رواية العزف على نياط القلوب (كاملة جميع فصول الرواية) بقلم اماني سيد
المحتويات
تقابليه العريس شاب طويل وعريض شبهه ممثلين السيما كده ومتربى وابن اصول ده اللى هكون مطمن عليكى معاه
خلاص يا عمى طالما انت واثق فيهم كده انا موافقه اقابلهم
ايوه كده هى دى غاليه بنت اخويا المتربيه الغاليه انا هكلمهم يجوا بكره وتقعدوا مع بعض
وبالفعل فى اليوم التالى اتى رياض مع والده
وتركنا عمى بمفردنا حتى نتحدث
من اول لقاء شعرت بزغزغه داخل قلبى
رياض شاب وسيم معسول الكلام استطاع من خلال احاديثه إبهارى به لا اعلم لما انجذبت له بتلك السرعه
هل لعدم وجود خبرات سابقه فى حياتى ربما
بعد انتهاء اللقاء المدبر سألنى عمى عن رأيى
ها يا غاليه نقول مبروك
لم استطع أن اعطى رأية فقط
اللى تشوفه يا عمى انا موافقه عليه
يبقى على خيره الله رياض ابن ناس وهيصونك
وبالفعل مرت فتره الخطوبه وكانت اللقاءات قليله فعمى كان متحفظ ولم يظهر خلال تلك الفترة ما يثير شكوكى تجاهه
بل كل زياره لرياض يأتى ومعه هدايا وحلوى
واصبحت وقتها فى اجمل مراحل عمرى
مرت فتره الخطوبه ولم يحدث بيننا اى مشاكل كما تحدث بين اى اثنين مرتبطين
كنت طوال الوقت مسالمه معه لم اختار أثاث منزلى او الديكورات تركتها جميعا له
لم تطل الخطبه كثيرا وبعدها اتى الزفاف لم تكن زوجه عمى ناضجه بالشكل الذى يجعلها تتحدث مع ىفى اشياء لها علاقه بالزواج والعلاقه فقط تركنى لمصيرى لاعلم نفسى
ولم يكن لى اصدقاء يتحدثون معى
حتى يوم الزفاف حضر عدد قليل من اقاربى وكان عدد اصدقائى معدوم فقط اثمين من زملائى ايام الدراسه
انتهى الزفاف ودخلت المنزل برفقه رياض وهنا كان اسوء يوم فى حياتى
ادخلى يا عروسه الليله ليلتك
شكرا
مالك مكسوفه ليه كده لا انا عايزك تفكى كده انهادره دخلتنا
ظلت صامته لا تعلم ماذا تجيب او ماذا عليها ان تفعل
بقولك ايه انتى هتفضلى مكسوفه كده كتير ادخلى يلا غيرى هدومك وانا مستنيكى
حاضر
ولا اقولك استنى اجى اساعدك
لا شكرا انا بعرف اساعد نفسى لو سمحت
خلاص هستناكى هنا بس عايزك تلبسى حاجه حلوه كده فهمانى عايز اتفاجئ انت هقعد مغمض عينى لحد ما تيجى
وبالفعل دخلت الغرفه وقمت بإخراج اجمل بيجامه وارتظيتها ظننت أن بهذه الطريقة بنفذ له ما يريد
كنت منتظره اسمع منه ما يزيد ثقتى بنفسى
لكن .
خرجت الصاله وجدته مازال جالسا كان الخجل مرتسم على وجهى
نظر رياض تجاهى وجعد ما بين حاجبيه
ايه ده
مش عجباك اغيرها
غاليه انتى عارفه المفروض تلبسى ايه
اه انت قولتلى البسى حاجه حلوه
بس مش ده اللى قصدى عليه انا اقصد حاجات العرايس اللى بتبين اكتر ما بتخفى عارفاها دى
صمتت غاليه فهى لم تشترى اشياء كتلك فى تخل أن ترتديها امام نفسها كيف سترتديها امامه
نظر رياض لها بتوجس
غاليه انتى عارفه المفروض نعمل ايه انهارده
اه هنتعشى وننام
بس كده ده اللى تعرفيه
تركها رياض ودخل غرفتهم
هل حقا لم تتحدث من احد من قبل واين زوجه عمها لما لم تنبهها
وصع يده على جبتهه يفكر في ماذا سيفعل وقرر أن يخرج يتحدث معها بوضوح فهو لم يترك تلك الليلة تضيع هباءا
بصى يا غاليه واضح إنك مش فاهمه حاجه وبصراحه كده انا معنديش وقت اشرح وأصلا مش محتاج الهدوم خالص فى حاجة انا بعدين ابقى اجبلك اللى على مزاجى
دلوقتي كل اللى طالبه منك انك تسبيلى نفسك خالص واى حاجه هنعملها اتاكدى إن كل اللى متجوزين بيعملوها
على فكره انا اتعاملت معاكى براحه ماينفعش تبقى كده حاولى تتعلمى بقى عندك نت اقعدى اتعلمى منه
مش معايا موبايل يدخل على النت
امال موبايلك عامل ازاى
قامت بإخراج موبايل ذات طراز قديم واعطته له
ايه ده انتى جبتيه منين ده وهو فى حد لسه بيشيل الموبايلات دى
عمى بيرفض انى امسك تليفون او اصاحب حد بيقول انه هيفسد اخلاقى والموبايل ده عيسى بالعافيه ادهولى بعد ما فضل يقنع عمى ووافق بعد معاناه
طبغانا هجبلك تليفون جديد ولبس على زوقى وهعتبر انك مجبتيش حاجه بس عايزه تسمعى كلامى وتسيبيلى نفسك اللى حصل ده مش عايزه يتكرر ومالوش لازمه الزن ده لأن انا اخدت حقى الطبيعى منك معملتش حاجه غلط او عيب
العيب إنك تمنعى نفسك عنى
حاضر هحاول اتعلم واعملك كل اللى انت عايزه
خلد رياض وغاليه للنوم فكان اليوم مرهق للجميع
فى اليوم التالى استيقظت غاليه مبكرا وجهزت الفطور وقامت بإيقاظ رياض الذى رفض أن يستيقظ وحينما الحت عليه وبخها وقام بزقها واكمل نومه
خرجت بعد ذلك وجلست امام الطاوله حزينه لا تعلم ماذا تفعل هل اخطأت مى يعنفها بهذا الشكل
ظلت تلوم ذاتها وتقنع نفسها انها اخطأت
اكيد أنا غلطت وهو نايم تعبان من امبارح المفروض اسيبه لحد ما يصحى لواحده.
خلاص اول ما يصحى انا هروح اصالحه وبعد كده لازم اخد بالى
بعد ساعتين استيقظ رياض ووجد غاليه تجلس على الطاوله لا تفعل شئ منظره ان يستيقظ لتأكل معه
جلس رياض امامها على الطاوله صامت كاد أن يتحدث ويبرر لها معاملته الجافه لكنهل سبقته فى الحديث
رياض انا عارفه انك زعلان بس انا والله معرفش انت بتصحى امته وتنام امته حقك عليا انا بصحى بدرى عشان كده فكرتك بتصحى زيى
عشان كده عايزاك واحده واحده تستحملنى وانا هنفذلك كل اللى انت عايزه
نظر لها رياض بصمت واستغراب هل هى ساذجه لذلك الحد ام انها تتصنع
إذا كانت ساذجه لهذه الدرجه وقتها سيستطيع استغلالها بأفضل شكل ممكن
ابتسم رياض بخبث
خلاص مش زعلان منك طول مانتى شاطره وبتتعلمى بسرعه انا مش زعلان ولا هزعل وهستحملك كمان وطباعى واحده واحده هتعرفيها
ومن هذا اليوم وتحولت غاليه من زوجه للعبه بيدهالبارت الخامس بدون لينك
لم تدرك غاليه أن تلك الكلمات العفويه جعلته يراها كلعبه يفعل بها ما يشاء فهى لا تعرف شئ عن الحياه رأت انها مخطئه لمجرد ان ايقظته مبكرا بالرغم من صريخه عليها يوم
جلس رياض على الطاولة وبدأ فى تناول الطعام
ايه ده يا غاليه الاكل بارد وناقص ملح
بجد معلش حقك عليا انا هقوم حالا اسخنه واظبطه
وبالفعل قامت غاليه وجمعت الاطباق وذهبت لتسخين الطعام وتعديله
نظر رياض فى اثرها بابتسامة خبيثة هو كان يعلم أن علاقتها محدوده بالعالم الخارجى لذا وافق على الزواج منها فهو اراد الزواج من فتاه متحفظه لكنه لم يكن يعلم انها بتلك السذاجة
اتت غاليه مره اخرى ووضعت الطعام على الطاوله وبدؤا فى تناول الطعام
بص انت قولى بس كل اللى يعجبك وانا هعملهولك
تمام يا غاليه انتى الأول لازم تعرفى ظروف حياتى انا شغلى مالوش مواعيد انتى عارفه اننا مستوردين وموردين فى نفس الوقت وبنقابل عملا فطبيعى اسهر كتير واسافر بالايام اخلص شغل وقتها انتى هابقى لواحدك فلازم تتعودى على كده وغير كده انا كمان مابحبش الزن والغيره يعنى اهم حاجه إنك تقدرى ظروف شغلى وحياتى وتتأقلمى عليها
لا ماتقلقش من الناحيه دى خالص وبعدين انت بره البيت بتعب وتشقى وطبيعى تيجى تلاقينى مستنياك ومجهزالك اللى انت بتحبه
شاطره لو عملتى كده تبقى فعلا ست مطيعه واهم حاجه طاعه الزوج تعرفى أن لو الزوج بات غضبان عليكى وقتها ربنا يغضب عليكى
بجد
اسالى واقرى فى الدين وانتى تعرفى
حاضر وماتقلقش انا مش هزعلك أبدا وهعملك كل اللى انت عايزه
وبهذا الكلام اعطته الإشارة الخضراء ليفعل ما يريد بها
جعلها كدميته اصبح يشترى لها الملابس التى يفضلها هو اشترى لها هاتف وسمح لها بإستخدام بعض التطبيقات وربط جهازها بجهازه حتى يعلم ما تفعل فى غيابه
خرجت غاليه من سجن عمها ودخلت سجن زوجها
فى بداية الزواج لم تشعر بملل فبرغم ذلك الهاتف الحديث وبعض تطبيقات الالعاب الصغيره إلا انها كانت سعيده به جدآ واخذ كل وقتها
قام رياض بعزلها عن العالم دون أن تدرى واصبح عالما عباره عن رياض وماذا يحب و التليفزيون وذلك الهاتف وبعد شهر من زواجها علمت غاليه بحملها
وقتها شعرت أن سعاده الكون اجتمعت بها واصبحت ترى انها امتلكت العالم لم تكن تريد اى شئ اخر من ذلك العالم سوى أن يتم حملها بخير
فى الجهه الاخرى عاد رياض لحياته القديمه قبل الزواج سهر مع اصدقاء السوء وفتيات يتعرف عليهم
فى البداية حاول اخفاء زواجهه لكن اصدقاءه اصبحوا يفتنوا عليه
اصبح يرى وجود غاليه فى حياته شئ مضمون وسعد بخبر حملها كثيرا من جهه سيصبح له ابناء ومن جهه اخرى ذاد الرابط بينها وبينه الذى سيجعلها خاضعه له ومهما يفعل او تعرف عنه ستتقبل من أجل ابنائها
اصبح يبيت خارج المنزل بالايام بحجه العمل وهى كانت تتقبل ذلك بقلب رحب وتدعى له دائما فى صلاتها
طلبت منه ماكينه خياطه وقررت أن تتعلم الخياطه وتصنع بنفسها ملابس اولادها فهى تمتلك كثيرا من الوقت
مر سته اشهر على حملها وتعلمت فيهم التفصيل واصبحت تفصل ملابس لابناءها
فى يوم قررت أن تصنع مفاجأة لزوجها وتفصل لها بيجامه يرتديها
دخلت على بعض المواقع وقامت بطلب الادوات التى تحتاجها وبالفعل اختارت موديل وقررت أن تفصله بنفسها وبالفعل قامت بتفصيله واصبح كالجاهز وقامت بكويه ووضعته فى حقيبه هدايا
وعندما أتى زوجها ذهبت اليه مسرعه وهى سعيده بما فعلته
دخل رياض المنزل ودخل مباشره لغرفته ليبدل ملابسه كالعاده وذهبت اليه غاليه مسرعه قبل تبديل ملابسه
رياض استنى استنى
ايه يا غاليه عايزه ايه انا جاى تعبان وعايز انام
معلش حقك عليا انا بس عملالك مفاجأة ومستنياك عشان تشوفها
انتى عملالى مفاجأة قالها رياض بسخريه
اه غمض عينك كده
انا مش فاضى يا غاليه فى ايه قولى
طيب خد افتحها بنفسك
قام رياض بفتح الحقيبه واخرج منها تلك البيجامه ثم وضعها على السرير وقام بضربها على وجهها بقوه
نظرت له غال بصدمه وتحولت ابتسامتها لدموع لا تعلم ماذا فعلت ليفعل بها ذلك
ايه ده انا عملتلك ايه ليه ضربتنى كده انا ضايقتك فى حاجه
طيب البيجامه مش عجباك
كانت تتحدث بخوف ودهشه من تصرفه لا تعلم ماذا فعلت ليضربها بهذا الشكل هى فقط كانت تريد ان تسعده
جذبها رياض بشده من يدها
انتى خرجتى من غير ماتقوليلى
لا والله مخرجت ولا روحت فى مكان
امال اشتريتى دى ازاى
انا فصلتهالك بنفسى فاكر لما جبتلى المكنه وقولتلى لو احتجت حاجه اشتريها من النت واديتنى كذا حاجه اجيب منها انا دخلت اشتريت كل حاجه وفصلتهالك وكمان فصلت منها اتنين صغيرين لولادك
تركها رياض وابتعد عنها واعطاها ظهره
بعد كده ابقى عرفينى بلاش المفاجات دى عشان انا رد فعلى وحش
ظلت غاليه واقفه تبكى ويدها على خدها
انا كنت عايزه افرحك واوريك انا اتعلمت ايه مكنتش متخيله انك هتفهمها كده ثم ذهبت واتت بملابس ابنائها
بص عملت ايه للاولاد كان نفسى بعد الولادة لما ارجع البيت والبسهم اللبس اشوفهم لابسين زيك عشان لما يكبروا يبقوا شبهك .
لم يستطع رياض الرد عليها وكبريائه ابى أن يعتذر لها
خلاص بطلى عياط وجهزى العشا وانا هقيسها دلوقتي عشان اشوفها مظبوطه عليا ولا لا
وبالفعل ذهبت غاليه لتحضير الطعام كأن شيئا لم يحدث واصبحت تعطيه الاعذار دائما
مهو عنده حق اكيد اى راجل مراته هتخرج من وراه هيعمل كده واكتر كمان المفروض كنت قولتله بص انا فصلتلك ايه وقتها اكيد مكنش حصل ده كله عموما واحنا بنتعشى انا هراضيه
قام رياض بارتداء تلك البيجامه وخرج لتناول الطعام
جلست غاليه امامه وهى مبتسمه بعد ان ارتدت من تلك الملابس التى يفضلها
ايه رايك في البيجامه عجبتك
أه حلوه طيب مش هتغيرها
لا عجبتنى ومريحه ابقى اعملى منها تانى واعملى للاولاد زيها
حاضر بص يا رياض انا مش عايزاك تزعل منى انا مش قصدى ازعلك وصدقنى انا عمرى ما اخرج من وراك أو اعمل حاجه من غير ما اقولك
انا مقدره رد فعلك واكيد اى راجل تانى دمه حر هيعمل كده بس لو سمحت المره الجايه ماتتسرعش واسمع
ماشى يا غاليه خلاص انا مش زعلان
المفروض اننا نروح للدكتوره امته
بكره
خلاص جهزى نفسك عشان نروحلها
متابعة القراءة
