرج إمتى
كمال خرج امبارح بليل ومرجعش لحد دلوقتي
أحمد طب يا عمو أنا هكلم أصحابنا وأشوفه راح فين
كمال طيب يا أحمد وابقى طمني
أحمد طبعا يا عمي متقلقش انت بس اتطمن
كمال ربنا يستر
أحمد يا رب سلام
كمال سلام
وأغلق أحمد الخط
أحمد يا ترى روحت فين يا مازن
وبدأ يتصل ببعض الأصدقاء وهو قلق على مازن
الفصل 14 و
في منزل نورهان
نورهان هنروح امتى نجيب الشبكة يا مصطفى
مصطفى معرفش قولوا انتو انا فاضي النهاردة
نورهان خلاص يبقى نروح نتغدا برا سوا ونجيب الشبكة
مصطفى قوللهم يا ماما يمكن عندهم خطط تانية
نورهان لا دي ريهام هتفرح اوي
مصطفى ونور لعبة ملهاش رأي
نورهان بإبتسامة ومالك متعصب اوي كده علشانها ليه
مصطفى ميروحش عقلك لبعيد يا ماما انا بس مبحبش التصرفات دي
نورهان بإبتسامة خلاص هكلم نور بنفسي وأسألها المعاد يناسبها ولا لاء
مصطفى يبقى احسن
نورهان ربنا يتمم على خير يا رب
____________________________________
في المشفى دخل حسام الى مازن فوجده بدل ثيابه ويربط حذائه
حسام انت رايح فين
نهض مازن البيت
حسام هتكلم اهلك
مازن لاء
حسام مينفعش
مازن ده شيء يخصني
حسام انت عارف لو معملتش العملية دي هيحصل إي
يقاطعه مازن هو في أسوأ من العجز
حسام في طبعا الموت
مازن لا صدقني الموت اهون من اني أعيش عاجز
حسام يا مازن قولتلك ان بالمتابعة مع دكتور بإذن الله هتبقى احسن
مازن ده احتمال وفي احتمال كمان اني ممكن مفوقش بعد العملية ممكن اخوش في غيبوبة ووقتها مش هبقى حاسس بحاجة حواليا
حسام ليه التشاؤم ده
مازن انا بعيش على ارض الواقع
حسام طب ممكن نتكلم مع اهلك في الموضوع
مازن انسى يا حسام
حسام يا مازن دكتور حاتم بيقول ان انت في حالتك دي قدامك ست شهور ده لو معملتش العملية
صدم مازن من ما سمعه
امسك حسام بكتفي مازن ارجوك يا مازن فكر شوية في حياتك
مازن الموضوع مش قابل للتفكير يا حسام
حسام بدهشة حياتك مش قابلة للتفكير
مازن انا كده بفكر فيها
وابعد يدي حسام قائلا عن اذنك
وسحب مازن مفاتيحه وجواله وذهب لا يدري ماذا سيقول لاهله عن سبب غيابه فبالتأكيد انهم عرفوا انه خرج من الامس والأكيد انهم اتصلوا بأحمد أيضا فبدأ يفكر في كذبة
____________________________________
في بيت أحمد
أحمد طيب يا سليم شكرا لا معرفش ممكن يكون راح فين هبقى اكلمك حاضر سلام
وأغلق الخط بيأس
أحمد اكلم مين تاني انا
فوجد هاتفه الخليوي يرن بإسمصاحبي
أحمد يرد بسرعة انت فين يا مازن
مازن بابا وماما كلموك يسألوك عني صح
أحمد ايوه صح ممكن بعد اذنك تعرفني مكانك علشان اطمنهم
مازن لا انا رايح على الفيلا اهو خلاص وصلت أصلا انا بس كلمتك اطمنك
أحمد انت روحت فين يا مازن امبارح
مازن روحت عند واحد صاحبي
أحمد صاحبك مين
مازن واحد صاحبي يا أحمد كان تعبان شوية وفضلت معاه خلاص مش حكاية
أحمد انا كلمت كل اصحابنا يا مازن وكلهم اكدوا انك مروحتش لحد فيهم
مازن لا ده واحد صاحبي انت متعرفهوش
أحمد اسمع يا مازن انت ممكن تألف الحكاية دي على باباك ومامتك لكن انا لاء
مازن وانا هكدب عليك ليه يعني
أحمد علشان مش عاوز تقولي كنت فين
مازن سلام يا أحمد انا لازم ادخل اطمن بابا وماما
واغلق الخط ودخل الفيلا فهرعت اليه والدته واحتضنته
صفاء كنت فين قلقتني عليك
مازن معلش يا ماما كان في واحد صاحبي تعبان امبارح وفضلت قاعد جنبه لحد ما بقى كويس
صفاء طب كنت كلمنا او رد علينا حتى
مازن معلش يا ماما مسمعتش الموبيل فين بابا
صفاء راح الشغل وقالي اكلمه لما انت تيجي
مازن طيب انا هطلع اوضتي ارتاح
صفاء ابقى كلم أحمد طمنه
مازن حاضر
وصعد الى غرفته وجلس على سريره لا يدري فيما سيقضي ستة اشهر تبقت له
___________________________________
في فيلا فؤاد الحكيم اجتمعوا على الغداء معا
دارين يا سلام يعني انت عاوز ولد يا بابا
فؤاد ايوه انا عاوز حفيد
دارين وليه متبقاش بنت شبهي
تامر احنا ناقصين مش كفايا واحدة عندنا
دارين نعم
تامر ايه في ايه
فؤاد بس متصدعونيش
دارين منتاش سامع يا بابا
فؤاد بطل بقى يا تامر الله
تجاهله تامر
نظرت دارين الى شريف الجالس بحوارها فوجدته يتناول طعامه في هدوء غير مبالي بأحاديثهم
دارين شريف
نظر اليها ايه يا روحي
دارين انت مش معانا ليه سرحان في ايه
شريف لا يا حبيبتي انا معاكم
دارين طب ايه نفسك في ولد ولا بنت
شريف اللي يجيبه ربنا حلو
دارين مختلفناش بس قول انت عاوز ايه عادي يعني
شريف انا عاوز الاتنين يا دارين
دارين نعم عاوز توأم
شريف هههههه لاء انا قصدي اني عاوز الاتنين فاللي ييجي منهم انا راضي بيه
غضبت دارين لا تدري لماذا جاءت علياء ووضعت لها عصير جزر
دارين ايه ده
علياء ده عصير جزر مفيد ومغذي
دارين بعصبية شيلي البتاع ده من قدامي مبحبهوش
علياء بإنكسار طيب
شريف علياء استني انا عاوزه
فتركته له وانصرفت
دارين لشريف مقولتليش انك بتحب عصير الجزر قبل كده
شريف مفتكرش انك طلبتي مني قبل الجواز قائمة باللي بحبه ومبحبهوش
دارين قصدك ايه
شريف ولا حاجة انا مبحبش عصير الجزر يا دارين بس محبتش اكسفها
فؤاد انا هقوم انام تصبحوا على خير
صعد فؤاد الى غرفته
تامر مش عارف ليه نفسي مسدودة
دارين هو انت تقريبا غدا وعشا وفطار نفسك مسدودة
تامر اه بس سبحان الله بتفتح نفسي لما بتكوني مسافرة او أكون برا البيت
دارين من القلب للقلب
تامر لا والله
دارين اه والله
القى الشوكة والسكين اسمعي يا بت انتي مش علشان حامل تخنقينا
نهضت دارين ولا انت كمان تخنقنا
تامر ايه هو انا طابق على نفسك ولا ايه
دارين هو انت اول مرا تعرف
شريف خلاص يا تامر من فضلك دارين حامل
نهض تامر دي حاجة تخنق
وصعد تامر الى الطابق الثاني
دارين لشريف انا اتخنقت من تامر
شريف تحبي
دارين وليه هو ميسافرش
شريف وهو ايه اللي هيسفره يا دارين
دارين مليش دعوة اتصرف
شريف اسفره يعني يا دارين
دارين قولتلك اتصرف
شريف ربنا يسهل
وتركته دارين وذهبت الى الحديقة الخلفية
____________________________________
جلسوا يتناولون الغداء في احدى المطاعم معا
مصطفى خلصتوا نروح نجيب الشبكة
ريهام اه يلا
كتم مصطفى غضبه ونظر لنور خلصتي يا نور
شعرت بالخجل اه يلا بينا
نورهان حاسب يا مصطفى وانا هروح الحمام واجي
نور خوديني معاكي يا خالتو
ريهام وانا كمان
ذهبوا
دفع مصطفى الحساب غاضبا من تدخلهم في شيء لا يخصهم فهذا يخص نور وهو فقط
وذهبوا الى احدى محلات الذهب
وقفت نور حائرة
مصطفى مفيش حاجة عجباكي نروح محل تاني
نور بخجل لا هختار اهو
نورهان ايه رأيك في الخاتم ده يا نور
نور بإحراج حلو يا خالتو
مصطفى سيبيها يا ماما تختار
نورهان طيب يا حبيبي
نظرت له نور بحيرة
مصطفى يهمس لها لو اعرف انهم هيتدخلوا كنت جيت انا وانتي بس
ابتسمت نور فهمست له ميصحش كده يا مصطفى
مصطفى يبتسم هامسا يا سلام واللي بيعملوه ده يصح يعني
ضحكت نور طب بس بقى لحسن يسمعوا ويزعلو
مصطفى طب اختاري
نور انا بصراحة محتارة اصلها اول مرة
مصطفى يعني مشترتيش دهب قبل كده
نور لا اشتريت
مصطفى طب اعملي نفسك بتشتري دهب ذي اي مرة عادية
نور امممم
وبدأت تشاهد بعض الأشياء
مصطفى طب هساعدك
نور ياريت
امسك مصطفى احدى الاطقم الراقية
مصطفى ايه رأيك
نور لا مش حلو
ثم لفت انتبهاها بعض الاساور وأشارت الى احداها
نور دي حلوة اوي
مصطفى بإبتسامة لو سمحت نشوف دي
وأشار الى الاسورة التي اختارتها نور
أعطاها البائع الإسورة فأخذتها نور
فإبتسمت نور بفرحة خلاص يا مصطفى نأخد دي
مصطفى بإبتسامة طيب خودي حاجة كمان
نور لا خلاص كفايا دي
مصطفى انتي بتوفريلي يعني ولا ايه
نور لا خالص بس هي دي اللي عجبتني ولو فكرت اختار حاجة تانية هقعد للصبح
مصطفى يعني مش عاوزة اكيد
نور اه خلاص كده
فاختار مصطفى دبلتان واعطاها واحدة وارتدى الأخرى
نور بس احنا اتفقنا ان مفيش خطوبة
مصطفى بإبتسامة دي هدية مني ليكي بذمتك منفسكيش تلبسي دبلة
ابتسمت نور في خجل ونظرت أرضا
مصطفى شكلها مش عجباكي تنقي غيرها
نور لا لا دي حلوة اوي
ولبستها بسرعة
فدفع مصطفى الحساب وكانت نورهان و ريهام سعيدتان بمشاركة مصطفى لنور في الاختيار
وغادروا
_____________________________________
استيقظ مازن على صوت أحمد
مازن انت ايه اللي جابك هنا
أحمد قولت اجي اعرف انت كنت فين
مازن يا الله انا مش قولتلك
أحمد ما انا كمان قولتلك اكدب الكدبة دي على غيري
مازن انت ليه مصمم اني بكدب
أحمد مازن انسى هتقولي يعني هتقولي
مازن بإستسلام كنت في المستشفى تمام كده
أحمد محاولا إخفاء قلقه عملت تحاليل
مازن اه عملت علشان اخلص من زن حسام
أحمد وايه النتيجة
اعتدل مازن واسند ظهره الى الوسادة تمام الحمد لله التحاليل كويسة انا بس علشان كنت مضغوط فقالي ان انا مرهق شوية فلازمني شوية راحة
أحمد يعني انت قعدت طول الليل علشان الكلمتين دول
مازن مش تحاليل يا ابني
أحمد حاسس بشوية صدق في كلامك
مازن هي دي الحقيقة ومعنديش غيرها بس متقولش لبابا وماما
أحمد اكيد مش هقول المهم طالما حسام قال انك محتاج راحة يبقى هتقوم معايا دلوقتي نعمل اي حاجة تريح الاعصاب
مازن انا فعلا محتاج اريح اعصابي
أحمد يبقى قوم يلا اجهز
مازن طيب
نهض مازن واستعد وذهب مع أحمد
___________________________________
في المساء ظلت نور تنظر الى السوار وهي سعيدة وتدور في الغرفة سمعت طرقات على باب غرفتها فوضعت السوار على المنضدة وذهبت وفتحت الباب فوجدت والدتها
نور خير يا ماما
ريهام انتي قافلة على نفسك ليه
نور مفيش يا ماما عاوزة اقعد مع نفسي شوية
ريهام طب نورهان كلمتني علشان تظبطي شقتك انتي ومصطفى
نور بيتهيقلي ده شيء يخصني انا ومصطفى
ريهام يعني ايه
نور انا هبقى اشوف الموضوع ده واشوف امتى فاضية واروح
ريهام طيب بس متتهربيش يا نور
_________________________________
استعدت عائشة في صباح احد الايام فدخلت اليها هناء فوجدتها تستعد للخروج
عائشة خير يا نونو
هناء انتي اللي رايحة على فين كده
عائشة ما انتي عارفة اني هرجع البلد لبابا فقولت انزل اشتري كام حاجة علشان لما اجي تكون جاهزة
هناء ماشي يا حبيبتي تحبي اجي معاكي
عائشة لا ملوش لزوم
هناء طب خودي بالك من نفسك
عائشة ماشي يا حبيبتي سلام
هناء سلام يا حبيبتي
لم تجرؤ على اخبارها ان تبقى معها وانها متعبة للغاية فكونها ذاهبة الى والدها فهذا في حد ذاته هم فوق رأسها لا تقوى على تحمله وسيكون من الأفضل ألا تزيد الأمر عليها
_________________________________
تامر صفقة هايلة يا شريف مش كده
شريف صامت ويبدو انه يفكر
تامر شريف بكلمك شرييييف
افاق شريف من تفكيره ها بتقول حاجة يا تامر
تامر انت سرحان في ايه
شريف مفيش قلقان الأيام دي على دارين
تامر انت هتمثل
شريف قصدك ايه
تامر انا ملاحظ ان معاملتك اتغيرت بقيت بتمثل انك بتحبها قدامنا او قدامها أيا يكن بس واضح جدا ان في حاجة تانية جوا منك
شريف بعد لحظات بص هو انت كلامك صح بس انا مش بمثل اني بحبها لاني فعلا بحبها بس هي بقالها كام يوم متغيرة كده فده مضايقني
تامر دارين مبتتغيرش يا شريف انت بس اللي متعرفهاش كويس
شريف يمكن وهو في النهاية انا مش مرتاح محتاج أتكلم معاها بس مش عاوز اضايقها وهي حامل
تامر هي بتحس على دمها أصلا
شريف بإنزعاج تامر من فضلك لو تكرمت متضايقش دارين تاني انا خايف على الجنين
تامر خايف على الجنين ومش خايف عليها
شريف هي مش هتتأثر بكلامك لانها بترد عليك وبتحرق في دمك هي كمان بس انا خايف من تأثير كلامك اللحظي على نفسيتها اللي ممكن بدوره يأثر على الجنين
تامر طيب يا شريف انا هسبلكوا الفيلا وامشي
شريف تامر انا مق
تامر يقاطعه خلاص يا شريف انا هسيب الفيلا علشان اخلص أصلا من حوار الحمل السخيف ده
شريف انا مش عاوزك تزعل مني بس ده ابني او بنتي في النهاية حتة من روحي وخايف عليه
تامر مش زعلان منك بس بلاش الحب الاعمى ده
شريف قصدك ايه
تامر قصدي افتح عينيك
شريف انت عاوزني اروح اتخانق مع دارين ولا ايه
تامر لا عاوزكوا تتكلموا مش اكتر
شريف ما انا عارف والله وهنتكلم بس اما تولد بالسلامة
تامر طيب انت هتروح امتى
شريف شوية وقايم
تامر بدري يعني النهاردة
شريف هحاول أكون جنبها الفترة دي
تامر طيب وانا هبقى اروح متأخر وأخد حاجتي وامشي
شريف هتقعد فين
تامر في أي فندق
شريف طيب واسف يا تامر
تامر مفيش حاجة يا شريف أصلا كده احسن
___________________________________
في فيلا فؤاد الحكيم
في غرفة دارين كانت ممدة على السرير تتصفح احدى المجلات سمعت طرقات على باب غرفتها
دارين ادخل
دخلت علياء واحدة اسمها نور تحت مستنياكي
دارين خليها تطلعلي
علياء حاضر
وبعد لحظات جاءت نور واحتضنت دارين وقبلتها ثم جلست على طرف الفراش بجوارها
نور وحشتيني يا دودو
دارين وانتي كمان يا حبي امال بقالك مدة غايبة
نور معلش يا حبي مشغولة شوية
دارين طيب
نور عاملة ايه
دارين كويسة وزعلانة منك
نور ليه بس
دارين بقى تتخطبي ومتعزميش على الخطوبة
نور انا معملتش خطوبة أصلا احنا لبسنا الدبل وانا بنقي الشبكة
دارين ليه معملتوش خطوبة
نور ملهاش داعي تقريبا نفس حالتك انتي وشريف كده
دارين قصدك ايه
نور قرايب علشان كده معملناش خطوبة
دارين بجد مين
نور مصطفى ابن خالتي
دارين مصطفى حاسة اني سمعت الاسم ده قبل كده
نور طبعا ما انتي حضرتي خطوبته هو ونسمة قبل كده
دارين بتذكر اه صح
ثم اردفت طب ازاي خطبك
نور هو ونسمة انفصلوا وارتبطنا
دارين اها المهم مبسوطة
نور هو مصطفى كويس يعني مفهوش عيب
دارين يعني مبسوطة
نور اه الحمد لله وبجهز في الشقة حاليا وقريب هنكتب الكتاب بس هنأجل موضوع الفرح ده شوية
دارين ليه ما تكتبوا الكتاب يوم الفرح
نور لا انا شايفة انه احسن نكتبه قبل الفرح علشان نظبط انا وهو الشقة سوا بدل ماما وخالتو اللي بييجوا معانا ومخليني متوترة ومش عارفة اختار
دارين ههههههههههه هنبدأ شغل الحموات
نور هههههههههه شكلها كده
وبدا على دارين ملامح الحزن
نور مالك
دارين مفيش اه صحيح نسيت تشربي ايه
نور مش عاوزة اشرب حاجة احكيلي مالك
صمتت للحظات واخذت نفسا عميقا
دارين انا عاوزة اتطلق
نور ايه ليه
دارين علشان مش مرتاحة يا نور
نور وليه مش مرتاحة
دارين معرفش بس انا مش مرتاحة مع شريف ولا عمري هرتاح معاه
نور ووافقتي ليه من الأول لما انتي عارفة ان عمرك ما هترتاحي معاه
دارين افتكرت انها احاسيس سلبية بسبب التوتر قبل الجواز بس مش قادرة فعلا
نور دلوقتي مش قادرة بعد ما بقيتي حامل وخلاص قربتي تولدي
دارين انا ماكتشفتش ده غير من فترة بسيطة وكنت بكذب نفسي دلوقتي بس اتأكدت انها خلاص خلصت
نور وده معقول يا دارين
دارين يا نور افهميني انا افتكرت شريف انسان كويس وممتاز ومفيش ذيه فوافقت عليه
نور وهو طلع مش ممتاز ولا ايه
دارين بالعكس شريف اكتر من ممتاز بس المشكلة انه مش شبهي ميعرفش يعيش حياتي ولا انا اعرف أعيش حياته
نور ولما انتي عارفة كده مطلبتيش الطلاق ليه
دارين كنت فاكرة اني هحبه بس مقدرتش احبه حاولت ومقدرتش لقيت نفسي في الآخر بمثل عليه وعلى نفسي
نور بس الجنين خلاص هييجي علشانه استحملي
دارين وانا مين يستحمل علشاني
نور شريف مش معذبك يا دارين علشان تطلقي
دارين انا متعذبة وانا عايشة ومش بحبه ومش قادرة احبه ومش مرتاحة معاه وخلاص مش هقدر امثل اكتر من كده
نور يعني هتكلميه
دارين لازم طبعا اكلمه
صمت الاثنان
فغيرت نور الموضوع اخبار الحمل ايه
تحسست دارين بطنها بسعادة اول مرة احس اني فرحانة اوي كده رغم اني خايفة برضو من المسؤولية اللي هشيلها دي بس متحمسة اوي اني اشيله بين ايديا
ابتسمت نور بحب تولدي بالسلامة
دارين يا رب
نور انا هقوم امشي بقى
دارين ليه ما انتي قاعدة
نور لا هقوم علشان عاوزة اروح وعندي شوية مكلمات هعملها بخصوص الشقة
دارين طيب سلام يا حبيبتي
نور سلام
وتبدلا القبلات وذهبت نور
وبعد دقائق دخل شريف ويبدو غريبا بعض الشئ
دارين مالك يا شريف
لم يتحدث واخرج حقيبة من الخزانة وبدأ بوضع ملابسه
دارين بحيرة شريف انت بتعمل ايه
شريف عندي سفرية شغل يا دارين
دارين سفرية شغل جت امتى دي
شريف دلوقتي
دارين هتطول
شريف معرفش
دارين يعني ايه متعرفش هو مين هيسافر
شريف انا اللي هسافر
دارين وازاي متعرفش
شريف يعني ممكن تطول يا دارين
دارين طب قولي مدة مبدئية
شريف خلاص يا دارين هتأخر كده
دارين تراقبه وهو يرحل في صمت اوقفته عند الباب
دارين شريف
توقف ولم يلتفت اليها عاوزة حاجة
دارين انت كويس
صمت للحظات ثم قال تمام
انا تمام
ورحل شريف ودارين في حالة دهشة من غرابته
________________________________
ركب شريف سيارته ليغادر وتذكر الحديث الذي دار بين نور ودارين والذي استمع اليه
شريف مش بتحبني مش قادرة تحبني طب ليه ده انا بعمل كل حاجة علشان تبقي مبسوطة طب ليه تخدعيني يا دارين ليه خليتي النهاية بالوجع الجامد ده ليه مخلتيش الفراق يكون اهون من كده
ونزلت الدموع من عينينه خلصت هي فعلا خلصت ومش هقدر اسامحك يا دارين
وانطلق بسرعة
________________________________
في فيلا كمال
في غرفة مازن طرق أحمد الباب ودخل
أحمد وحشتني قولت اجي اشوفك
فوجد كمال
أحمد بإحراج اسف يا عمي معرفش انك هنا
كمال بتوتر كويس انك جيت مازن دخل الحمام ومبيردش عليا
اقترب أحمد وطرق الباب مازن انت كويس
خرج مازن ويبدو عليه التعب من القئ
كمال بخوف مالك يا حبيبي
مازن مفيش يا بابا عندي برد
كاد أن يسقط فأسنده أحمد إلى فراشه
أحمد انا هجبلك دوا علشان البرد
مازن بسرعة لا يا أحمد انا اخدت دوا خلاص
أحمد بشك اكيد
مازن اه حتى الحرارة نزلت
أحمد بعدم اقتناع طيب
مازن انت كنت جاي ليه
أحمد ابدا جيت اتفق معاك على خروجة بس واضح انك تعبان
مازن لا انا كويس خلينا نخرج النهاردة
أحمد ليه خليك مرتاح
مازن يا عم انا كويس
أحمد طيب تحب نخرج امتى
مازن لما اصحى هكلمك
أحمد طيب تصبح على خير يا صاحبي
مازن وانت من اهله
وذهب أحمد وكمال
وفتح مازن الدرج بجواره واخرج احدى المسكنات ليسيطر على ذلك الألم الشديد برأسه والذي اصبح يزيد
_________________________________
في شركة عماد
انتبه فارس لصوت هاتفه الخليوي
فارس الو
شادي فارس حبيبي ازيك
فارس بإنزعاج الحمد لله ازيك انت
شادي مال صوتك
فارس ابدا مخنوق
شادي من ايه
فارس مفيش بابا لسه مرجعش من السفر ومتصلش
شادي كلمه انت
فارس يعني دي هتفوتني مثلا يا شادي
شادي يعني يمكن جالك زهايمر ولا حاجة
فارس انا تقريبا هقفل علشان عندي معاد مهم
شادي خلاص يا فارس انت مالك بقيت بتقفش بسرعة كده ليه
فارس انت اللي دمك تقل في شهر العسل
شادي احلى أيام حياتي يا فارس
فارس ربنا يسعدك
شادي ربنا يخليك يا حبيبي طب ما تبعتله رسالة طيب
فارس هشتم بجد
شادي انت عملت كل حاجة يعني خلاص
فارس اكيد مش هسيب حاجة يعني
شادي طب مفيش حد هناك معاه انت تعرفه تكلمه تسأله عنه
صمت فارس وبدأ يفكر
شادي دي كمان عملتها
فارس لاء بس بفكر مين ممكن يكون معاه لاني مش فاكر حد الصراحة يعني
شادي طب فكر بس كده وانت اكيد هتلاقي
فارس هحاول
شادي اكيد مشغول
فارس ما هو بينشغل وبيكلمني عادي يعني
شادي متقلقش يا ابني
فارس مش قلقان هو كده كده مفيش حاجة وحشة الحمد لله وده في حد ذاته حاجة كويسة هو بس مستغربه
شادي اها طب بقولك انت شوفت الرسالة اللي بعتهالك النهاردة
فارس اه شوفتها تيجوا بالسلامة
شادي هتيجي ولا ايه
فارس اه ان شاء الله جاي
شادي فارس متكسفنيش وتلطعني في المحطة
فارس ههههههههه لا متقلقش جاي
شادي طيب سلام
فارس سلام
واغلق فارس الخط ونهض متجها الى مكتب عماد فقابل وليد في طريقه
فارس وليد
وقف وليد نعم
فارس انت مكنتش بتيجي الفترة اللي فاتت دي ليه
وليد مشغول شوية
فارس طب بص بالنسبة للموضوع اللي كنت كلمتني فيه قبل كده علشان المطعم انا بعتذر لك
وليد حصل خير
فارس وعلى فكرة انا هشتغل على الموضوع
وليد انت مش مجبور
فارس عارف ده كويس بس انا عاوز
وليد بإبتسامة طيب شكرا
فارس بإبتسامة العفو
وليد طب خلينا نتواصل
فارس طيب هات رقمك
وتبادلوا الأرقام
_________________________________
في فيلا فؤاد الحكيم وقت الغداء
وضعت علياء اخر الاطباق على الطاولة
فؤاد آمال فين تامر ودارين
علياء دارين هانم قالت هتتغدا في اوضتها وتامر بيه في اوضته
وذهبت علياء الى المطبخ
نزل تامر من الطابق الثاني وبيده حقيبة سفر ففوجئ فؤاد
فؤاد ايه الشنطة دي
تامر هسيب الڤيلا في مانع
فؤاد هتروح فين بس
تامر سبني اعمل اللي يريحني وبلاش أسئلة كتير علشان غالبا مش هتلاقي إجابة
فؤاد بإستسلام طب اقعد اتغدا قبل ما تمشي
تامر مليش مزاج اتخانق مع حد على الغدا هتغدا برا احسن
فؤاد قصدك دارين
تامر مظبوط
فؤاد هي هتتغدا في اوضتها اقعد بقى يا تامر
بعد تفكير جلس تامر لتناول الغداء
____________________________________
ذهبا سويا لركوب الخيل وقت غروب الشمس
أحمد انت متأكد انك كويس
مازن مالك يا ميدو ما قولتلك انا تمام
أحمد طيب ولو اني مش مقتنع
مازن انت حر انا شخصيا جاي استمتع بركوب الخيل ومنظر الغروب
أحمد طيب يا سيدي يلا نركب خيل
واختار كل منهما حصانا
وبينما هما يستمتعان تعلق نظر مازن بالغروب وشرد فيه وفجاءة اصطدمت ارجل الحصان بإحدى الحواجز فسقط مازن على رأسه فأوقف أحمد حصانه ونزل الى مازن سريعا فوجده يتشنج
_____________________________________
وصل فارس الى المحطة وقابل شادي وليلى
فارس حمدا لله على السلامة
شادي الله يسلمك
فارس العربية من هنا تعالو
شادي استنى استنى
فارس ايه
التفت شادي الى ليلى واخذ حقيبتها منها هاتي يا ليلى
واعطاها الى فارس شيل يلا
فارس اه معلش مخدتش بالي
ليلى خفيفة على فكرة مفيش داعي
فارس لا ازاي انا بس اللي مخدتش بالي
شادي طب شيل يا سيدي
فارس ههههههههههه ورايا
شادي طيب
وتقدمهم فارس وهم خلفه
ليلى ايه
متابعة القراءة
