رواية أحببته رغما عني( كاملة جميع الفصول)بقلم إسماعيل موسي
انت هتكتب على العروسه إلى اخترتها ليك يا خالد
حاضر يا آمى هى حلوة
رمقته والدته بنظرة صارمه جعلته يطاطيء رأسه نحو الأرض
وانت مالك
اسف يا آمى
تصعبت فريده بصرامه البنت جميله وبنت أصول بس اياك توافق وتركت الكلمه معلقه
فى بيت الشربينى تم كتب الكتاب شيماء كانت سعيده بحماتها إلى اخترتها لأبنها الوحيد
كانت عارفه انه ابن آمة لكن مكنش مهم بالنسبه ليها حماتها بتحبها ومن اول لقاء أعلنت انها هتبقى زى بنتها
وعلى عكس توقعها الفرح كان كبير جدا وصاخب وضرب نار وزفه صعيدى ملهاش اخر فرح امتد حتى الساعات الأولى من الصباح.
يلا يا خالد خد عروستك واطلع على فوق
حاضر يا آمى
على باب البيت الكبير لمحت شيماء رجلين مسلحين كأنهم بيحرسو مخزن او مزرعه
مر خالد بين الرجلين مع زوجته ارتفعت اصوات الرجلين الف مبروك يا خالد
فى رواق البيت رأت شيماء رجل جلف مفتول العضلات يرتدى جلباب صعيدى يدخن سيجاره ويرمقها بنظره مستفزه
صعدت شيماء شقتها انا هغير هدومى يا خالد.....
غيرت شيماء هدومها وخرجت كان خالد قاعد فى الصاله
وبعد لحظات الباب خبط فتح خالد شافت شيماء الشاب إلى كان قاعد فى البيت بيدخل الشقه
همس الرجل يلا اخرج انت يا خالد
رفعت
خالد قال خلينى قاعد لكن الشاب بصله بصرامه نظره قويه خلاه يبص على شيماء ويسيب الشقه ويطلع تحت نظرات شيماء المرعوبه والمصدومه.
احببته_رغما_عنى
٣
صرخت شيماء ولد ايه وزفت ايه يا ست يا مجنونه انتى بتهببى تقولى ايه
اسكتى انتى زجرتها فريده كأنها ذبابة اعملى المطلوب منك من سكات ومن غير شوشره
المطلوب منى هو انتى فاكارانى ايه بالضبط
انا مراة ابنك عارفه يعنى ايه مراة ابنك
اقتربت فريده من الشباك راقبت الشارع بغضب مكبوت دون أن توليها اى اهتمام ثم همست
قاعدين كلكم مستنيين واحنا وش الفرج يا اولاد الكل..
لكن ورحمة امى ما اخليكم تفرحو فيا ولا فى ابنى تانى يا عبد الكريم
دارت الدنيا بشيماء حتى اللحظه لا تصدق ان ما يحدث معها حقيقه..
برم شديد شاربة الفخم ورسم على وجهه ابتسامة شكرى سرحان ومصمص شفتيه
صرخت فريده انت بتعمل ايه يا زفت انت يلا خلص
حاضر يا حجه حاضر انا خايف على المزمزين بس
لا متخفش همست فريده بصوت مبحوح زيها زى غيرها
ركضت شيماء تجاه الشرفه يا بابا يا ماما
شديد احنا هنهرج ولا ايه خلص... حاضر يا حجه
صرخت شيماء انتو مجانين حرام عليكم
انا عايزه خالد عايزه
احببته_رغما_عنى
٤
همس الرجل انا جابر يا حجه!
مكنش فيه اى طريقه او حل شيماء أيقنت بكده
قالت بصوت واطى طيب سيينى ادخل الحمام لكن شديد منعها
يا حماتى عايزه ادخل الحمام...
يعنى خلاص وافقتى ايوه يا حماتى ادخل الحمام بس
سيبها تدخل الحمام يا شديد
داخل الحمام شيماء دورت على اى حاجه تقتل بيها نفسها
لكن فريده كانت مخططه لكل حاجه ومفيش اى اداه
قالت بصوت مسموع حاضر يا حماتى عندى مغص جامد بس وتعلقت بالشباك وبصت لتحت لقيته بيوصل على شارع جانبى ركبت فوق الحوض ومن غير تفكير رفعت جسمها ورمت وسطها بره الشباك مفكرتش انها ممكن توقع او تموت كان كل همها تهرب من الشقه.
اتعلقت بالشباك ورجليها فى الفراغ لحد ما وقفت على ماسورة كانت فى الطابق التانى والأرض مش بعيده اوى لكن آخر الماسوره الدور الأرضي يعنى لو قفزت رجلها هتتكسر او هتموت
وصلت شيماء لأخر نقطه وتعلقت بالماسوره وجسمها تأرجح فى الهواء جسمها المرتعش وعضلاتها الضعيفه ما اسعفتهاش تقعد أكتر من كده وكانت عارفه انها بين لحظه والتانيه هتقع على الأرض وحياتها هتنتهى
انت يا اخ انت همست شيماء بصعوبه ساعدنى انزل
همست شيماء على شخص كان واقف بيبص عليها وكانت اول مره تلاحظ انه موجود.
تردد الشخص شويه ومتحركش من فضلك الحقنى انا هقع على الأرض وأموت
رمى الشخص ده السيجاره ومشى ناحيتها انا المفروض معملش كده ولا اتدخل فى حاجه
بقلك هموت انت ايه مش بنى ادم
رفع الشاب ايديه وسمح لشيماء تنزل عليه لحد ما شالها وحطها على الأرض وهو بيتلفت حواليه
رايح فين همست شيماء على الشاب إلى سابها اول ما رجلها وصلت الأرض وكان ماشى
وقف هانى ساعدتك ذى ما طلبتى وماشى وكان بيبص على أول الشارع
تمشى تروح فين انا لازم اهرب وانت هتساعدنى رجلى على رجلك
مقدرش اساعد واحده هاربه من بيت جوزها همس هانى بخجل
الحقد إلى فى قلب فريده مش هيخلص ليوم الدين
كرهها وحبها لانتقامها مننا ومن والدى مش هيخلص ابدا
احلفى ان دا حصل
حلفت شيماء والله العظيم جايبين واحد غريب فى الشقه يدخل عليه وجوزى عارف حماتى عارفه
تعالى معايا والى يحصل يحصل جذب هانى شيماء من ايدها وتسحبو تحت جدران البيوت خليكى هنا لحظه متتحركيش انا راجع تانى
مفيش دقيقه وهانى رجع البسى ده بسرعه وحط توب اسود فى ايد شيماء
انا البس ده استغربت شيماء رغم عنها
ايوه هتلبسيه وبسرعه لو كنتى عايزه
انا عمرى ما لبست عبايه هلبس ده
اخلصى صرخ هانى وهو بيدوس على ايدها
