حكاية زوجة كاملة جميع الفصول بقلم عادل عبدالله

حكاية زوجة أبي ....
بقلم عادل عبد الله
يا جماعة خلاص قربت أتجنن أنا عايز أحكي حكايتي وتحكموا فيها باللي يريح ضميركم .
أنا شاب عمري ٢٧ عام وعندي أخين أصغر مني ٢٥ سنة و٢٤ سنة .
والدتي ټوفيت من سنة تقريبا وبعد ۏفاتها بشهور والدي جمعنا أنا وأخواتي وقالنا أنتوا خلاص بقيتوا رجالة وقربتوا تتجوزوا وأنا من حقي أني أتجوز ومش هقدر أعيش بقية حياتي عازب .
والدي عمره ٥٦ سنة وصحته كويسة جدا و فعلا شوفنا أنه من حقه .
وافقنا لكن بشرط وصارحنا والدي بالشرط

ده وهو أنه ميخلفش من اللي هيتجوزها .
والدي قعد يفكر لدقايق وبعدها قال فعلا أنتوا عندكم حق خصوصا أنه لو خلف في العمر ده مش ضامن يربيه .
المهم إن والدي وافق وفعلا بعد حوالي شهر والدي قالنا أنه خلاص لقي العروسة ووافقت تتجوزه وبالشرط اللي أتفقنا عليه .
العروسة كانت عندها ٣٨ سنة مطلقة بسبب عدم الإنجاب والحقيقة كان واضح عليها إنها بنت ناس ومحترمة .
في خلال شهر والدي أتجوزها وجابها تعيش معانا في البيت .
نسيت أقولكم إن والدي كان مسافر الخليج وأشتغل هناك أكتر من عشرين سنة ولما رجع بني بيت كبير عمله علي هيئة فيلا كل واحد فينا له دور كامل علي مساحة ٤٠٠ متر متشطب و مفروش بأحسن فرش مش ناقصه غير العروسة .
لما والدي أتجوز طلعت أنا وأخواتي عيشنا فوق وسيبنا لوالدي ومراته الجديدة المكان اللي كنا عايشين فيه معاه لكن كنا بنتجمع كل يوم نقعد معاه بالليل ساعة ولا اتنين ونتعشي ونسيبهم ونطلع .
المصېبة من حوالي أسبوع عرفنا إن مرات أبويا حامل !!!!!
طبعا صدمة ما بعدها صدمة !! أزاي مراته تخلف وهو في السن ده !! وأزاي أصلا تخلف وهو قايل إنها اتطلقت بسبب العقم !! والمصېبة الأكبر أن اللي هتخلفه ده هيورث معانا ويشاركنا في فلوس والدي !!!
أتكلمنا مع والدي وطلبنا منه أنه لازم مراته تنزل الجنين ده لكنه رفض وبشدة !!!
طيب دلوقتي أحنا نعمل أيه نسكت لحد ما مراته تخلف عيل يورث معانا ويشاركنا كل حاجة !! ولا نرفع قضية حجر علي أبويا !! ولا نرفع قضية نفي نسب !! ولا نتصرف أزاي ياريت تدلونا لأن تفكيرنا خلاص هيقف .
ياريت يا جماعة تقولوا رأيكم بكل أمانة نتصرف أزاي 
تمت .