رواية متمردة في جحيمي الفصل الثاني 2 بقلم سندس عمر

_انا مش مجبره اني اتجوزك انت فاهم..! 
راح قعد علي الكرسي ببرود وقال.. لا مجبره! 
_ومين قال اني هوافق عليك يا زين..؟ 
زين.. بقيتي شاطره اهو وبتقولي اسمي.! 
_زين حل عني.. 
زين.. وان قولت لا هتعملي ايه!؟ 
جميله.. هعمل كتير..!؟ 
زين ضحك بسخريه.. يا بنتي اتكلمي علي قدك..! 
جميله قالت بجديه.. انا مبحبش اللي يستهزق بكلامي..!! 
زين.. وانا مبستهزقش 
جميله.. تمام وانا مش هتجوزك وبعد اذنك يلا قوم امشي.. 
زين.

. انتِ مفكره ان هقوم امشي بالسهوله دي بتحلمي.. 
جميله.. انت عايز ايه بظبط يا زين مش كفايه اللي عملته.؟! 
زين.. عملت ايه..! 
جميله..انت هتستعبط..؟!!

زين قام وقف واتكلم بعصبيه.. اتكلمي باحترام علشان مزعلكيش وطبعا انتِ عارفه كويس اوي ان زعلي وحش وانتِ وابوكي واخوكي اكتر ناس مجربين زعلي..!؟

جميله تجهلت اللي زين قالوا وقالت.. اطلع برا يا زين..! 
زين.. انا كده كده همشي بس قبل ما امشي هقولك علي كام حاجه كده..! ابوكي واخوكي مش هخرجهم

من السجن اللي لما توافقوا تتجوزيني ساعتها بس هخرجهم وانتِ عارفه اني اقدر اخرجهم فكري ورقم تليفوني معاكي يلا سلام..!؟

زين قال كده ومشي وجميله راحت قعدت علي الكنبه بحزن شديد علي ابوها واخوها اللي اتسجنوا ظلم بسبب زين وافتكرت لما زين قعد يهددها انها لو متجوزتوش هو هيحبس ابوها مجدي وعلي اخوها ولما هيا رفضت وقالت انه مش هيقدر يعمل حاجه لقيت بعدها ب يومين البوليس بيخبط عليهم وبيحطوا الكلبشات في ايد مجدي وعلي وهيا كانت بتعيط بحرقه ولما راحت القسم وراهم

الظابط قالها انهم بيتاجرو في المخدر*ات ولما قالتلهم في اثبات طلعولها ورق كتير لي علاقه ب بضاعات كتير جدا وفي وسط الورق دا كان في كام ورقه مكتوب في عدد اسلاحه وكمان لقوا مكان بتاع مجدي في اسلح*ه كتير جدا بس جميله فضلت تعيط وقالت ان الحاجات ظي مش حاجات ابوها واخوها بس هما طلعوها برا القسم ومجدي وعلي اتحكم عليهم ب خمستاشر سنه سجن. جميله فاقت من شرودها علي صوت خبط الباب قامت وفتحت بيأس وحزن شديد.. 
جميله بصدمه.. علي!!!!!

#متمرده_في_جحيمي 
#سندس_

عمر