رواية مشكلة عائلية الفصل الحادي عشر 11 بقلم عادل عبدالله
المحتويات
يندهش ادهم !!!!! ايه ده انا بحلم ولا ده بجد هي معقوله جات لحد هنا وبتصحيني في الوقت ده !!!
ده معني كده انها وافقت اني !!!
ها قد حانت اللحظة ولكنه هنا تذكر رؤيته لحزن داليا في منامه وكأنها كانت تشعر بما سيحدث !!!
لم يستجيب لندائها ادهم وكأنه مازال نائما !!!
تنظر له دعاء ثم تنصرف بهدوء عائدة الي غرفتها
تجلس علي فراشها وتقول في خاطرها الحمد لله انه مش حس بيا انا مش عارفة اللي كنت هعمله ده صح ولا غلط
ثم ترد علي نفسها انتي مش هتعملي حاجة غلط هو جوزك ولازم يحصل كده علشان ترجعي لمروان حبيبك
ثم تقول لنفسها منك لله يا مروان انت السبب في اللي انا فيه ده
صباح اليوم التالي
يجلس ادهم يتناول الفطور يتابع دعاء بنظراته بينما تحاول هي الا تلتقي عينيها بعينيه
ثم
دعاء لسه
ادهم حاولي تاخدي قرار النهاردة عايزة ترجعي لمروان ولا لأ لو مش عايزة ترجعي لمروان يبقي الموضوع منتهي هطلقك وانتي ترفضي رجوعك لمروان وخلصت الحكاية انما لو عايزة ترجعيله نتكلم بقي
دعاء نتكلم في ايه
ادهم ننفذ شرط ان جوازنا يكون شرعي
دعاء انا داخلة المطبخ
ادهم بجرأة انت كنتي بتصحيني بالليل
دعاء ها اصحيك !!
ادهم ايوه انا حسيت انك كنتي بتصحيني معرفش ده كان حلم ولا حقيقة
دعاء وانا هصحيك ليه
ادهم معقول كنت بحلم !
دعاء بصراحة ايوه كنت بصحيك بالليل
ادهم ليه
دعاء ااا كنت
ادهم كنتي ايه اتكلمي
دعاء كنت عايزاك تفكر معايا
ادهم علي العموم انا رايح الشغل وفكري تاني برحتك لحد بكره
في العمل
وليد ايه يا ادهوم من كام يوم وانت مش باين ليه
ادهم ما انت عارف شغلي اليومين اللي فاتوا كان في الموقع علشان كده مكنتش باجي الشركة
وليد ده انا افتكرتك اخدت اجازة علشان العروسة الجديدة
ادهم عروسة ايه انت صدقت !! لأ طبعا
وليد مادام الموضوع مش في دماغك تبقي غلطان انك وافقت من البداية
ادهم عارف اني غلطان لكن انا وافقت علشان اخو مراتي عموما اهو درس اتعلم منه
في المساء
في بيت داليا
يدخل ادهم من باب الشقة فتستقبله
داليا حبيبي وحشتني اوي
ادهم وانتي كمان
داليا بجد ولا من ورا قلبك
ادهم بجد طبعا يا قلبي ادخل اخد شاور علي ما تجهزي الاكل يا قلبي
بعد الطعام
ادهم ايه
داليا عايزة اسألك سؤال وتجاوبني بصراحة
ادهم اسألي يا حبيبتي
داليا وانت في بيت داليا مش فكرت خالص انك يعني
ادهم متكمليش يا داليا
داايا ليه انا عايزة اعرف
ادهم تعرفي ايه !! انتي عارفة الاتفاق اللي بيني وبين اخوكي
داليا ايوه عارفة لكن انا عارفة بردو ان الشيطان شاطر ما اجتمع رجل وامرأة الا كان الشيطان ثالثهما
ادهم يضحك بسخرية ايه ده اومال هو فين
داليا هو مين
ادهم الشيطان يا حبيبتي ما انا وانتي لوحدنا اهو هو فين بقي
داليا لا يا حبيبي انا مراتك وانت جوزي الشيطان لو دخل بينا هيكون يوقعنا في مشاكل انما اللي بالي بالك لأ الشيطان ملوش مكان لأنه حلال
ادهم يستفزها ويضحك وهي كمان مراتي
داليا
ادهم يضحك طيب بلاش
متابعة القراءة
