كنت بطلع بطاقه

صوت حسام كان هادي زيادة عن اللزوم
الهدوء اللي يخوّف
كملت المكالمة وأنا إيدي بترتعش:

– ورق إيه؟
ضحك ضحكة قصيرة وقال:
– ما هو أكيد قالك… ولا لسه؟

سكتّ
فهم من سكوتي
وقال بنبرة واثقة:
– بصي يا مدام، خلّينا نتكلم بعقل. إحنا الاتنين ضحية راجل واحد.

قعدت على الكنبة وراسي بيلف
– إزاي يعني؟
– جوزك الحقيقي… مش اسمه اللي تعرفيه أصلًا. ده اسمه الحقيقي عندي غير عندك. وأنا متجوزك رسمي عشان أطلع قروض باسمي وباسمك. وهو ضامن.
ضحك تاني وقال:
– لعبة قانونية قديمة.

صرخت:
– إنتوا بتلعبوا

قاللي إنه شاف اسمي في قضية شيكات
قضية لسه مرفوعة
وإن إمضاتي على الورق كانت موجودة
بس خط إيدي؟
مزور.

قال:
– أنا أول ما فهمت اللعبة… قررت ما أكملش.
– وأهو… هو سبقك.

سألته وأنا دموعي نازلة:
– وأنا أعمل إيه دلوقتي؟
رد من غير تردد:
– تيجي تقابليني.

قفلت المكالمة
والبيت كان فاضي
بس حاسّة إن الحيطان بتتفرج عليّ.

لقيت درج كنت عمري ما فتحته
مقفول بمفتاح
المفتاح كان في دولاب المطبخ
مستخبي في علبة سكر.

فتحت
لقيت نسخ من بطاقتي
جوازي
توقيعات
وأسماء

أنا مش زوجة
أنا مشروع نصب متكامل.

خدت الأوراق
لبست
ونزلت.

قابلت حسام في كافيه
راجل عادي جدًا
شكله مش مجرم
وده كان المرعب.

قاللي أول ما قعدنا:
– عندك خيارين.
– يا إما تسكتي… وتفضلي غطا.
– يا إما نوقعه.

طلع موبايله
ووراني تسجيلات
صوت جوزي
وهو بيعترف بكل حاجة
وهو بيقول:
“هي هتتحبس مكاني لو لزم الأمر”.

قلبي وقع
بس لأول مرة حسّيت إني مش لوحدي.

روحنا محامي
فتح بلاغ تزوير
تعدد زوجات بدون علم
نصب
واستغلال.

جوزي حاول يهرب
بس كان

القضية خدت شهور
تحقيق
مواجهات
نظراته كانت كلها تهديد
بس المرة دي
أنا اللي ثابتة.

اتحبس
واتحكم عليه
وأنا خرجت ببراءة
بعد ما أثبتوا التزوير.

أما حسام؟
طلقني رسمي
وقدّم شهادته
وسافر.

آخر مرة كلمني
قاللي:
– سامحيني… كنت جزء من الكابوس.
قلتله:
– المهم إني فوقت.

دلوقتي
أنا عايشة لوحدي
بتعلم أقرأ أي ورقة
وما أمضيش غير وأنا فاهمة
وبقفل بابي بإيدي
مش بمفتاح حد تاني.

اتعلمت إن أسوأ السجون
مش حديد
ولا حيطة
أسوأ سجن
ورقة
وإمضا
وثقة

ولو بتقري وبتقولي
“مستحيل يحصل معايا”
احب أقولك
أنا كنت فاكرة كده
لحد ما طلعت
محبوسة
على ورق رسمي.