رواية زواج لدقايق معدودة الفصل السادس 6 بقلم زهرة الربيع

انت مين يا جحش الترع انت انطق ياض لاجيب اجلك
مازن اتخض واتفاجأ اصلا انها مش شروق قال بتوتر..مازن..انا مازن
غنوه قالت بسخريه....اه مازن طب مش تقول.. اللي ما يعرفك يغزك
وزعقت فيه بغضب وقالت..على اساس عرفتك كده زفت مين وازاي شكلك الدنيا مزعلاك وحابب تفارقها بدري بدري
مازن اتالم واترعب وقال بسرعه..لا لا...انا اسف انا كنت فاكر شروق الي هنا والله.. والله كنت فاكرك شروق
غنوه بصتلو بدهشه وسابتو وقالت..شروق.. 
مازن بلع ريقه بتوتر وقال بسرعه وخبث...عادي صحاب وكده على فكره هيه لو عرفت انك زعلتيني كده هتزعل منك جامد
غنوه خبت لما قال كده واتفاجات جدا لما فهمت من كلامو انو يعرف شروق 
عند شروق كانت مصره تتكلم مع سند ومكانش راضي يقف يسمعها وقفت قدامو بسرعه وقالت بغضب ...انا مش بكلمك يا سند ولا مبسوط بحالك وانت مجريني وراك كده
سند اتنهد بخنقه وقال...عايزه ايه متخافيش..مقولتلوش حاجه...وبعدين حتى لو قولت ده هيبقى حديت بيني وبينو انتي ملكيش صالح بيه
شروق قالت بغضب مليش صالح كيف انت مش كنت نازل تقولو ...ده كلام تقولو عايز تكسفني

قدامو
سند قال بغضب...واكسفك ليه مش دي الحقيقه..كل اللي هقولو ان عينك منو وانو يحذر معاكي في الكلام لانك صغيره وموعياش لمصلحتك..وهو هيفهمني 
شروق غمضت عيونها بغضب وقالت ..انت عايز تجلطني ..اسمع بقى انا ساكته على عمايلك دي ومش بقول علشان مخربهاش ..انما انا حره ولا هكون الا للي قلبي يختاره سمعت
ولسه هتمشي وقال بغضب يخوف ...واللي هو نوح طبعا...هو اللي قلبك اختاره مش كده
شروق قالت بتوتر...سند 
سند بغضب وقال.. ليه خايفه مني.. انا الشيطان اللي بيخوف مش كده يا بت عمي
شروق كانت مرعوبه منو وزعقت فيه وقالت بدموع..هملني بقولك...انت اتجننت سيبني في حالي سيبني بقى 
وبقت تبكي جامد
سند حس انو ذودها معاها حاول يكبت غضبه وقال بحزم...جهزي روحك يا شروق هخطبك من ابوكي الليله..ولو عيزاها تبقى خراب على الكل ارفضي
بقلم.....زهرة الربيع
قال كده ومشي بغضب وهيه زعقت وقالت....مش هتجوزك يا سند..لو كنت اخر راجل في الدنيا مش هتجوزك
بس سند موقفش ولا كأنو سامعها
عند غنوه اتصدمت بكلام مازن بس محبتش تدخل وتسال اكتر قالت ..احم..قصر الكلام. .شروق هيه اللي ادتني مفتاح اوضتها علشان اخد من عنديها غيارين..يلا يا حيلتها زق عجلك من هنه وابقى ارجع لما هيه تكون في اوضتها
مازن بصلها من فوق واعجاب شديد وقال...هو انتي قريبتها...انا مازن الشامي ابن ..
بس قاطعتو لما قالت بغصب..وانا مالي شامي ولا دره امشي اطلع من الاوضه بقولك ...محدش طلب يدك للجواز علشان تقدم روحك
مازن حمحم بحرج وقال...تمام...على العموم احنا هنفضل هنا يومين واكيد هنتكلم تاني ...سلام يا...
طب ممكن تقدمي انتي نفسك اعرف الجميل اسمو ايه
غنوه ابتسمت بضيق وقالت...لو عديت لحد صفر ولقيتك لسه هنا مش هتلحق تسمع اي رقم تاني
مازن حمحم بقلق منها وقال..طيب طيب انتي عصبيه كده ليه خارج اهوه
وطلع من الوضه وهو بيبص عليها ويغمز لها وهيه بصتلو بغضب وقفلت الباب
مازن ضحك جامد وقال بصوت عالي...الجامد حقو يدلع 
بس اصتدم بحد وراه التفت وبلع ريقه برعب لما لقى سند بيبصلو بطريقه تخوف وقال..ايه اللي جابك هنا يا ود الشامي اوعى تقولي ان الاسهال اللي مصاحبك كل ما بتاجي عندينا رجعلك تاني
مازن بلع ريق وقال ....انا فعلا كنت بدور على الحمام
سند ضحك بسخريه وقال ...بتدور على الحمام تاني وتفتكر السرايا دي كلها مفيهاش حمام في الدور التحتاني طالع تدور عليه في الدور الفوقاني  
مازن اتوتر وما بقاش عارف يرد يقول ايه وقال بتوتر... ما انا بتوه والله هنا و
بس قاطعو سند لما مسكوا من هدومه وقال بطريقه تخوف.... انا مش قلت لك قبل كده هخلي عينك ما تقدرش تبص لاي مره تانيه حصل ولا لاه
مازن قال بتوتر ...انا مكنتش و البنت الجديده دي هي قريبتكم
سند بصلو باستغراب وقال ..وانت مالك ومالها دي كمان انت جاي في اي مصلحه وخلاص.. اوعي تكون فاكر ان مكانة ابوك عندينا هتخلينا نقولك البيت بيتك
مازن ظبط هدومه وقال.... والله هي اللي كلمتني وقالتلي خلينا نتعرف وبقت تسالني انا ابن مين ومن فين وقالت انها قريبتكم من بعيد وهتاخد فتره هنا وان بنت عمك ادتلها المفتاح علشان تاخد هدوم من الاوضه
بس انا لاني عارفك عصبي سبتها وطلعت ولسه همشي لقيتك في وشي
سند اتسعت عنيه بذهول لان فعلا شروق ادت المفتاح لغنوه قدامه وقالت لها تروح تاخد هدوم من الدولاب
مازن ابتسم بخبث لما شاف شكله وقال.. ..قبل ما ترمي بلاك على الناس