رواية سر البيت القديم (كاملة جميع الفصول) بقلم اماني سيد
المحتويات
ساره بفتح الهاتف الخاص بها وقامت بعمل حساب باسم ليل عبد الغفار وبحثت منه عن اختها وبالفعل وجدتها وارسلت لها الرساله التى قالتها ليل
ساره انا كده عملت اللى قولتيلى عليه اهو وبعت الرساله بس اختك شكلها حلو اوى انتى كنتى حلو كده
ليل انا وهى كنا تؤام متماثل بس هى مليانه شويه عنى
ساره تمام اعمل ايه تانى
ليل لما ترد اطلبى انك تكلميها مكالمه صوتيه و صورى منظر البيت من بره وقوللها الصندوق لسه مكانه انا مفتحتوش مستنياكى لما تيجى عشان تفتحيه
ساره صندوق ايه ده
ليل صندوق كنت كاتبين فى الامانى اللى بنحلم بيها ودفناه واخدنا وعد على نفسنا إننا منفتحوش غير مع بعض ودفنينه فى مدخل العمارة تحت البلاطه التالته و اتفقنا ان محدش يعرف الموضوع ده غيرنا انا وهى فقط
ساره خلاص ماشي اول ماترد عليا هكلمها اطمنى انتى انا بقى هدخل انام لانى تعبانه جدا من شغل البيت والسهر منا مكنتش بنام وبكره نتقابل فى نفس معاد انهارده
ليل ماشى يا ساره تصبحى على جنه وراحه بالى
اغلقت ساره النافذه ودخلت حجرتها وخدلت للنوم
استيقظت اليوم التالي فى نشاط وقامت بتحضير الطعام لها ولاسرتها الصغيره إلى أن اتى زوجها
سامح صباح الخير يا ساره
ساره صباح الخير يا حبيبي
سامح شايفك بطلتى تشتكى من العفاريت
ساره هههههههههههه بقينا اصحاب انا وهى
سامح ساره انا اعصابى بتبوظ ارحمينى
ساره ماتخفش يا سامح والله البنت طيبه جدا حتى حقها من اللى ظلمها سيباه على ربنا كل امالها انها تدفن هى وابنها اللى مات فى بطنها
سامح ماتسيبك بقى وتعالى نمشى من البيت
ساره لأ لما احل للبنت دى مشكلتها الناس هى اللى هتيجى تسكن هنا مره تانيه
سامح انا خايف عليكى
ساره لو كانت عايزه تاذينى كانت اذتنى متقلقش عليا
قام سامح بتناول فطوره وخلد للنوم وقامت ساره بعمل روتينها اليومى من تنضيف وتحضير الطعام وجلست تتابع عملها عبر الانترنت إلا انها وجدت رساله من ليلى اخت ليل قامت ساره بالإجابة فورا على رساله ليلى التى كانت عبارة عن
ليلى كده يا ليل اهون عليكى تختفى الفتره دى كلها وتسبينى قلقانه عليكى حاولت اكلمك واوصلك بكل الطرق معرفتش وبعت اصدقاء ليا فى بيتنا القديم محدش للاسف عرف يوصلك
ساره بعتتلها رساله وطلبت منها انها تكلمها مكالمه صوتيه
وبلفعل ليلى وفقت فورا وكلمتها
ساره السلام عليكم
ليلى انتى مين انتى مش ليل
ساره انا ليل اختك للاسف مش هتعرف تكلمك وبعتانى ليكى
ليلى وانا اضمن منين انك من طرف ليل
ساره باماره الصندوق المدفون في مدخل العمارة هى قالتلى ابلغك بده
ليلى اختى فين ليل فين هى كويسه
ساره ساكته مش عارفه تتكلم او تقولها ايه فقررت انها تحكيلها كل حاجه بالتفصيل
ساره بصى يا ليلى انا هحكيلك الحكايه كلها بالتفصيل انا عارفه انك ممكن ماتصدقينيش بس انا للزم اقولك افتحى كاميرا الموبايل
فتحت ليلى كاميرا التليفون وساره كمان وكلمتها وهى واقفه قدام شقتهم القديمه مباشره
ليلى دى شقتنا القديمه بس المكان بقى عامل كده ليه ومهجور اوى ليه كده بقى زى بيت الاشباح
ساره بصى ارجوكى اسمعينى للاخر بدون مقاطعه
حكت ساره كل شئ اخبرتها به ليل بدايه من جوازها لعملها فى بيت زوجها كخادمه بناءا على رغبه زوجته الثانية الى حملها وحبسها فى الشقه الى ان توفت
ليلى انتى بتقولى ايه وازاى ليل عاشت كل ده ليه مكلمتنيش عشان ارجعلها ليه استحملت العذاب ده كله لوحدها ليه
سكتت شويه وبعدين بصت لساره
وانتى عرفتى كل ده منين
ساره من اختك نفسها
انتى شايفه الشارع والبيوت دى كلها مهجوره ليل اختك روحها لسه فى المكان وكل الناس فاكره ان المكان مسكون وسابوا بيوتهم باللى فيها وهربوا محدش
ليلى وانتى معملتيش زيهم ليه
ساره لانى لسه ساكنه في البيت مكملتش اسبوع ومكنتش اعرف اى حاجه غير بد ما استقريت
ليلى ومابلغتيش البوليس ليه
ساره ممكن يفتكرونى ان انا اللى عملت كده فيها محدش هيصدق كلامى
ليلى بصى
ليلى اسالى ليل بابا كان هيسمينا ايه واحنا صغيرين او كان بيندهلنا بإسم ايه لو كلامك صح تانى يوم هكون موجوده في مصر وهاخد حق اختى من كل اللى ظلموها وليكى مكافأة كبيره اوى عشان ساعدتينا
ساره انا مش محتاجه مكافأة ولا حاجه انا يهمنى انا تتكرم وروحها ترتاح
اغلقا ليلى الهاتف ودخلت فى نوبه بماء شديده واقسمت أن تأتي بحق اختها من كل من ظلمها دون استثناء ولكن يجب ان تتأكد أولا من صدق ساره
اما عند ساره
اغلقت ساره مع ليلى وانتظرت الليل يأتي كى تقابل ليل وتحكى لها ما حدث مع اختها
جه وقت الليل والنور فصل وخرجت ساره الشرفه لتقابل ليل
ليل كلمتى ليلى طمنيني
ساره اه وكانت بتدور عليكى طول الفترة اللى فاتت وبعتت ناس يسالو عليكى لكن محدش عرف حاجه
ليل صدقتك لما حكتيلها
ساره قالتلى أسألك سؤال لو جوبت صح هتصدقنى لو جوبت غلط يبقى انا كدابه فى كل حاجة قلتها
ليل قالتلك بابا كان مسمينا ايه واحنا صغيرين
ساره صح انتى كنتى معانا
ليل لأ خمنت عشان كنا بنتضايق وكنا بنحلفه مايقول اسماءنا دى قصاد حد
ساره ليه كان بيقولكم ايه
ليل ريه وسكينه
ساره ازاى مايبنش عليكى
ليل انتى ماتعرفيش ليلى امانه عليكى قوللها اختك بتقولك بلاش تتسرعى خافى على نفسك انا خلاص انتهيت هى لسه قدامها حياتها
بقلم اماني السيد
ساره حاضر هبغلها ماتقلقيش
بس انتى ليه قبلتى تعيشى فى العذاب ده كله ازاى مكنتيش بتاخدى موقف ايه اللى كان جابرك
ليل عشان انا كنت مريضه
وده سبب خوف بابا عليا وانه مخلانيش اسافر مع اختى
ساره عندك ايه قصدى كان عندك ايه
ليل ....
يتبع
البارت الرابع والخامس
ساره إيه ده انتى كنتى مريضه
ليل أه كنت مريضه قلب والمفروض كنت اعمل عمليه قلب مفتوح
ساره طيب ليه معملتيش
ليل كان بيقولى مش معايا فلوس واصبرى عليا الشقه اللى اتجوزنا فيها اخدها بعها ولما رحت عشت معاهم عرفت إنه اشترى شقه باسمها وشقه مصيف
ساره عارفه يا ليل انتى تستهلى اللى حصلك ليه تبقى ضعيفة كده ليه لما مراته قالتلك الحقيقه من الاول ماسبتهوش وكلمتى اختك تساعدك او تسافريلها
ليل خفت ابقى عبء عليها بابا وماما رفضوا زمان انى اسافر معاها خافوا تتحمل مسؤولية كبيرة عليها لو جرالى حاجه وهما مش جمبى
جوزى لما كان بيدينى حبوب منع الحمل واكتشفت ده اتحجج بانه خايف عليا لكن الحقيقة هو مكنش عايز أى رابط بينا وانا عملت نفسى مصدقاه قولت انا كده كده مش هقدر احمل واخلف أصلا لما عرفت انى حامل وكلمته عشان كنت عايزه اجهض الجنين بس هو رفض انى اعمل كده فى المستشفى عشان كانوا هينقذونى ولما اجهضت انا كنت فى اوائل الحمل لسه يعنى اى واحده تانيه الموضوع كان هيبقى سهل عليها ومش هتحتاج مستشفى اصلا لكن عشان حالتى هو عارف انوا خطر وانى هموت فاهمه يعنى هو قاتلنى وهو عارف حالتى كويس سابنى انا وابنه لحد ما اموت
حتى مهنش عليه انه يكفنى او يغسلنى لو كان بلغ مكنش هيبقى عليه أى مسئولية لكن هو اختار انى اتعذب وانا حيه ووانا ميته
انا جسمى ضعيف ضعيف يا ساره مكنتش هعرف ادافع حتى عن نفسى خوف اهلى الزايد عليا بسبب مرضى طلعنى انسانه ضعيفه الشخصية انا بس مكنتش ماشيه جمب الحيط انا كنت ماشيه جوه الحيط وبرضه اتاذ يت اذ ى جامد اوي والنتيجة زى مانتى شيفه
عكس ليلى اختى طول عمرها كانت السند ليا وبتاخد حقى من اى حد يزعلنى لانها اتربت على كده بابا وماما مكنوش بيخافوا عليها ادى هى كانت ممكن تخرج وتسافر وتعمل اللى هى عايزاه عكسى
ساره عارفه ماينفعش الاهل ياخدوا المرض حجه لو حد من أطفالهم مرض ويعلموا يبقى سلبى ويخافوا عليه وقتها لو مامتش من المرض هيموت من القهر ومن الناس
ربنا يرحمك يا ليل وبإذن الله قريب روحك هترتاح وحقك هيجى
ليل النهار قرب يطلع وانا هختفى
دخلت ساره نامت وتانى يوم اتصلت بيها ليلى
ليلى
ساره وعليكم السلام
ليلى ها كلمتيها زى ما بتقولى
ساره اه سالتها بس تصدقى نسيت اسألها كان بيقول لمين ريه ومين سكينه
ليلى انا ريه . انا حجزت تزكره وجايه دلوقتي في المطار بكره زى دلوقتي هكون عندك
انتهى اليوم بدون احداث جديده وفى المساء أبلغت ساره ليل بعوده اختها ليلى وانها اليوم مجهده ولا تستطيع التحدث معاها وسوف تقابلها غدا
فى الجهه الاخرى عند ليلى
اتصلت بصاحب الشركه التى يعمل بها زوج ليل السابق وطلبت ان تشاركه وانها سوف تدفع له بالعمله الصعبه وانها تريد دمج شركتها في مصر مع شركتها فى امريكا وحددت معه موعد لمقابلته والتحدث بخصوص العمل
قررت ليلى العوده الى بلدها مصر واخذ سامح من زمان جيران لكن اول مره ادخل الشقه هنا واشوف شقتنا من بره دايما بشوف الشقه دى من شقتنا بس سامح واهله ناس محترمه ربنا يباركلمكم في حياتكم
ساره امين بقولك ايه هتبلغى البوليس امته
ليلى اشوف اختى للمره الاخيره بليل وبكره الصبح هتصل بالبوليس
ساره طيب المفروض انك تفتحى الشقه الاول
ليلى منا هعمل كده ماتقلقيش عليا انا من ساعت مكلمتينى وانا بحط ابشع الصور فى خيالى عشان اقدر اتقبل اى منظر ممكن اشوفه
ساره بصى يا ليلى انا عارفه انه صعب بس
ليلى من غير ماتتكلمى فهماكى واقسم بالله ورحمه كل متوفى غالى على قلبى انى هاخد حقها وهريح روحها ماتقلقيش
ساره انا معاكى فى اى حاجه
ليلى شكرا ليكى يا ساره
اتى الليل وكالعادة جهزت ساره الشموع واخلدت ابنها للنوم وانتظرت انقطاع التيار وبالفعل انقطع التيار الكهربائي ودخلت ساره وليلى الى الشرفه ووجدت ليلى ليل امامها
ليل وحشتيني اوى يا ليلى كان نفسي اشوفك واكلمك واقولك اللى بيحصلى بس كان واخد منى الفلوس والتليفون عشان ماستنجدش بحد انا اتظلمت اوى يا ليلى واللى ظلمنى اللى امنت على نفسى عليه وحبيته طلع بيستغلنى
ليلى وعد عليا يا ليل لجبلك حقك اكتر مما ممكن
تتصورى ارتاحى يا حبيبتي ارتاحى وحقك هيجيلك بزياده
ليل انا واثقه فيكى وعارفه انك تقدرى بس عايزه اطمن عليكى بلاش ترمى بنفسك فى التهلك ه
ليلى ماتخافيش عليا انا رجعت عشان اخد حقك مش عشان اأذى نفسى يا سكينه
ساره النهار بدأ يطلع واختك هتختفى
ساره اخدت ليلى لغرفة الاطفال لكى تأخذ قسط من الراحة والاستعداد لليوم الجديد
وساره دخلت بجانب ابنها وخلدت للنوم وقامت بضبطت المنبه لكى تستيقظ مبكرا قبل قدوم زوجها
عاد سامح وابلغته ساره بوجود ليلى ولم يعلق سامح لكن اوضح استياءه لما يحدث لكن ساره طلبت منه أن لا يحرجها وان الموضوع سوف ينتهى اليوم بإذن الله
استيقظت ليلى ووجدت ساره تجلس مع سامح جلست معهم وتحدثت معهم انها سوف تشارك في شركه هنا وعندما علمت ان سامح خريج كليه تجاره وعدته بوظيفه مرموقه بمرتب مجزى وانها سوف تحتاجه كثيرا فى عملها لانها لا تعرف أحد هنا ولا تثق فى احد غير ساره بسبب ما فعلته مع اختها
لها
البارت الخامس
نتهت مراسم دفن اختها ثم ذهبت لقسم الشرطة واعطت اقوالها واوضحت ان اختها منفصلة عن زوجها من سنتين ولم يكن يعلم انها حامل لان اختها مريضه قلب والحمل خطر على قلبها
انتهى التحقيق ولم يتم عمل محضر به
خرجت ليلى من القسم وذهب للفندق بدلت ملابسها وذهب لموعد العمل
قابلت ليلى نعمان صاحب الشركه وابنه أدهم وقدمت لهم اوراق شركتها وخطت العمل التى تسعى لها والهدف من دمج الشركتين
أدهم بصى يا انسه ليلى مبدئيا انا معنديش اى مشكله في الشراكه معاكى
نعمان انا كمان عجبانى الخطه اللى انتى حطاها بس انا شايف المستفيد الاكبر من الخطه دى احنا هل الهدف انك بتغرينا مثلا عشان نقبل الشراكه
ليلى بمزاح
مش يمكن جر رجل
ضحك أدهم و نعمان على مزحتها
ليلى عشان اكون صريحة معاك انا بفضل الله شركتى اللى فى امريكا ناجحه ولما فكرت افتح فرع هنا بنفس المستوى كان قدامى حلين يا إما اقترض وانا طبعا ضد فكرة الاقتراض او انى اعمل دمج مع شركه تكون ناجحه
وسبب انى خليت نسبه ربحى أقل فأنا حابه ابنى ثقه بينا ويكون دافع ليا لتكبير الأعمال
أدهم بس الشراكة هتكون فقط في الفرع اللى موجود في مصر قصاد فرعك اللى فى امريكا يعنى الفروع التانيه بتاعتنا هتكون خارج الشراكه
ليلى اكيد طبعا
نعمان أنا عن نفسي موافق
أدهم وأنا كمان من بكره هنبدأ نمضى العقود واجهزلك مكتب فى الشركه وكمان هنعمل اجتماع مع الموظفين عشان نعرفهم الدمج اللى هيتم بينا
نعمان انتى اسمك ليلى عبد الغفار متولى انا بشبه على اسم والدك واسمك واتمنى مايكنش صدفه
ليلى بابتسامه لا هو انا ليلى بنت عبد الغفار متولى مدير الحسابات
نعمان بسم الله ما شاء الله كبرتى يا ليلى باباكى كان معرفة قديمه من اول ما جه اشتغل فى الشركه ووشه كان حلو عليا اتمنى يكون وشك حلو زيه
ليلى بإذن الله اكون تحت حسن ظنك
نعمان واختك عامله ايه كلمتنى من حوالى سنتين كانت عايزه تشغل جوزها
ليلى الله يرحمها ماتت من سنتين
نعمان الله يرحمها تمام يا ليلى بكره بإذن الله هنستناكى في الشركه انا م شبنزل كتير أدهم ابنى هو اللى ماسك الفرع دلوقتي وانتى هتابعى معاه انا بنزل كل فتره أتابع سير العمل
انتهى اللقاء بين ليلى وصاحب الشركه الجديدة وذهب للفندق كى تنال قسط من الراحة
اتصلت ساره على ليلى لكى تطمئن عليها
ساره ايه ياليلى اتاخرتى ومجتيش ليه
ليلى انا حجزت فى فندق من امبارح لحد مالاقى شقه
ساره ليلى هو فى حد ضايقك عندنا تعالى اقعدى معانا أمان ليكى ولحد ما ادورلك حتى على شقه تقعدى فيها وتكون جمبنا عشان متبقيش لواحدك
ليلى لأ خلينى هنا عشان ابقى براحتى
ساره اسمعى بس انت جوزى الاسبوع ده بايت بره والمكان كله عندنا فاضى يعنى فى ظرف يومين تلاته هجبلك شقه هنا بإذن الله ولحد ماتيجى تفضلى قاعده معايا مايصحش تقعدى فى فندق لواحدك
ليلى خلاص يا ساره شوفيلى شقه بس ايجار لحد ما اوضب الشقه بتاعتنا وافرشها من اول وجديد
ساره هتقدرى تقعدى فيها لواحدك
ليلى دى فيها ريحه الحبايب كلهم
ساره خلاص يا ستى حاضر هظبطلك انا موضوع الشقه ده
جمعت ليلى أغراضها وذهب للعيش مع ساره فتره مؤقتة وقامت ساره بمهاتفه حماتها وخذت منها رقم بعض الجيران الذين تركوا العقار باعتقادهم انه عقار مسكون
اتصلت على رقم منهم وطلبت منهم تاجير المنزل وهما رحبوا فورا بالفكره وقاموا بإرسال المفتاح لها لكى ترى العقار للمستأجر
قامت ساره باخد ليلى الشقه إلى الشقه التى بجانبها واعجبت ليلى بالشقه ووافقت انها ستجلس بها إلى أن تعيد فرش شقتها وتوضيبها مره اخرى
اتصلت ليلى بشركه تنظيف اتوا ونظفوا لها المنزل وقامت بتنظيم اغراضها داخل الشقه
فى صباح يوم جديد ارتدت ليلى من الثياب اجملها وقررت تأجيل الحزن لحين أخذ القصاص
تلك الثياب الذاهيه الالوان عكس ما يوجد بداخلها من حزن
ذهبت إلى الشركه وكان أدهم فى انتظارها وتم تجهيز مكتب لها وقاموا بإمضاء عقود الشراكه
أدهم جاهزه يا ليلى عشان تتعرفى على الموظفين
ليلى جاهزه
ادهم انا خليت السكرتيره جمعتهم كلهم فى قاعه الاجتماعات يلا بينا
دخل ادهم القاعه ومن خلفه دخلت ليلى دخلت بخطوات هادئه واثقه خطوات تعرف ما تريده
نظر كل الحاضرين لرئيس الشركه وقاموا بالوقوف كتحيه له ثم التفتت انظارهم لتلك التى دخلت خلفه بثقه ورأس مرفوع
قام أدهم بتعريف الموظفين على ليلى واوضحلهم انهم تم عمل دمج بين شركتين شركته هنا فى مصر وشركه ليلى فى أمريكا
كان من ضمن الموظفين تلك الخبيث وكان ينظر لها بعين مليئه بالخوف وقلب يقرع بالخوف نظرت ليلى لجميع الحاضرين وكانت تبحث بعينيها عن المدعو أنس إلى ان وجدته ابتسمت نصف ابتسامه عندما رأته فذلك هو هدفها
انتهى الإجتماع وخرج الكل من القاعه واتجهوا إلى مكاتبهم
وقفت ليلى مع أدهم خارج باب القاعه يتحدثوا عن المكان بشكل عام وعن أماكن المكاتب إلى أن خرج أنس من الغرفه وعندما خرج من القاعه وفى
انس
نظر أنس لها بتوتر
ذهب ليلى إليه ووقفت أمامه كأنثى الأسد التى تتربص بفريستها
ليلى ازيك يا أنس
متابعة القراءة
